Bɔ-Koe-Iyipiti 3:15 - ALLALA KUMƐ

¹⁵ “Ta a fɔ Isirɛla mɔgɛnu fanan ye ko nde, anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, kɔni, wo le ya i kilaya anu ma. N tɔgɛ le ‘N bi nya min, n bi wo nya na le.’ I ni a fɔ Isirɛla mɔgɛnu ye wo nya le ko min tɔgɛ NDE LE, wo le ara i kilaya anu ma. Nta habadan-tɔgɛ le wo la. N tɔgɛ wo si ma tamasere la kebilɛ bɛɛ ye.

Bɔ-Koe-Iyipiti 3:15 Iomraidhean Croise

Ko-Dabirɛnu 24:12

A ya Alla madiya, a ko, “E, n Mari, n tigi Iburayimata Alla, n bi i madiyala ko i ni hɛrɛ kɛ n ye bi, ka ila lanyiri latɔnbagaya n tigi Iburayima ye.

1 Ko-Kɔrɔta-Karan 29:18

Ma benba Iburayima anubɛ Isiyaka anubɛ Yakobata Mari Alla, alamɛ i ya a ma, ita mɔgɛnu ni to anu sɛbɛ donna i wara-koe ma. Anu kana bɔ i kɔma mumɛ!

2 Ko-Kɔrɔta-Karan 28:9

Marita nɛbi Odɛdi siginɛ Samariya soe burɔ. Isirɛla kɛlɛ-dannu bi tala Yuda mɔgɔ-biranɛnu na anu bolo Samariya soe burɔ tumɛ min, nɛbi kɛ bɛnta anu na soe kɔma. Ale nɛbi ya a fɔ kɛlɛ-dan wonu ye ko, “Wo benbanuta Mari Alla diminyanɛ Yuda kɛnu ma, woletɔ a ara a ma, wole ara anu nɔ kɔnɔ wo ara karagbɛlɛyɛ min sigi anu na ka anu mɔnima-fagɛ-kɛ, a ara wo lɔn.

Yaburi 102:12

Kɔnɔ Mari, ile le mansɛ la tolon! Mɔgɛ bɛɛ si to a mirila i ma burubukai!

Yaburi 102:13

I si i lakɔɛnma ka kinikini Yerusalɛm soe ma. A wati ara ke ka kinikini a ma. Wati-yabɔnɛ ara ke, yɔ!

Yaburi 135:13

Mari, i mankan si to fɔla. I wara-koe la ti nyina ma kegeyɛnu na muk!

Yaburi 30:4

Wole Allata mɔgɛnu, wo ni bɛti bɔ ka a matɔgɔ. Wo ni wo miri ata kabana-koenu ma ale Mari-sɛnimɛ ara minnu ma ka baraka bira a ye wonuna ko la.

Yaburi 30:5

Ala fondo-bɔɛ mani de iko ya-makeri kelan kɔnɔ dan sa ala nyimayɛ wo la. Ya-yi si to yigila suyi rɔ kɔnɔ sɔgɔma, diyi wo si a laban a bolo nyagalan ma.

Yaburi 68:5

Alla min siginɛ a Bato-Bon-sɛnimɛ la, a kolan sanɛ kelennɛnu anubɛ kɛɛ-musinu fɛ.

Yaburi 72:17

I ni a ma, mansɛ tɔgɛ kana tunu mumɛ! I ni a ma, a mankan ni to warala iko tele. Alamɛ sibole bɛɛ ya Alla madiya ko a ni ata duwɛ layigi anu kuma iko a ya duwɛ di mansɛ wo ma nya min. I ni a ma, anu ni to Alla matarala alako mansɛ wo sewanɛ ni to.

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Bɔ-Koe-Iyipiti 15:2

Ma kisilɛ le mata Mari la min si ma kunyɛ bɔ gbaran rɔ. Ma fanuta Alla le, ma si min gbiliya. Ma nyɛrɛta Alla le, ma si min tanto.

Bɔ-Koe-Iyipiti 15:3

Mata kɛlɛ-kurugbɛ le ale la. A tɔgɛ le Mari.

Bɔ-Koe-Iyipiti 3:13

Musa ya a fɔ Alla ye ko, “Kɔnɔ n ba ke Isirɛla mɔgɛnu ma tumɛ min ka a fɔ anu ye ko anu benbanuta Alla ara n kilaya anu ma, anu si i tɔgɛ manyinika nde la. Nba, nde si nfen fɔ wo rɔ?”

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Bɔ-Koe-Iyipiti 4:1

Musa ya a fɔ Mari ye ko, “Anu ti la n na de! Anu ti n kuman-kan bira. Anu si a fɔ ko ile ma kuma n ye ta-mɛlan rɔ hali ka i nyɛrɛ yira n na.”

