Bɔ-Koe-Iyipiti 3:1 - ALLALA KUMƐ

¹ Wo tumɛ Musa ye a biran-kei, Yɛtirola sagɛnu makandanna, Midiyan saraka-masɔlɛ, kɔni, a tara sagɛ wonu nagbengbenna wulɛ rɔ ha ka ta ke Marita kɔnkɔ-sɛnimɛ ma, Sinayi, kɔni.

Bɔ-Koe-Iyipiti 3:1 Iomraidhean Croise

1 Mansɛnu 19:19

Nɛbi Ilaya bɔra nyɔ. A ya sara-ninki mogan-ni-nani taran wɔlila fila-filanyɛ ma. Kɔnɔ Ilaisa le ye a to filɛ lawɔlila doi wonu kɔma. Nɛbi Ilaya ya ala nɛbiya-duruki bɔ a kan na ka a don Ilaisa kan na.

1 Mansɛnu 19:8

Nɛbi Ilaya ya a lasɔ tun ka fen dɔn. Wo le ya a ma, a ya sɛnbɛ sɔrɔn. Su bi-nani tele bi-nani, a ye tagamana ka ta Allata kɔnkɛ kuma, Sinayi, kɔni.

Yaburi 106:19

Anu ya ninki-danla muninyɛ ladan sɛnɛ la Sinayi kɔnkɛ kɔrɔ. Wo kɔma, anu sɛgira wo kɔla.

Bɔ-Koe-Iyipiti 17:6

N si sɔ i yarɔ farɛ kuma Sinayi kɔnkɛ kɔrɔ. I wa farɛ wo gbesi tumɛ min, yi si tugu a rɔ alako mɔgɛnu ni anu min.” Musa ya a ma wo nya Isirɛla mɔgɔ-banu yala. (Mɔgɛ bɛɛsi nara wo kɔma ka anu min.)

Bɔ-Koe-Iyipiti 18:12

Musa biran-kei, Yɛtiro ya saraka-mintantɛ anubɛ sarakɛ donu bɔ Alla ye. Aruna anubɛ Isirɛla mɔgɔ-ba bɛɛsi tara ka fen-dɔn-kɛ Musa biran-kei fɛ Alla yala.

Bɔ-Koe-Iyipiti 19:11

A tele sawa nyɔgɛ ma, n si a taran, anu bara anu tabɛn kamasɔrɔn a tele sawa nyɔgɛ wo ma, n si yigi Sinayi kɔnkɛ kuma banda-finyɛ rɔ mɔgɛ bɛɛ yala.

Bɔ-Koe-Iyipiti 19:2

Anu bɔra kan tinɛ wo rɔ min tɔgɛ Sulen Tinɛ ka anu daga makɛ Sinayi kɔnkɛ kɔrɔ.

Bɔ-Koe-Iyipiti 19:3

Musa yɛlɛta kɔnkɛ wo kuma. Alla ya a fɔ Musa ye nyɔ ko, “Ta a fɔ Yakoba bɔnsɔn-mɔgɛnu ye, Isirɛla mɔgɛnu, kɔni, ko,

Bɔ-Koe-Iyipiti 2:16

Kei min taranta saraka-masɔ-wɔli kɛla Midiyan nyamanɛ rɔ nyɔ, wo tɔgɛ le Yɛtiro. Wola dunmusu mɔgɔ wɔrɔnfila nara yi-bi-tinɛ kɔlɔn wo rɔ. Anu ya yi do kɛ miran rɔ alako anu fala sagɛnu ni anu min.

Bɔ-Koe-Iyipiti 2:18

Dunmusi wonu sɛgira anu fa wara tumɛ min, wo ya anu manyinika ko, “Nfenna wo nara yona bi?”

Bɔ-Koe-Iyipiti 2:21

Musa sɔnta sigi-koe ma kei wo warɛ. Yɛtiro ya ala dunmusi Sipora di Musa ma ko a ni ma ala musi la.

Bɔ-Koe-Iyipiti 24:13

Musa anubɛ a gba-fɛ-bilalɛ Yasowa wulita ka yɛlɛ kɔnkɛ kuma.

Bɔ-Koe-Iyipiti 3:12

Alla ko, “N si to i fɛ yati! I wa na nta mɔgɛnu na ka bɔ Iyipiti nyamanɛ rɔ tumɛ min, anu si n bato kɔnkɛ kɛ nyɛrɛ kuma. Wo si ma tamasere la i ye ko nde le ya i kilaya.”

Bɔ-Koe-Iyipiti 3:5

Alla ko, “I kana i madon yan na. Ila sanbarɛ bɔ i kian rɔ kamasɔrɔn i sɔnɛ kan tinɛ min tɔ kɛ la, dugu-sɛnimɛ le wo la.”

Bɔ-Koe-Iyipiti 33:6

Ka a bi wulɔn tele ma Sinayi kɔnkɛ kɔrɔ, Isirɛla mɔgɛnu ma anuna sɛnɛ anubɛ anuna wodi-gbɛ bila anu fɛrɛ ma tun.

