Bɔ-Koe-Iyipiti 32:1 - ALLALA KUMƐ

¹ Mɔgɛnu ya a yen tumɛ min ko Musa ara mɛ Sinayi kɔnkɛ kuma, anu ya anu kundɛn Aruna dafɛ. Anu ya a fɔ a ye ko, “Musa min nara ma la ka bɔ Iyipiti nyamanɛ rɔ, ma ma a lɔn min bara ma a la. I lasɔ ma fɛ ka bɛsɛ do ladan ma ye min si sɔ ma yarɔ.”

Bɔ-Koe-Iyipiti 32:1 Iomraidhean Croise

Ko-Dabirɛnu 19:14

Lɔti bɔra ka ta a fɔ a birannu ye minnu bara ala dunmusu filɛ mabira nun ko, “Wo ni wo bɔ yan soe kɛ burɔ kamasɔrɔn Mari si soe kɛ halaki.” Anu ya a lɔn nun ko a ye yokaliyɛ le la.

Ko-Dabirɛnu 21:26

Mansɛ wo ya a fɔ ko, “Kɔnɔ i ma kɛ fɔ n ye wɛ nun. N ma a lɔn min ya kɛ ma. Fɔ bi, n bara kumɛ kɛ lamɔɛn.”

Ko-Dabirɛnu 39:8

Kɔnɔ a ya a ban a tigila musi bolo ka a fɔ a ye ko, “Ila kei ara a bolo-fan bɛɛsi latenbi n ma. Ala ko-wo-ko sa a bolo-fannu bara-koe rɔ. A ara wo lanayɛ di n ma.

Ko-Dabirɛnu 44:15

Yusufu ya a fɔ anu ye ko, “Wo ara nfen ma kɛ la? Wo ma a lɔn nun ko wo mɔgɛ le nde la min si nya-nyini-kɛ ka ko sufa kɛnu gba bɔ?”

Ko-Dabirɛnu 44:4

Anu tara. Yanni anu ni yanfa, Yusufu ya a fɔ ala wɔli-kɛlɛ-kun-tigi wo ye ko, “Ta kei wonu sagaranna. I wa ke anu tɔ tumɛ min, i ni anu manyinika ko nfenna anu bara wɔli-nyimɛ yɛlɛman wɔli-yogomɛ la?

Yaburi 106:19

Anu ya ninki-danla muninyɛ ladan sɛnɛ la Sinayi kɔnkɛ kɔrɔ. Wo kɔma, anu sɛgira wo kɔla.

Bɔ-Koe-Iyipiti 13:21

Tele rɔ, Mari ye anu yarɔ banda-fin-gbɛ rɔ ka kilɛ yira anu na. Suyi rɔ, Mari ye anu yarɔ iko ta-mɛlan alako anu ni anu kin kɔrɛ yen.

Bɔ-Koe-Iyipiti 14:11

Anu ya a fɔ Musa ye ko, “Nfen ya a ma, i nara ma la yan alako ma ni faga wulɛ kɛ rɔ yan? Kaburu-so sa ma bolo Iyipiti nyamanɛ rɔ, wa? I wara ma bɔ Iyipiti nyamanɛ rɔ nfenna ka koe kɛ ma ma la?

Bɔ-Koe-Iyipiti 16:3

ka a fɔ anu ma ko, “Yanni ma ni kɛ nyɔgɔn sufa tɔrɔyɛ sɔrɔn yan, a fisa nun Mari ni ma faga Iyipiti nyamanɛ rɔ. Ma ye Iyipiti nyamanɛ rɔ tumɛ min, ma ye mɛya-fannu anubɛ dɔn-fannu dɔnna nun ka wasa. Kɔnɔ wo ara na ma la wulɛ kɛ rɔ alako wo ni a ma, nyama kɛ bɛɛsi ni faga kɔnkɛ bolo.”

Bɔ-Koe-Iyipiti 20:23

Anu kana wodi-gbɛ anubɛ sɛnɛ ladan bɛsɛnu na ka mabɛ wonu kɔ.

Bɔ-Koe-Iyipiti 24:12

Mari ya a fɔ Musa ye ko, “Na n bara ka mɛ n fɛ kɔnkɛ kun tɛma yan. N si kuru-walan fila don i bolo nna tɔnnu sɛbɛnɛ minnu ma alako i ni mɔgɛnu karan wonu na.”

Bɔ-Koe-Iyipiti 32:11

Musa ya ata Mari Alla madiya. A ko, “Mari, i wara ila mɔgɛ minnu nabɔ Iyipiti nyamanɛ rɔ ita sɛnbɛ-wɛ la, ila diminyɛ si wara wonu kuma nfen na?

Bɔ-Koe-Iyipiti 32:22

Aruna ko, “I yandi, hali i ma diminya n ma. I ya a lɔn ko mɔgɔ kɛnu sɔn ma kin.

Bɔ-Koe-Iyipiti 32:23

Anu ya a fɔ n ye ko ile Musa min nara anu na ka bɔ Iyipiti nyamanɛ rɔ, anu ma a lɔn min bara ma ile la. Woletɔ anu nara n bolo labira ko n ni bɛsɛ ladan anu ye min si sɔ anu yarɔ.

