Bɔ-Koe-Iyipiti 3:16 - ALLALA KUMƐ

¹⁶ “Ta, i ni Isirɛla mɔgɔ-banu nadɛn ka a fɔ anu ye ko anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, wo le nara i wara ta-mɛlan rɔ. N bara a fɔ i ye ko min bɛɛsi ye mala anu na Iyipiti, ko n bara wo bɛɛ lɔn.

Bɔ-Koe-Iyipiti 3:16 Iomraidhean Croise

Ko-Dabirɛnu 21:1

Mari duwara Sira ye iko a ya lanyiri kiri a ye nya min nun.

Ko-Dabirɛnu 28:13

Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma.

Ko-Dabirɛnu 48:15

Yakoba duwara Yusufula dannu ye ko, “Alamɛ n fa Isiyaka anubɛ n benba Iburayimata Alla ni ata duwɛ layigi den-kei filɛ kɛnu kuma. Ka a bi n dennɛ ma ha ka a sigi kaka la, Alla min ya n kandan ka n tanka masibɛnu ma, alamɛ wota duwɛ tora anu kuma.

Ko-Dabirɛnu 50:24

Yusufu ya a fɔ a na-kelen-nyɔgɛnu ye ko, “Nde fagamatoe le kɛ la. Alla si wo kandan yati, ka wo bɔ yan ka ta wo la lanyiri-nyamanɛ rɔ iko a ya lanyiri kiri ma benba-benbɛ Iburayima anubɛ ma benba Isiyaka anubɛ ma fa Yakoba ye minna ko la.

Yaburi 102:21

A ya wo ma le alako wonu ni to a wara-koe fɔla Yerusalɛm soe burɔ. Wonu si to a matɔgɔla nyɔ.

Yaburi 33:18

Mari kolan bɛnnɛ a gbiliyalɛnu ma. Minnu bara la Mari la ka anu yigi sa ata keninteya-dannatɛgɛbɛlɛ rɔ, a kolan bɛnnɛ wonu fanan ma.

Yaburi 8:4

nfen bi hadama-dan la min bi a tola, i ye i mirila a ma? Nfenna gbu, i miriya ye kɛla mɔgɔni-finyɛ ma?

Bɔ-Koe-Iyipiti 1:8

Nba, mansa-kurɛ min sigira Iyipiti nyamanɛ rɔ, wo ma Yusufu lɔn nun.

Bɔ-Koe-Iyipiti 13:19

Musa tara Yusufu kolenu na a bolo bawo yanni Yusufu ni faga tumɛ min, a ya a na-kelen-nyɔgɛnu nasɛ nun ko anuta Alla wa na anu kisi tinɛ tumɛ min, anu ni ta a kolenu na anu bolo.

Bɔ-Koe-Iyipiti 15:14

Mɔgɛnu ba kɛ lamɔɛn tumɛ min, anu si yɛrɛyɛrɛn kilan bolo. Filisitinu kun ma si kɔ.

Bɔ-Koe-Iyipiti 17:5

Mari ya a fɔ Musa ye ko, “Isirɛla mɔgɔ-ba donu kofu i ma. Wobɛ wonu ni sɔ anu yarɔ tagama tinɛ. I ya Nayɛli bɛ gbesi sewuri min na nun, i ni ta wo la i bolo.

Bɔ-Koe-Iyipiti 18:12

Musa biran-kei, Yɛtiro ya saraka-mintantɛ anubɛ sarakɛ donu bɔ Alla ye. Aruna anubɛ Isirɛla mɔgɔ-ba bɛɛsi tara ka fen-dɔn-kɛ Musa biran-kei fɛ Alla yala.

Bɔ-Koe-Iyipiti 2:25

ka to a mirila Isirɛla mɔgɛnuna tɔrɔyɛ wara-koe ma.

Bɔ-Koe-Iyipiti 24:11

Hali anu ya Alla nyɛrɛ yen, Alla ma ko-wo-ko ma Isirɛla kun-tigi wonu na. Anu ya fen-dɔn-kɛ nyɔ ka anu min.

Bɔ-Koe-Iyipiti 3:2

Mari nara melikala muninyɛ rɔ. A ya a sigi kɔlɔma-nɛ do rɔ iko ta-mɛlan. Musa ya a mafɛlɛn, tɛ ye kɔlɔma wo la kɔnɔ a sa a mintanna.

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Bɔ-Koe-Iyipiti 4:1

Musa ya a fɔ Mari ye ko, “Anu ti la n na de! Anu ti n kuman-kan bira. Anu si a fɔ ko ile ma kuma n ye ta-mɛlan rɔ hali ka i nyɛrɛ yira n na.”

Bɔ-Koe-Iyipiti 4:29

Musa anubɛ Aruna tara ka Isirɛla mɔgɔ-ba bɛɛ ladɛn kan-tina-kelen.

Bɔ-Koe-Iyipiti 4:31

Wonu fanan lara a la. Anu ya a lɔn min kɛ ko Mari ara a kolan lamunun anu na ka a lɔn anu bi tɔrɔyɛ min tɔ, anu ya anu madu dugi ma ka madiyali kɛ.

Bɔ-Koe-Iyipiti 4:5

Mari ya a fɔ a ye ko, “Wo le si a ma, anu ni la i la ko wo benbanuta Alla ara a nyɛrɛ yira i la, Iburayimata Alla, anubɛ Isiyakata Alla, anubɛ Yakobata Alla, kɔni.”

Matiyu 26:3

Saraka-masɔla-wɛnu anubɛ Yahudiya-kɛmɔgɛnu ya anu nadɛn Saraka-Masɔla-Kun-Tigi Kaifasi warɛ.

Luka 1:68

“Ma ni Mari tanto, Isirɛlata Alla, kɔni bawo a nara ka ala mɔgɛnu dɛnbɛ ka anu hɔrɔya.

Luka 19:44

Anu si wo halaki pɔ! Hali kuru kelen ti to a gbɛ rɔ bawo Alla nara wo wara wo kisi tinɛ tumɛ min, wo ya wo ban a la wulɔn.”

Kɛwɔlɛnu 11:30

Anu ya wodi wo don Banabasi anubɛ Sɔli bolo ka a lata Mari Yisata mɔgɔ-banu ma Yerusalɛm soe burɔ.

Kɛwɔlɛnu 15:14

Alla hɔnta sibolo-gbɛrɛnu na nya min ka mɔgɛnu yabɔ anu tɛma alako wonu ni ma atɛ la, iko Saimon Pita ban-san le min fɔla.

Kɛwɔlɛnu 20:17

Pɔli ye Mailita soe burɔ tumɛ min, a ya kilayɛ lata Ɛfɛsa soe dɛnkɛninya-mɔgɔ-banu ma ko anu ni na ke a ma.

1 Pita 2:12

Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.

1 Pita 5:1

Wole chɔchi-mɔgɔ-banu, n bi kɛ sɛbɛla ka wo kɔntɔ-diya. Chɔchi-mɔgɔ-ba le nde fanan na, ado Kirasiti ara tɔrɔyɛ minnu sɔrɔn, wo sereyɛ le nde la. Nde fanan si bɛn gbiliyɛ wo rɔ min si na bɔ gbɛ ma.

Ruti 1:6

A ma mɛ wo kɔma, Neyomi ya a lamɔɛn ko Mari ara duwɛ layigi Isirɛla mɔgɛnu ma. Anu bara dɔn-fen-siyaman sɔrɔn. Neyomi ya a mabɛn ta-koe la Yuda nyamanɛ rɔ anubɛ a mama-nyaganɛnu. Anu bara wuli tala.