Bɔ-Koe-Iyipiti 32:5 - ALLALA KUMƐ

⁵ Aruna ya wo yen tumɛ min, a ya saraka-mintan-tinɛ sɔ ninki-danla muninyɛ wo yarɔ. A ya a fɔ anu ye ko, “Nba, sinan tele si ma ladiya-tele la Mari ye.”

Bɔ-Koe-Iyipiti 32:5 Iomraidhean Croise

1 Mansɛnu 21:9

A ya min sa kɛdi wonu tɔ, a ko, “Mɔgɛ bɛɛ la ni dɛn ka sunyɛ don tele kelen kɔrɔ. Wo ni Nebɔti sigi mɔgɔ-banu tɛma.

2 Mansɛnu 10:20

A ya a fɔ anu ye tun ko, “Ma ni kun wona tele kelen ma, ma si Beyali kɔ min ma.” Anu dama sarata tele kelan wo ma.

2 Mansɛnu 16:11

Yanni ale Mansa Ehasi ni sɛgi a warɛ, a ya a taran, Saraka-Masɔla Yuraya ara ban saraka-mintan-tinɛ wo sufa ladanna.

2 Ko-Kɔrɔta-Karan 30:5

anu ya Isirɛla mɔgɛ bɛɛ kele tɛrr, ka a bi Dan soe ma kantɔ-wara la, ha Biri-Siba soe ma dugula wara la. A sɔgɛ ye anu na, anu ni Kanan-Ko-Ladiyɛ kɛ min nyɔgɔn ma ma wɛ fɔlɔn.

Bɔ-Koe-Iyipiti 10:9

Musa ya a fɔ ko, “Isirɛla mɔgɛ bɛɛsi le tala, kina wo, denni wo, anubɛ mala kolo-fannu, ma damasi le tala mata Mari Alla bato tinɛ ka ladiyɛ kɛ ale ye.”

Bɔ-Koe-Iyipiti 12:14

Wo si to wo mirila tele kɛ ma. San-bo-san, wo si tele kɛ ma ladɛn-tele la nde, Mari ye, ka to kɛ mala habadan!”

Bɔ-Koe-Iyipiti 17:15

Musa ya saraka-mintan-tinɛ sɔ ka a tɔgɔ sa “Nna kisi-koe falafalɛ le Mari la.”

Bɔ-Koe-Iyipiti 32:4

A ya wonu bira anu bolo ka anu lee ka a ma ninki-danla muninyɛ la. Isirɛla mɔgɛnu ya a fɔ ko, “E, mata bɛsɛ le kɛ la min nara ma la ka bɔ Iyipiti nyamanɛ rɔ.”

Bɔ-Koe-Iyipiti 32:6

Bandɛ kanɛ, anu suruta nala saraka-mintantɛnu anubɛ yisi-kima-sarakɛnu na. Anu ya anu de-nyini ka anu min. Wo kɔma, musi wo, kei wo, anu ya bolola-tolɔn dabira.

Hoseya 8:11

“Wole Isirɛla mɔgɛnu bi tola saraka-mintan-tinɛnu nadanna nya min wo hakɛ makoto-koe ma, wo ye tola hakɛ-kɛ-tinɛnu nasiyayala wo nya na le.

Hoseya 8:14

“Wole Isirɛla mɔgɛnu bara bon-hakikɛnu sɔ wo nyɛrɛ ye ka nyina nde, wo Dali-Mari ko salon! Wole Yuda kɛnu fanan bara wola so-latankanɛnu sɔ kɔnɔ nde, Mari si tɛ layigi ka bon-hakikɛ wonubɛ so-latankanɛ wonu mintan gburr!”

Saraka-Masɔlɛnuta Tɔnnu 23:21

Tele wo nyɛrɛ rɔ, ma kana wɔlɛ mumɛ kɛ kɔnɔ ma ni ma ladɛn ka Mari bato wulɔn. Mari ko ladɛn-kɛ-tɔn siginɛ ma kuma ma tara kan-bo-kan ka a dabira bi ma ha wo tumɛ min di ale Mari ye. Ma kana a boloka.

Saraka-Masɔlɛnuta Tɔnnu 23:37

Ma ara ladɛn min bɛɛsi wara-koe fɔ kɛ la, Mari ko ma si ata gbiliyɛ yira a la saraka-bɔ-nya kɛnu fɛ, dɛgɛ-saraka-bɔ-nya wo, saraka-mintantɛ bɔ-nya wo, nɔnbɔ-gbɔ-yi saraka-bɔ-nya wo, anubɛ saraka-dɔntɛnu bɔ nya.

Saraka-Masɔlɛnuta Tɔnnu 23:4

Ma si na ladɛn donu kɛ wati do kɔnɔ ma ye wonu mala wati min, wo le kɛnu na.

1 Kɔrɛnti 5:8

Ma ni mala ladiyɛ wo kɛ a kilɛ fɛ. Ma kana a kɛ hakɛ anubɛ wunduyogoyɛ la ma bolo min manɛ iko biredi-yɛlɛ-fan. Ma ni a kɛ sɛninyɛ anubɛ tonyɛ la min manɛ iko biredi-yɛlɛ-fen sa dɛgɛ min tɔ.

1 Samuwɛli 14:35

Mansa Sɔli ya saraka-mintan-tinɛ sɔ Mari ye nyɔ. Saraka mintan tinɛ sɔ fɔlɔtɛ le wo la Mansa Sɔli bolo.