Bɔ-Koe-Iyipiti 27:9 - ALLALA KUMƐ

⁹ “Wo ni Fani-Bon-kata rabɛn. Wo ni linɛn-kura-nyimɛ nunkan-nya kɛmɛ bi ka kata bolo-nyima-waralɛ masansan wo la.

Bɔ-Koe-Iyipiti 27:9 Iomraidhean Croise

1 Mansɛnu 6:36

Anu ya sansan mini Bato-Bɔn wo ma. Anu ya kuru-lɛsɛnɛnu sigi a nyɔgɔn kuma sawa-sawayɛ ma. Anu tara fɛrannu sala wonu kuma.

1 Mansɛnu 8:64

Saraka mintan tinɛ min nadannɛ silɛɛ la, wo dɔgɔ sarakɛ wonuna ko la min kɛ, wo le ya a ma tele wo nyɛrɛ rɔ, mansɛ ya Bato-Bɔn lu-kolo-toe fanan sɛninya alako ka saraka-mintantɛnu nabɔ nyɔ anubɛ fui-fen-sarakɛnu anubɛ kɛɛn min bɔra yisi-kima-saraka-sogenu tɔ.

2 Ko-Kɔrɔta-Karan 33:5

Bato-Bɔn wo kata burɔ, a ya saraka-mintan-tinɛnu nadan nyɔ rɔ alako ka wonu ma lolenu bato-fan la.

2 Ko-Kɔrɔta-Karan 4:9

A ya kata-burɔtɛ ladan saraka-masɔlɛnu ye. Wo kɔma, a ya kata-kɔmatɛ fanan nadan. A ya kata-burɔ-kankannu nadan ka silɛɛ sa wonu ma.

Yaburi 100:4

Min tenbi donna Bato-Bon-kata burɔ, wo ni baraka bira a ye. Wo ni baraka bira a ye ka a matɔgɔ.

Yaburi 84:10

Ka tele kelan bɔ i Bato-Bɔn la, wo fisa tele waga kelan ko kan-tina-gbɛrɛ. Yanni n ni to siginɛ karagbɛlɛnuna bɔn la, a fisa, n ni to sɔni ile nta Alla Bato-Bɔn don-dɛ la.

Yaburi 92:13

Anu bara-koe ye tala yarɔ Mari Alla Bato-Bɔn la iko kɔlɔmanu bi nanfala nya min.

Bɔ-Koe-Iyipiti 27:10

Wo ni kɔlɔma mogan nadan. Wo ni silɛɛ ladan ka wonu sa kɔlɔma wonu kɔrɔ. Wo ni wodi-gbɛ ma lundannu anubɛ gbɛsɛ-gbɛsannu na. Lundan wonu si ma linɛn-kurɛ wonu dun fan la. Gbɛsɛ-gbɛsannu si ma kɔlɔma wonu balan-fan la. Kata-kɔlɔma wonu kian la ni dan silɛɛ la.

Bɔ-Koe-Iyipiti 35:17

Wo ni kata-masansan-kurɛnu nadan anubɛ a kɔlɔma minnu si sɔ wodi-gbɛnu kuma. Wo ni kura-hakikɛ ladan min bi kirila tenbi-bolɔn la

Bɔ-Koe-Iyipiti 36:17

Kura-walan lolɛ minnu tugunnɛ anu nyɔgɔn na, anu ya wonu tonte bi-loli ladan a tɔnkɔn kelen tɔ. Anu ya kura-walan wɔrɛ doi fanan ma wo nya.

Bɔ-Koe-Iyipiti 39:40

Anu nara kata-masansan-kurɛnu na anubɛ a kɔlɔmanu anubɛ a wodi-gbɛnu, kɔlɔmanu si sɔ minnu kuma. Anu nara linɛn-kura-hakikɛ la min bi kirila tenbi-bolɔn la anubɛ kata-balan-fannu, anubɛ kata yilinu.

Bɔ-Koe-Iyipiti 40:33

A ya kata mini Fani-Bɔn ma ka kurɛ dun tenbi-bolɔn la. Musa ban wɔlɛ kɛ damasi mala,

Bɔ-Koe-Iyipiti 40:8

I ni kata mini Fani-Bɔn ma ka kurɛ dun tenbi-bolɔn la.

Isikiyɛli 40:14

Konko min bi kila-kunyɛ la, min nabilanɛ Bato-Bɔn kata burɔ, wo lɔngbɔn bɛnta nunkan-nya mogan ma.

Isikiyɛli 40:17

Kei wo ya n nabɔ tele-bɔɛ tenbi-bolɔn wara la ka ta n na kata burɔ. Konko bi-sawa ye kata wo burɔ. Kurinu sanɛ konko bi-sawɛ wonu yarɔ kilɛ ma tala.

Isikiyɛli 40:20

Wo kɔma, kei wo ya kantɔ-tenbi-bolɔn suman min bi a labilala kata-burɛ ma.

Isikiyɛli 40:23

Kata-burɛ, Bato-Bɔn luyima-tenbi-bolɔn ye nyɔ wara la le. Wo fanan mani de iko tele-bɔɛ tenbi-bolɔntɛ ye nya min. Ka a bi Bato-Bɔn luyima-tenbi-bolɔn ma ka a sigi kata-tenbi-bolɔn la, kei wo ya a suman nunkan-nya kɛmɛ.

Isikiyɛli 40:28

Kei wo ya n nabɔ dugulatɛ luyima-tenbi-bolɔn la ka ta n na Bato-Bon-luyi ma. A ya tenbi-bolɔn wo suman. Wonubɛ kata tenbi-bolɔntɛ rakɛn de!

Isikiyɛli 40:32

Kei wo ya n nabɔ tele-bɔɛ luyima-tenbi-bolɔn la ka ta n na Bato-Bon-luyi ma. A ya tenbi-bolɔn wo suman. Anubɛ doi wonu takɛn de!

Isikiyɛli 40:44

Wo kɔma, a tara n na Bato-Bon-luyi ma. Bon-ni fila sɔnɛ Bato-Bon-luyi ma nyɔ. Kelen sɔnɛ kantɔ-don-dɛ wara la, a yɛ lamununnɛ dugu la. Kelen sɔnɛ dugula don-dɛ wara la, a yɛ lamununnɛ kantɔɛ la.

Isikiyɛli 42:3

Gbɛkole min bi bɔn wonubɛ Bato-Bɔn tɛma a tɔnkɔn doi rɔ, nunkan-nya mogan. A tɔnkɔn doi fanan yɛ lamununnɛ kuru-dɛnfɛnɛnu na minnu bi kata yarɔ. Bon sawa siginɛ anu nyɔgɔn kuma yɛlɛla. Bon-kɔrɔtɛ kolo a tɛmatɛ ko. A tɛmatɛ fanan kolo a kumatɛ ko.

Yilan-Yilan Koe 4:26

Kata-masansan-kurɛ Fani-Bɔn anubɛ saraka-mintan-tinɛ lafoonɛ ye min na, anu si wo duni anubɛ a yilinu anubɛ tenbi-bolon-kurɛ anubɛ kurɛ wonu dun lundannu. Anuta wɔlɛ le ka miran kɛ bɛɛ rabɛn tagamala ko la.