Bɔ-Koe-Iyipiti 3:14 - ALLALA KUMƐ

¹⁴ Alla ya a fɔ Musa ye ko,

Bɔ-Koe-Iyipiti 3:14 Iomraidhean Croise

Yobu 11:7

Ile si ke Allata gbundinu lɔnna, wa? Ile si ke Alla Sɛnbɛ-Bɛɛ-Tigi hɛnkili nya-yenna?

Yaburi 68:4

Wo ni sigi sa Alla ye ka a tɔgɛ tanto. Wo ni kilɛ laka a ye, ale min siginɛ banda-fin-gbɛ rɔ. A bɛnnɛ, wo ni sewa a yala bawo Mari le ale la.

Yaburi 90:2

Yanni i ni duninya dan anubɛ kɔnkɛ minnu bi a rɔ, ile ye habadan-Allayɛ la, ado habadan-Alla le ile la.

Bɔ-Koe-Iyipiti 15:3

Mata kɛlɛ-kurugbɛ le ale la. A tɔgɛ le Mari.

Bɔ-Koe-Iyipiti 23:21

Wo ni wo tolo masɔ melika wo la ka a kuman-kan bira. Wo kana murutiya a ma. Ni wo ya wo ma, a ti wo makoto muk, bawo a ye tala nde le gbɛ rɔ.

Bɔ-Koe-Iyipiti 3:13

Musa ya a fɔ Alla ye ko, “Kɔnɔ n ba ke Isirɛla mɔgɛnu ma tumɛ min ka a fɔ anu ye ko anu benbanuta Alla ara n kilaya anu ma, anu si i tɔgɛ manyinika nde la. Nba, nde si nfen fɔ wo rɔ?”

Bɔ-Koe-Iyipiti 6:2

Alla ya a fɔ Musa ye ko, “Nde le wota Mari la.

Bɔ-Koe-Iyipiti 6:3

Nde, Alla Sɛnbɛ-Bɛɛ-Tigi ara n nyɛrɛ yira Iburayima anubɛ Isiyaka anubɛ Yakoba la kɔnɔ n ma n nyɛrɛ tɔgɛ ratɛgɛ anu ye ka a fɔ ‘MARI,’ n habadan-tɔgɛ wo, kɔni.

Aiseya 42:8

A ko ale le dɔrɔn bi mata Mari Allayɛ la. A ti sɔn dogbɛrɛ ni ata gbiliyɛ sɔrɔn, ado a ti sɔn bɛsɛnu ni ata matɔgɛ do sɔrɔn.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Matiyu 18:20

ado mɔgɔ fila, ni wo ma, mɔgɔ sawa wa bɛn n tɔgɔ rɔ, n bi anu tɛma nyɔ.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Yɔni 8:24

Woletɔ n ya a fɔ ko wo si faga wola hakɛnu tɔ. Nba, ni wo ma la a la ko ale le nde la, wo si faga wola hakɛnu tɔ serr!”

Yɔni 8:28

Woletɔ Yisa ya a fɔ anu ye ko, “Wo wa nde, Hadama-dan layɛlɛ san ma kɔlɔma ma tumɛ min, wo si a lɔn wulɔn ko wo le nde la, n ya min fɔ n nyɛrɛla ko la. Wo si a lɔn fanan ko n sa fenfen mala n nyɛrɛta sɛnbɛ la, fɔ n Fa ara n karan min na, n bi wo le fɔla.

Yɔni 8:58

Yisa ya anu yabi ko, “N bi tonyɛ fɔla wo ye, yanni Iburayima ni sɔrɔn, nde ye nyɔ nun.”

2 Kɔrɛnti 1:20

Kirasiti le Allata lanyiri bɛɛ lakanbalila. Wo le ya a to, ma ye a fɔla ko, “Amina” Yisa Kirasiti baraka rɔ Allata gbiliyɛla ko la.

Hiburunu 13:8

Yisa Kirasiti ye nya min kunu, a ye wo nya na bi, ado a si to wo nya na burubukai!

Lankɛnimayɛ 1:17

N ya a ragbɛ min kɛ, n buira a kin kɔrɔ iko mɔgɔ-faganɛ. A ya a kɔɛn-nyimɛ sa n ma. A ko, “I kana kilan! A fɔlɔtɛ anubɛ a laban le nde la.

Lankɛnimayɛ 1:4

Nde, Yɔni le ye kɛ sɛbɛla ka a lata chɔchi wɔrɔnfilɛnu ma minnu bi Esiya nyamanɛ rɔ. Alla min bi yan kaka, a ye nyɔ kebi fɔlɔ, ado a ye nala le, alamɛ wo ya hinɛ anubɛ yisi-kimɛ di wole chɔchinu ma ka bɔ Allata Ni-wɔrɔnfila rɔ minnu bi ala mansaya-sigi-fan yakɔrɔ.

Lankɛnimayɛ 1:8

Mari Alla min bi yan kaka, a ye nyɔ kebi fɔlɔ, ado a ye nala le, Sɛnbɛ-Bɛɛ-Tigi, kɔni, wo ye a fɔla ko a fɔlɔtɛ anubɛ a laban le ale la.

Lankɛnimayɛ 4:8

Kanban wɔrɔ ye dali-fen nani wo kelen-kelennamɛ-bɛɛ ma. Anu kanban bɛɛ fanɛ yɛnu na. Anu ti bandan bɛti bɔla su-ni-tele. Anu bi a fɔla ko, “Sɛnima, sɛnima, sɛnima, Mari Alla, sɛnbɛ-bɛɛ-tigi le. A ye nyɔ kebi fɔlɔ, a ye nyɔ kaka, ado a ye nyɔ habadan!”