Bɔ-Koe-Iyipiti 32:7

Anu bi wo kun na, Mari ya a fɔ Musa ye kɔnkɛ kuma ko, “I buri yigila kamasɔrɔn i wara na mɔgɛ minnu na ka bɔ Iyipiti nyamanɛ rɔ, wonu bara yɛlɛma ka yogoya.

Bɔ-Koe-Iyipiti 33:3

Wo ni ta nyamani-hakikɛ wo rɔ. Kɔnɔ wo kalabante min kɛ, woletɔ nde nyɛrɛ ti ta wo tɛma alako n kana wo halaki kilɛ la.”

Isikiyɛli 20:8

Kɔnɔ anu bara n bɔrɔbɔ ka anu tengberenya. Anu ma sɔn anuna bɛsɛnu nafilila a rɔ. Anu ma anu bole bɔ Iyipiti kɛnuna bɛsɛnu tɔ. Anu bi Iyipiti wati min, n tabɛnnɛ ka nna diminyɛ mumɛ yira anu na nun.

Hoseya 12:13

Mari ya ala nɛbi do sɔ ka ta wole, ala mɔgɛnu kunka Iyipiti nyamanɛ rɔ ka wo fɛ-bira.

Maika 6:4

Ale le ya wo labɔ yɔɔnyɛ rɔ Iyipiti nyamanɛ rɔ ka na wo la yan. Ale le ya Musa sɔ wo yarɔ anubɛ Aruna anubɛ Miriyam.

Yilan-Yilan Koe 14:22

nba, anu do-wo-do ti don Kenan nyamanɛ rɔ. Anu damasi ya nna ta-waan wo yen serr! Anu ya kabana-ko-siyaman yen n ya min ma Iyipiti anubɛ n ya min ma wula-da-rakolɔn rɔ. Anu ya a yen, n ya n munyu anu kɔrɔ iko siyaman. Hali wo, anu ma sɔn ka nta kumɛ bira.

Matiyu 24:43

Wo ni wo hɛnkili to kɛ ko. Ni bon-tigi ya kankan na-wati lɔn ala bɔn la, a si ki a ya la. A ti sɔn kankan ni ala bɔn tinya ka don.

Matiyu 24:48

Kɔnɔ wɔli-kɛla-yogomɛ si a fɔ a nyɛrɛ ma ko, ‘N tigi sa nala fɔlɔn,’

Kɛwɔlɛnu 17:29

Nba, ni ala dannu le male la, ma kana ma miri ko Allayɛ manɛ iko sɛnɛ anubɛ wodi-gbɛ, ni wo ma, kuri min lɛsɛnɛ mɔgɛnuna halliyɛ anubɛ hɛnkili la.

Kɛwɔlɛnu 19:26

Pɔli kɛ ye min mala kɛ la, a ye mɔgɛnu tɔrɔla Ɛfɛsa soe burɔ yan nya min, wo ya wo yen. A tora doni, a ni ke Esiya nyamanɛ bɛɛ rɔ. A ye a fɔla ko male ye bɛsɛ minnu nadanna, Alla ma wonu na mumɛ!

Kɛwɔlɛnu 7:40

Woletɔ anu ya a fɔ Aruna ye ko a ni bɛsɛ donu nadan anu ye minnu si sɔ anu yarɔ. Anu ko Musa min nara anu na ka bɔ Iyipiti nyamanɛ rɔ, anu ma a lɔn ni min bara ma wo la.

Tɔn-Fɔɛ-Fila-Nyɔgɛ 31:8

Mari nyɛrɛ si taran i fɛ ka sɔ i yarɔ. A ti i baya, ado a ti i boloka. I yisi kana tinya kilan bolo.”

Tɔn-Fɔɛ-Fila-Nyɔgɛ 9:1

Musa ya a fɔ Isirɛla mɔgɛnu ye ko, “Wo ni wo tole masɔ! A ara to doni, wo ni Yorodan bɛ kɛ tɛgɛ ka ta wo sigi mɔgɔ-ragbɛlɛmɛnuna nyamanɛ rɔ, ado anu siya wo ko kati! Anuna soenu kolo dɔgɔma-ma-de! Anuna tarɛnu yan pon!

Tɔn-Fɔɛ-Fila-Nyɔgɛ 9:9

Wobɛ Mari sarata min na, wo sɛbɛnɛ kuru-walannu ma. N tara kɔnkɛ kuma kuru-walan wonu bi tinɛ ka su bi-nani ani tele bi-nani le bɔ nyɔ. N ma fenfen dɔn hali ka n min.

Yasowa 7:13

Ta mɔgɛ wonu sɛninya ka anu tabɛn alako anu ni anu sɔ n yakɔrɔ sina. Nde, anu benba Isirɛlata Mari Alla ko fan donu bi anu tɛma a bɛnnɛ ka minnu halaki nun. Ni anu ma wonu nabɔ gbɛ rɔ, anu ti ke anu kɛlɛ-nyɔgɛnu nɔla.

2 Pita 3:4

Anu si a fɔ ko, “Mari ya lanyiri kiri nun ko a ye nala. A ye mi? Ma benbanu bara faga, bi ma, kɔnɔ kebi duninya kɛ danta, fan bɛɛ ye a gbɛ rɔ iko a ye nya min nun!”