Bɔ-Koe-Iyipiti 3:2 - ALLALA KUMƐ

² Mari nara melikala muninyɛ rɔ. A ya a sigi kɔlɔma-nɛ do rɔ iko ta-mɛlan. Musa ya a mafɛlɛn, tɛ ye kɔlɔma wo la kɔnɔ a sa a mintanna.

Bɔ-Koe-Iyipiti 3:2 Iomraidhean Croise

Ko-Dabirɛnu 21:17

Alla ya Sumanyila fanan di-kɛ-kan lamɔɛn. Allata melika kuman-kan bɔra san-kole rɔ ka Hega rakele ko, “Hega, i yisi tɔrɔnɛ i ma nfenna? I kana kilan kamasɔrɔn i ya ila dan to sanɛ kan min, Alla ye a di-kɛ-kan lamɔɛnna nyɔ.

Ko-Dabirɛnu 22:11

kɔnɔ Mari ya a felen melika la. A ya a rakele san-kole rɔ iko fila, a ko, “Iburayima, Iburayima.” Iburayima ko, “O-o, n bi yan.”

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

Yaburi 66:12

I ya a ma, ma yogenu ya ma ratɛntɛn anu kian la. Ma tɔrɔta nun iko mɔgɛ min bi tɔrɔya-dagɛ rɔ. Kɔnɔ kaka gbɛ, i wara na ma la ma lafɛrɛ tinɛ.

Bɔ-Koe-Iyipiti 19:18

Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta.

Bɔ-Koe-Iyipiti 23:20

“N si melika sɔ wo yarɔ ka wo kandan kilɛ la ha wo si don kan tinɛ wo rɔ n bara min tabɛn wo ye.

Bɔ-Koe-Iyipiti 24:17

A tele wɔrɔnfila nyɔgɛ ma, Mari ya Musa rakele banda-finyɛ wo rɔ. A tara banda-finyɛ wo tɛma. A ye nyɔ su bi-nani, tele bi-nani. Isirɛla mɔgɛ toe minnu bi dagɛ rɔ, wonu ya Marila gbiliyɛ wo yen kɔnkɛ kuma iko ta-mɛlɛn-belebele-wɛ.

Bɔ-Koe-Iyipiti 3:16

“Ta, i ni Isirɛla mɔgɔ-banu nadɛn ka a fɔ anu ye ko anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, wo le nara i wara ta-mɛlan rɔ. N bara a fɔ i ye ko min bɛɛsi ye mala anu na Iyipiti, ko n bara wo bɛɛ lɔn.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Daniyɛli 3:27

Mɔgɛ bɛɛ ya mɔgɔ sawɛ kɛnu mafɛlɛn, a pati-mansa wo, a sigisɔn-mansa wo, a so-tigi wo, a makawandila wo. Wonu damasi ya mɔgɔ sawɛ kɛnu mafɛlɛn bawo tɛ ma ko-wo-ko ma anu na. Hali anu fɛrɛma-siyinu, tɛ ma ko ma wonu denu gbuyɛ la. Anuna kurɛnu ma mintan mumɛ, ado hali ta-sisi-sumɛ ma sigi anu ma.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Maraka 12:26

Nba, ka furi-lawuli-koe fɔ, Alla ya min fɔ wo ye, wo ma wo karan bɛ, wa? Ta-mɛlan ye kɔlɔma-mɛsɛ min tɔ, Musa ya wo sɛbɛ kan min, Alla ya a fɔ Nɛbi Musa ye ko Iburayimata Alla le ale la anubɛ Isiyakata Alla anubɛ Yakobata Alla.

Luka 20:37

Nɛbi Musa ya a lagbɛ feu, ko furinu si wuli ka anu niyi lafɛ. Ta-mɛlan ye kɔlɔma-mɛsɛ min tɔ, Musa ya wo sɛbɛ kan min, a ya Mari wara-koe fɔ ko, ‘Iburayimata Alla le ale la anubɛ Isiyakata Alla anubɛ Yakobata Alla.’

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Romu 8:3

Ka a tɛgɛ hadama-danta sɛnbɛbɔninyɛ ma, Nɛbi Musata tɔn-kitabu ma ke min mala, Alla nyɛrɛ le ya wo ma. A ya a nyɛrɛta dan, Yisa lana ka hakɛ yiliki, ado ala dan wo nara hadama-danla muninyɛ rɔ alako a ni tɔn sigi hakɛ ma.

Tɔn-Fɔɛ-Fila-Nyɔgɛ 33:16

Alamɛ wola nyamanɛ lafara fen-kinyɛnu na ka bɔ Mari bolo min kumara nde, Musa ye ta-mɛlan rɔ kɔlɔma-mɛsɛ do la. Alamɛ Yusufu bɔnsɔn-mɔgɛnu ya duwɛ kɛ sɔrɔn bawo kun-tigi le ale Yusufu la nun a na-kelen-nyɔgɛnu kun na.

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.

2 Tɛsalonaika 1:7

Wole minnu tɔrɔnɛ, a si sulen di wole anubɛ male fanan ma. Mari Yisa wa na tumɛ min, anubɛ ata melika-sɛnbɛmɛnu, ale Alla si wo tɔrɔlɛnu tɔrɔ

Kɛlɛ-Kurugbɛnu 13:13

Marita melika ya a fɔ a ye ko, “Ila musi ni a ma iko n bara a fɔ a ye nya min nun.