Bɔ-Koe-Iyipiti 4:5

Mari ya a fɔ a ye ko, “Wo le si a ma, anu ni la i la ko wo benbanuta Alla ara a nyɛrɛ yira i la, Iburayimata Alla, anubɛ Isiyakata Alla, anubɛ Yakobata Alla, kɔni.”

Bɔ-Koe-Iyipiti 6:2

Alla ya a fɔ Musa ye ko, “Nde le wota Mari la.

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Aiseya 26:8

Ma ye i sako kɛla ka ma yigi sa ile rɔ. Ma ye nyinina fan min bɛɛsi ma, ile le wonu kun-bira-yili la ma ye.

Aiseya 42:8

A ko ale le dɔrɔn bi mata Mari Allayɛ la. A ti sɔn dogbɛrɛ ni ata gbiliyɛ sɔrɔn, ado a ti sɔn bɛsɛnu ni ata matɔgɛ do sɔrɔn.

Aiseya 63:12

Mari min ya ata fanka mayira Musa rɔ ka kɔgɔ-yi fara fila la ha ala mɔgɛnu banta tenbila, wo ye mintɔ? Nba Mari ara a nyɛrɛ tɔgɔ lawanka kabana-koe wo fɛ.

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Yɛrɛmaya 33:2

Mari min ya dugu-kole kɛ dan ka a lamondo ka a sigi a gbɛ rɔ, wo le kumara n ye. Ale min tɔgɛ Mari, a ko

Daniyɛli 2:23

Woletɔ n benbanuta Alla, n bi i matɔgɔla ka i gbiliya. I wara hɛnkilimayɛ anubɛ fanka di n ma. I wara mata matarali-kan yabi. N bi minnu fɔla mansɛ ye, i wara wonu yira ma la.”

Hoseya 12:5

ado Mari Alla Sɛnbɛ-Bɛɛ-Tigi nyɛrɛ-nyɛrɛ le wo la. Ma ye batoli kɛla a tɔgɔ kelan wo le la.

Hoseya 12:6

Woletɔ wole Yakoba kegeyɛnu, wo ni la wota Alla la ka sɛgi a ma. Wo ni lanayɛ kɛ ka keninteyɛ yira wota Alla la. Wo ni wo muin ha Alla ni ata wɔlɛ kɛ.

Maika 4:5

“Hali sibolo-gbɛrɛkɛ-mɔgɛnu bi anu nyɛrɛta bɛsɛnu kɔla kɔnɔ male si mata Mari Alla bato burubukai!

Malakayi 3:6

Mari ko Mari le ale la. A ti yɛlɛma muk! Ka a tɛgɛ wo ma, a ko wole Yakoba kegeyɛnu, wo la ma ban natola wɛ.

Matiyu 22:32

Iburayimata Alla le ale la anubɛ Isiyakata Alla anubɛ Yakobata Alla. Wo kɔrɛ le ko mɔgɔ-nimɛnuta Alla le ale la, furinuta ma.”

Kɛwɔlɛnu 3:13

Iburayimata Alla anubɛ Isiyakatɛ anubɛ Yakobatɛ, ma benbanuta Alla, kɔni, wole ara ala wɔli-kɛlɛ Yisa gbiliya. Wo le ya ale Yisa wo don sɛnbɛ-tiginu bolo. Wo ya wo ban a la Pailɛti yakɔrɔ, ado Pailɛti ya a latɛgɛ ko a ni a boloka tumɛ min, wo ma sɔn.

Kɛwɔlɛnu 7:32

‘I benbanuta Alla le nde la. Iburayima anubɛ Isiyaka anubɛ Yakobata Alla le nde la.’ Musa yɛrɛyɛrɛnta kilan bolo, ado a ma sisi a mafɛlɛnna tun.

Tɔn-Fɔɛ-Fila-Nyɔgɛ 1:11

Alamɛ wo benbanuta Alla ya a ma, wo ni yiri boi, ka siyaya ka tenbi kɛ la. Alamɛ nɔnfuli dira wo ma iko Alla ya lanyiri kiri nya min nun.

Tɔn-Fɔɛ-Fila-Nyɔgɛ 1:35

anu do-wo-do ti don nyamani-hakikɛ wo rɔ a ya lanyiri kiri minna ko la ko a si a di anu ma

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Hiburunu 11:16

Nyamani-nyima-nyimɛ-sɔgɛ ye anu na nun, Arinyɛnɛ, kɔni. Anu bi Alla kelela ko, “Mata Alla.” Alla miliyani ma kumɛ wola ko la, ado a ara soe rabɛn anu ye.

Hiburunu 13:8

Yisa Kirasiti ye nya min kunu, a ye wo nya na bi, ado a si to wo nya na burubukai!