Bɔ-Koe-Iyipiti 3:10 - ALLALA KUMƐ

¹⁰ Woletɔ n bi i latala mansɛ wo ma ka Isirɛla mɔgɛnu kunyɛ bɔ gbaran rɔ Iyipiti nyamanɛ rɔ.”

Bɔ-Koe-Iyipiti 3:10 Iomraidhean Croise

Ko-Dabirɛnu 15:13

Mari ya a fɔ Burama ye kiyo rɔ ko, “I ni a lɔn serr ko i bɔnsɔnnu si ma sundan la nyamani-gbɛrɛ rɔ. Anu si ma yɔɔnnu na ka wɔli nyamanita-mɔgɛ wonu ye. Mɔgɛ wonu si anu tɔrɔ san kɛmɛ nani kɔrɔ.

Ko-Dabirɛnu 15:14

Kɔnɔ nde si sibolo-gbɛrɛ wonu tɔrɔ minnu bi anu nawɔlila. Wo kɔma, n si a ma, i bɔnsɔn wonu ni bɔ nɔnfulu-siyaman na anu bolo nyamanɛ wo rɔ.

Yaburi 105:26

Wo kɔma, a ya ala wɔli-kɛlɛ Musa lata anubɛ Aruna, a ya min yabɔ, kɔni.

Yaburi 77:20

I ye ila mɔgɛnu yarɔ iko saga-kandannɛ. Musa anubɛ Aruna ye anu kun na.

Bɔ-Koe-Iyipiti 12:40

Nba, Isirɛla mɔgɛnu ya san kɛmɛ nani anubɛ san bi-sawa (430) le bɔ Iyipiti nyamanɛ rɔ.

Bɔ-Koe-Iyipiti 12:41

A san bi-sawa nyɔgɛ wo tele laban ma yɔ, anu ya Iyipiti nyamanɛ boloka wulɔn le.

Bɔ-Koe-Iyipiti 33:12

Musa ya a fɔ Mari ye ko, “I ye tola a fɔla n ye ko n ni ta mɔgɛ kɛnu na kɔnɔ min bi sɔla n yarɔ, i ma wo yira n na. Min sanɛ wo kuma, i ko i ya n sɔn lɔn. I ko n bara-koe ara i hɛnɛ.

Bɔ-Koe-Iyipiti 33:13

Nba, ni n bara-koe ara i hɛnɛ, i yandi, a ma, i ni i miriyanu yira n na alako n ni i lɔn. Wo le si a ma, n ni i tanɛ lɔn ka to i diyana-koenu kɛla. I ni a lɔn yati, ko ita mɔgɔ-yabɔnɛ le sibole kɛnu na.”

Bɔ-Koe-Iyipiti 6:26

Mari kumara Aruna anubɛ Musa ye ka a fɔ anu ye ko anu ni Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Hoseya 12:13

Mari ya ala nɛbi do sɔ ka ta wole, ala mɔgɛnu kunka Iyipiti nyamanɛ rɔ ka wo fɛ-bira.

Maika 6:4

Ale le ya wo labɔ yɔɔnyɛ rɔ Iyipiti nyamanɛ rɔ ka na wo la yan. Ale le ya Musa sɔ wo yarɔ anubɛ Aruna anubɛ Miriyam.

Kɛwɔlɛnu 7:34

A ko a ara ata mɔgɛnuna tɔrɔya-wɛ yen Iyipiti nyamanɛ rɔ. A ara anu kurun-kan lamɔɛn. A ko a ara yigi anu nakisi tinɛ ko a ye nala ale Musa sɔla Iyipiti nyamanɛ rɔ.

Kɛwɔlɛnu 7:36

A ya mɔgɛnu nabɔ Iyipiti nyamanɛ rɔ ka tamaserenu anubɛ kabana-koenu kɛ Iyipiti anubɛ Kɔgɔ-Yi-Wulan dafɛ. San bi-nani kɔrɔ, a ya ko-makawanɛ kɛ anu ye wula-da-rakolɔn rɔ.

Kɛwɔlɛnu 7:6

Alla ya kɛ le fɔ a ye, a ko, ‘I bɔnsɔnnu si ma sundannu na nyamani-gbɛrɛnu tɔ. Anu si to yɔɔnyɛ rɔ nyɔ. Mɔgɛnu si anu bira boloko-yogomɛ-kɛ san kɛmɛ nani kɔrɔ (400).’

Kɛwɔlɛnu 7:7

Alla ko anu si wɔli mɔgɛ minnu ye, a si wonu kiti. Wo kɔma, anu si bɔ nyamanɛ wo rɔ ka na a bato kan tinɛ kɛ rɔ.

Kɛlɛ-Kurugbɛnu 6:14

Mari ya a yabi ko, “Ta i sɛnbɛ damasi la ka Isirɛla mɔgɛnu kunka Midiyan kɛnu bolo. N nyɛrɛ le ye i latala.”

1 Samuwɛli 12:6

Wo kɔma, Samuwɛli ya a fɔ anu ye tun ko, “Ale Mari kelen pe le ya Musa anubɛ Aruna yabɔ ka wo benbanu nabɔ Iyipiti nyamanɛ rɔ.

1 Samuwɛli 12:8

“Ma benba Yakoba anubɛ ala denbayɛnu tara anu sigi Iyipiti tumɛ min, Iyipiti kɛnu tora anu tɔrɔ-belebele-wɛ kɛla ka anu kɔndɔfili. Wo benbanu tora dila Mari dala anu dɛnbɛn-koe la. A ya Musa anubɛ Aruna lata anu kunka tinɛ. Wonu denu bɔra wo benbanu na Iyipiti ka na anu na nyamanɛ kɛ rɔ yan.