Bɔ-Koe-Iyipiti 30:1 - ALLALA KUMƐ

¹ “Wo ni isɛnti mintan tinɛ ladan kɔlɔma do la min tɔgɛ akasiya.

Bɔ-Koe-Iyipiti 30:1 Iomraidhean Croise

1 Mansɛnu 7:48

Mansa Silamɛni ya miran minnu nadan sɛnɛ la Mari Bato-Bɔnla ko la, wo le kɛnu na, isɛnti mintan tinɛ wo, tebulu wo anu si Marita biredi-sɛnimɛ sa min kuma,

1 Ko-Kɔrɔta-Karan 28:18

Sɛnɛ-hakikɛ min nyɔgɔn yatɛ la si dan isɛnti mintan tinɛ la wo, anubɛ melikala muninya filɛta kirindi min na si dan Marita tɔn-kenkirɛ kuma wo, mansɛ ya wonu yira a la.

1 Ko-Kɔrɔta-Karan 6:49

Isɛnti-saraka-mintan-koe wo, anubɛ saraka-mintantɛnu anu bi minnu mintanna saraka-mintan-tinɛ kuma, Aruna anubɛ anuta kegeyɛnuta wɔlɛ le wo la. Sarakɛ minnu bi Isirɛla mɔgɛnu hakɛ yamatogonna wo, anubɛ batoli min bi kɛla Sɛnima-Sɛnima-Tinɛ bawo anu denu denu bi wo fanan kun na wo, anu ya wo damasi wɔlɛ kɛ a kilɛ fɛ iko Allata wɔli-kɛla Musa ya a fɔ anu ye nya min.

2 Ko-Kɔrɔta-Karan 26:16

Mansa Yusaya ya sɛnbɛ sɔrɔn mansayɛ rɔ wati min, a wasira. Wo le ya a bɔ mansayɛ la. Bawo a ma bɛn, ale nyɛrɛ ni ta ata Mari Alla Bato-Bɔn la ka isɛnti mintan nyɔ kɔnɔ ale le bilara Mari la wola ko la.

Bɔ-Koe-Iyipiti 30:10

San-bo-san, Aruna ni hakɛ-yamatogon-saraka-yele sisa isɛnti mintan tinɛ bolɔnnu ma alako isɛnti mintan tinɛ si sɛninya nya min. San-bo-san, saraka-masɔla-wɛ si to kɛ mala a siyi-tele-bɛɛ kɔrɔ. Fɔ isɛnti mintan tinɛ, wo ni to sɛninyɛ rɔ nde, Mari ye feu!”

Bɔ-Koe-Iyipiti 30:2

Isɛnti mintan tinɛ sɔɛ ni ma nunkan-nya fila la. A yanyɛ ni ma nunkan-nya kelen na. A kɔnɛ ni ma nunkan-nya kelen na. A tɔnkɔn nanɛ ra ni kɛnya bɛrɛtɛ! Wo ni a bolon nani ladan a tonko nanɛ rɔ. Isɛnti mintan tinɛ wonubɛ a bolɔnnu na ni dan nya-kun-kelen.

Bɔ-Koe-Iyipiti 31:8

Anu ni tebulu anubɛ a fɛ-mirannu nadan. Anu ni lɛnpu anubɛ a fɛ-mirannu nadan. Anu ni isɛnti mintan tinɛ ladan.

Bɔ-Koe-Iyipiti 35:15

Wo ni isɛnti mintan tinɛ anubɛ a bi-kɔlɔmanu nadan anubɛ dantɛgɛ-tuli anubɛ isɛnti nyɛrɛ. Wo ni bɔn don-da-kurɛ ladan.

Bɔ-Koe-Iyipiti 39:38

Anu nara isɛnti-mintan tinɛ la anubɛ dantɛgɛ-tuli anubɛ isɛnti nyɛrɛ anubɛ bɔn don-da-kurɛ la anu bolo.

Bɔ-Koe-Iyipiti 40:5

I ni isɛnti mintan tinɛ ladon ka a sigi Kan-Tina-Sɛnimɛ rɔ yorolan wo dafɛ. I ni Bɔn don-da-kurɛ dun Fani-Bɔn wo don-dɛ la.

Isikiyɛli 41:22

saraka-mintan-tinɛ. A ladannɛ kɔlɔma la. Wola yanyɛ, nunkan-nya sawa. A kɔnɛ anubɛ a lɔngbɔn, nunkan-nya fila-fila. A kɔrɛ wo, a tɔnkɔnnu wo, anubɛ a tonko nanɛ wo, wo bɛɛ ladanta fɛran le la. Kei wo ya a fɔ n ye ko, “Tebulu le kɛ la min sɔnɛ Mari yakɔrɔ.”

Saraka-Masɔlɛnuta Tɔnnu 4:18

A si a yele do sosa isɛnti mintan tinɛ bolon nanɛ wo kuma Marita Fani-Bɔn burɔ. A si a yele-toe rawuya dugi ma saraka-mintan-tinɛ kɔrɔ Marita Fani-Bɔn tenbi-bolɔn dafɛ.

Saraka-Masɔlɛnuta Tɔnnu 4:7

A si tura-bulun-yele wo do sosa isɛnti mintan tinɛ, a bolon nanɛ wo kuma Marita Fani-Bɔn burɔ. A si a yele-toe rawuya dugi ma saraka-mintan-tinɛ kɔrɔ Marita Fani-Bɔn tenbi-bolɔn dafɛ.

Yilan-Yilan Koe 3:31

Tɔn kenkirɛ wo, tebulu wo, lɛnpu wo, saraka-bɔ-tinɛnu wo, saraka-masɔlɛnu si wɔlɛ miran min bɛɛ la kan-tina-sɛnimɛ rɔ wo, yorolan min si Kan-Tina-Sɛnimɛ yamatogon wo, anubɛ wonu fɛ-fannu, anuna wɔlɛ le ka miran wo bɛɛ lamara.

Yilan-Yilan Koe 4:11

“Anu ni kura-bilolamɛ sa isɛnti mintan tinɛ kuma ka gbolo-koloni-hakikɛ burun wo kun na. Anu ni a bi-kɔlɔma filɛ don bolo-kalama-dɛɛnnu tɔ.

Hiburunu 9:4

Isɛnti mintan tinɛ min nadannɛ sɛnɛ la, anubɛ tɔn-kenkirɛ siginɛ nyɔ burɔ. Sɛnɛ nɔrɔnnɛ kenkirɛ wo bɛɛ ma. Dɔn-fan min tɔgɛ “Allata biredi,” wo ye sɛnɛ-dagɛ rɔ. Sɛnɛ-dagɛ wo ye kenkirɛ wo burɔ anubɛ Arunata sewuri min ya a matii anubɛ kuru-walan filɛ sarama-kan sɛbɛnɛ minnu ma.

Lankɛnimayɛ 8:3

Sɛnɛ-dagɛ ye melika-gbɛrɛ bolo fen-suma-diyamɛ ye min tɔ. Wo nara sɔ saraka-bɔ-tinɛ dafɛ. Alla ya fen-suma-diyamɛ-siyaman di a ma min si kofu Allala mɔgɛ bɛɛta madiyalɛnu ma. Saraka-bɔ-tinɛ min nadannɛ sɛnɛ la, wo sɔnɛ mansaya-sigi-fan yakɔrɔ. Melika wo ya fen-suma-diyamɛ wo mintan saraka mintan tinɛ wo kuma.