Bɔ-Koe-Iyipiti 32:7 - ALLALA KUMƐ

⁷ Anu bi wo kun na, Mari ya a fɔ Musa ye kɔnkɛ kuma ko, “I buri yigila kamasɔrɔn i wara na mɔgɛ minnu na ka bɔ Iyipiti nyamanɛ rɔ, wonu bara yɛlɛma ka yogoya.

Bɔ-Koe-Iyipiti 32:7 Iomraidhean Croise

2 Ko-Kɔrɔta-Karan 27:2

Mansa Yotam ya koe min bɛɛsi ma ala mansayɛ kɔrɔ, wonu ya Mari hɛnɛ iko a fa ya a ma nya min. Fɔ a ma isɛnti mintan Bato-Bɔn la ka bila Mari la iko a fa ya a ma nya min. Kɔnɔ hali wo, mɔgɛnu tora hakɛ kɛla Mansa Yotamta wati rɔ.

Yaburi 78:36

Kɔnɔ anuna kumɛ bɛɛsi foninya. Fenfen sa anu da rɔ fɔ kuma-teleka-teleka-fɔɛ.

Bɔ-Koe-Iyipiti 19:24

Mari ya a fɔ a ye ko, “Ta Aruna bi kɔnkɛ kɔrɔ. I ni yɛlɛ a la yan kɔnɔ saraka-masɔlɛnu anubɛ a mɔgɛ toenu kana tenbi dan la ka nde, Mari yen muk! Ni min tenbira, n si wo tɔrɔ.”

Bɔ-Koe-Iyipiti 32:1

Mɔgɛnu ya a yen tumɛ min ko Musa ara mɛ Sinayi kɔnkɛ kuma, anu ya anu kundɛn Aruna dafɛ. Anu ya a fɔ a ye ko, “Musa min nara ma la ka bɔ Iyipiti nyamanɛ rɔ, ma ma a lɔn min bara ma a la. I lasɔ ma fɛ ka bɛsɛ do ladan ma ye min si sɔ ma yarɔ.”

Bɔ-Koe-Iyipiti 32:11

Musa ya ata Mari Alla madiya. A ko, “Mari, i wara ila mɔgɛ minnu nabɔ Iyipiti nyamanɛ rɔ ita sɛnbɛ-wɛ la, ila diminyɛ si wara wonu kuma nfen na?

Bɔ-Koe-Iyipiti 32:4

A ya wonu bira anu bolo ka anu lee ka a ma ninki-danla muninyɛ la. Isirɛla mɔgɛnu ya a fɔ ko, “E, mata bɛsɛ le kɛ la min nara ma la ka bɔ Iyipiti nyamanɛ rɔ.”

Bɔ-Koe-Iyipiti 33:1

Mari ya a fɔ Musa ye ko, “I nara mɔgɛ minnu na ka bɔ Iyipiti nyamanɛ rɔ, anu bi. N ya wo benbanu yili-madiya lanyiri-nyamanɛ minna ko la, Iburayima anubɛ Isiyaka anubɛ Yakoba, kɔni, wo ni wo bɔ yan ka ta nyɔ rɔ.

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Hoseya 9:9

Wo ti ko-wo-ko ladan karagbɛlɛyɛ kɔma. Wo mani de iko wo ye Kibiya wati min. Alla si a yili to wo sɔn-yogomɛnu ko ka wo tɔrɔ.

Tɔn-Fɔɛ-Fila-Nyɔgɛ 31:29

N ya a lɔn ko n ba faga tumɛ min, Isirɛla mɔgɛnu si ma wunduyogenu na. Anu si anu ban nta karan kɛnu na. Kɔnɔ tɔ-a-la, anu si masiba-koenu sɔrɔn bawo anu ya Alla kuman-kan masɔsɔ. Woletɔ anu bara a ma, Mari fonde ara bɔ anu kuma dɔgɔma-ma-de!”

Tɔn-Fɔɛ-Fila-Nyɔgɛ 32:5

Kɔnɔ telenbɛlɛ le wole la. Hali mɔgɔ ma wo kele Allata mɔgɛnu. Wo fanɛ hakɛ anubɛ yanfanteyɛ la.

Tɔn-Fɔɛ-Fila-Nyɔgɛ 4:16

wo kana ko-yogoma ma ka bɛsɛnu nadan. Wo kana bɛsɛ ladan minnubɛ hadama-dan muninyanɛ.

Tɔn-Fɔɛ-Fila-Nyɔgɛ 9:12

Wo kɔma, Mari ya a fɔ nde ye ko, ‘I buri yigila kɔnkɛ kɔrɔ tiriya bawo i nara mɔgɛ minnu na ka bɔ Iyipiti nyamanɛ rɔ, wonuna ko-yogoma-ladan ara a ma, anu bara anu nyɛrɛ kɔsɔ. N ma n tade lefan, n ya min fɔ anu ye, anu bara anu kan-kɔ sɔ wo la. Nba, i yɛ lata de! Anu bara bɛsɛ ladan anu nyɛrɛ ye.’

Tɔn-Fɔɛ-Fila-Nyɔgɛ 9:8

Katarala Sinayi kɔnkɛ kɔrɔ, wo ya a ma, Mari Alla fonde bɔra dɔgɔma-ma-de! A fonde bɔra ha a sɔgɛ ya a bira ka wo lato dogbe!

Kɛlɛ-Kurugbɛnu 2:19

Kɔnɔ ni kɛlɛ-kurugbɛ wo fagara tumɛ min, anu si sɛgi anu gba-kɔrɛ rɔ tun. Anu si yogoya ka tenbi a fɔlɔtɛ la ka don bɛsi-kɔ-koe rɔ, ado, anu ti sɔn anu sɔn-yogomɛ wonu bolokala.