Bɔ-Koe-Iyipiti 3:11 - ALLALA KUMƐ

¹¹ Musa ya a fɔ Alla ye ko, “Nfen bi nde la? Nde si ke n sɔla mansɛ yakɔrɔ ka Isirɛla mɔgɛnu kunyɛ bɔ gbaran rɔ Iyipiti nyamanɛ rɔ, wa?”

Bɔ-Koe-Iyipiti 3:11 Iomraidhean Croise

2 Samuwɛli 7:18

Mansa Dawuda tara Marita-Fani-Bɔn la. A ya a mayigi dugi ma nyɔ Mari yala ka a madiya ko, “E, n Tigi Mari, i wara ko-nyimɛ min bɛɛ kɛ nde ye, a ma bɛn, malebɛ nna denbayɛ ni wo sɔrɔn.

1 Mansɛnu 3:7

E, nta Mari Alla, ile le wara nde dennɛ yabɔ ka n ma mansɛ la n fa Dawuda gbɛ rɔ kaka. N ma n don-nya lɔn, n ma n bɔ-nya lɔn.

1 Mansɛnu 3:9

Awa, i ni hɛnkili di n ma alako n si ke nya min ka mɔgɛ wonu kiti ka ko-nyimɛ anubɛ ko-yogomɛ dan-nafarɛ lɔn. Ni wo ma, n si ke mɔgɔ-sɛrɛ-wɛ kɛnu kitila kama ka mansayɛ kɛ?”

1 Ko-Kɔrɔta-Karan 29:14

“Kɔnɔ hali wo, malebɛ nta mɔgɛnu ma ke fenfen dila i ma kamasɔrɔn kɔ-fan bɛɛ ye bɔla ile le kɔɛn rɔ. Male ye fan min sɔrɔnna i bolo, male ye wo le lasɛgila i ma.

Bɔ-Koe-Iyipiti 6:12

Musa ya a fɔ Mari ye ko, “Isirɛla mɔgɛnu sa anu tole masɔla nta kumɛ la. Nba, mansɛ wo si a tole masɔ nna kumɛ la kama worɔ, ado n da ra ma di kuma tinɛ?”

Yɛrɛmaya 1:6

N ya a fɔ wo rɔ ko, “Kɔnɔ n Tigi Mari, dennɛ le nde la. N ma kusan kumala.”

2 Kɔrɛnti 2:16

A ara ma saya-sumɛ la wonu ye minnu bi nala halakila. Kɔnɔ a ara ma nimaya-sumɛ la wonu ye minnu bi nala kisila. Wo mɔgɔ sa min si ke wonu kɛla a nyɛrɛ ma.

2 Kɔrɛnti 3:5

Fenfen sa male rɔ min si a ma, ma ni a fɔ ko ma si ke wɔlɛ kɛ kɛla. Min bɛɛ ye ma bolo, wo bɔnɛ Alla le bolo.

Kɛlɛ-Kurugbɛnu 6:15

Kɔnɔ Kidiyɔn ko, “Mari, nde si ke wo mala kama? Kebila-fankabɔnɛ le male la Manasa bɔnsɔn rɔ, ado, n fa warɛ bɔn la, a dɔgɔmɛ le nde la nyɔ.”

1 Samuwɛli 18:18

Dawuda ya a fɔ Mansa Sɔli ye ko, “Malebɛ n kebilɛ si ke donna mansa-bɔn la ka ma i biran-kei la, wa?”