Bɔ-Koe-Iyipiti 4:18

Wo tumɛ Musa ye a biran-kei warɛ Midiyan nyamanɛ rɔ, Mari ya a fɔ a ye ko, “I ni sɛgi Iyipiti nyamanɛ rɔ bawo minnu bi i faga-koe rɔ, wonu bara faga.” Musa tara a fɔ a biran-kei, Yɛtiro ye ko, “Sɛgi-sɔgɛ ye n na ka a lɔn ni n na-kelen-nyɔgɛnu bi nya min, tumado do ye nyɔ min kɛndɛ Iyipiti nyamanɛ rɔ.” Yɛtiro ya a fɔ Musa ye ko, “Awa ta, yo! Alamɛ Alla ya i kandan.”

Bɔ-Koe-Iyipiti 4:27

Mari ya a fɔ Aruna ye ko, “Ta Musa labɛn wulɛ rɔ.” A tara ka a labɛn Sinayi kɔnkɛ la. Anu ya anu nyɔgɔn kɔndɔn.

Emɔsi 1:1

Saga-fɛ-biralɛ le Nɛbi Emɔsi la nun. A siginɛ Tekoya soe burɔ. San fila yanni dugu-yɛrɛyɛran ni ke, wo ya a taran, Yusaya ye mansayɛ la Yuda nyamanɛ rɔ. Wo ya a taran fanan, Yohasila den-kei Yɛrabowami ye mansayɛ la Isirɛla nyamanɛ rɔ. Alla kumara Nɛbi Emɔsi ye ka a tɛgɛ Isirɛla nyamanɛ ma.

Malakayi 4:4

A ya tɔn min di ala wɔli-kɛla Musa ma Sinayi kɔnkɛ kuma, a ko wo ni wo miri wonu denu ma. A ya wo don a bolo alako Isirɛla mɔgɛ bɛɛ ni ala tɔn wonu bira.

Yilan-Yilan Koe 10:29

Kɔnɔ yanni anu ni wuli ka bɔ Sinayi wulɛ rɔ, Musa ya a fɔ ala musi, wo kɔrɔ-keminɛ Hobabu ye ko, “A ara to doni ma ni ta kan tinɛ wo rɔ Mari ya min di ma ma. Mari ya lanyiri kiri ma ye ko ma si nɔnfuli siyaman sɔrɔn nyɔ. Ni ile nara kofu ma ma, ma si a ma, ile fanan ni do sɔrɔn.”

Yilan-Yilan Koe 10:33

Kohati kebilɛ min bɔra Lifayi bɔnsɔn rɔ, wonu fɔlɔn ya Marita tɔn-kenkirɛ bi ka bila Marita banda-fin-gbɛ wo fɛ. Tuma-wo-tuma, a ye anu yarɔ. A ye kilɛ yirala anu na anu si ta kan min.

Luka 2:8

Dan wo sɔrɔn suyi rɔ, saga-fɛ-biralɛ donu bi nyamanɛ wo rɔ minnu bi kila binyɛ rɔ anuna sagɛnu kandan tinɛ.

Kɛwɔlɛnu 7:30

“San bi-nani tenbira tumɛ min, melika bɔra gbɛ rɔ a ye ta-mɛlan rɔ kɔlɔma-nɛ do rɔ. Wo mara Sinayi kɔnkɛ dafɛ wulɛ rɔ.

Tɔn-Fɔɛ-Fila-Nyɔgɛ 1:2

Ma bɔra Sinayi kɔnkɔ-belebele-wɛ kɔrɔ ka belen Idɔm kɔnkɔ-nyamanɛ rɔ ka ta ke Kɛdɛsi-Baniya soe ma. Ka bɔ Sinayi kɔnkɛ dafɛ ka ta ke Kɛdɛsi-Baniya, ma ya tele tan-ni-kelen de bɔ kilɛ la. Ma tara ha Amoranuna nyamanɛ rɔ kɔnkɛnu siya kan min.

Tɔn-Fɔɛ-Fila-Nyɔgɛ 1:6

Musa ya a fɔ Isirɛla mɔgɛnu ye ko, “Wo tumɛ ma ye Sinayi kɔnkɛ dafɛ, Mari Alla ya a fɔ ma ye ko, ‘Wo ara mɛ yan tɔ kosɛbɛ!

Kɛlɛ-Kurugbɛnu 4:11

Wo wati nyɛrɛ rɔ, kei do ye nyɔ min tɔgɛ Hibera. Kena mɔgɛ do le ale la. Musa biran-kei Hobabu kebila-nyɔgɛ le ale la. Hibera kɛ ya a bɔ a na-kelen-nyɔgɛnu kurun tɔ ka ta ala fani-bɔn sɔ a dan na kɔlɔma-kuri-latankani-wɛ do kɔrɔ min bi Seyanim soe burɔ Kɛdɛsi soe telen tɔ.

1 Samuwɛli 16:11

Samuwɛli ya Yɛsi manyinika, a ko, “Den-kei-gbɛrɛkɛ sa i bolo kɛnu kɔma?” Yɛsi ya a fɔ ko, “Anu dɔgɛ ye nyɔ rɔ kɔnɔ wo ye sagɛnu fɛ binyɛ rɔ.” Samuwɛli ya a fɔ a ye ko, “Awa, a kele de! Ma ti sarakɛ bɔ fɔ a wa na fɔlɔn.”