Bɔ-Koe-Iyipiti 27:3 - ALLALA KUMƐ

³ Wo ni saraka-mintan-tinɛ wo fɛ-miran bɛɛsi ladan silɛɛ la, a bugura-makɔ-fen wo, a sɔbulu wo, a yele-purupuru-miran wo, a sogo-sɔgɔ-fen wo, anubɛ a ta-kɔ-miran.

Bɔ-Koe-Iyipiti 27:3 Iomraidhean Croise

1 Mansɛnu 7:40

Huram ya dagɛnu nadan anubɛ bugura-makɔ-fannu anubɛ yi-bi-miran-mɛsɛ donu. A ya wo bɛɛ ladan Mansa Silamɛni ye Mari Bato-Bɔnla ko la.

1 Mansɛnu 7:45

Wo kɔma, a ya dagɛnu anubɛ bugura-makɔ-fannu anubɛ yi-bi-miran-mɛsɛ donu nadan. Huram ya miran min bɛɛ ladan Mansa Silamɛni ye Mari Bato-Bɔnla ko la, wo bɛɛ ladannɛ silɛɛ le tɔ. Wo bɛɛ manunkunɛ pinapina!

1 Mansɛnu 7:50

Wo kɔma, a ya yi-lafɛnu anubɛ lɛnpu-ladufen-fannu nadan anubɛ yi-bi-mirannu. A ya isɛnti-bi-fannu anubɛ ta-kɔ-mirannu nadan. A ya Sɛnima-Sɛnima-Tinɛ dɛ-bira-fannu anubɛ a da-wɛ-bira-fannu nadan. Wo bɛɛ ladanta sɛnɛ la.

2 Mansɛnu 25:14

Mari Bato-Bon-miran min bɛɛsi ladannɛ silɛɛ la, a sɔbulu wo, a bugura-makɔ-fen wo, a saraba-tɛgɛ-fen wo, a yele-bira-fen wo, a isɛnti-mintan-fen wo, anu tara wo dama la.

2 Mansɛnu 25:15

Miran minnu nadannɛ sɛnɛ anubɛ wodi-gbɛ la, a ta-kɔ-miran wo, anubɛ a daganɛnu wo, anu tara wonu fanan na.

1 Ko-Kɔrɔta-Karan 28:17

Sɛnɛ-hakikɛ min nyɔgɔn yatɛ si bɛn Bato-Bon-miran-mɛsɛ-yirika ma, a ya wonu yira a la. A sogo-sɔgɔ-fen wo, a ku-musu wo, a yi-lafa wo, a pileti wo, kɛnu nadannɛ sɛnɛ wo le tɔ. Wodi-gbɛ ye pileti wonu fanan ma.

2 Ko-Kɔrɔta-Karan 4:11

Huram ya dagɛnu nadan anubɛ bugura-makɔ-fannu anubɛ miran-mɛsɛnu. Ale Huram kɛ ya Mansa Silamɛni yili-madiya Bato-Bon-miran min bɛɛsi ladan-koe la, a ya wo damasi ladan, a sɛnbɛrɛn-kɔn filɛ wo, sɛnbɛrɛn-kɔn wonu kun-tɛma-soro filɛ wo minnu nakuru-kurunnɛ iko yi-sigi-kunan wo, yɔlɔkɛ minnu bi kun-tɛma-soro filɛ wonu ma wo, pamakaranila muninya kɛmɛ nanɛ minnu gbaranda fila-filɛ dunnɛ kun-tɛma-sore wonu na wo, tebulu tan wo, yi-sigi-kunan tan wo, yi-sigi-kunan-kinama-wɛ wo, tura tan-ni-filɛla muninyɛ minnu siginɛ yi-sigi-kunan kelan wo kɔrɔ wo, dagɛ wonu wo, bugura-makɔ-fannu wo, anubɛ sogo-sɔgɔ-fannu. Boloma-wɔli-kɛlɛ Huram ya miran kɛ damasi ladan silɛɛ la min manunkunɛ ye a bolo pinapina! A ya kɛ damasi ladan Mari Bato-Bɔnla ko la iko Mansa Silamɛni ya a fɔ nya min.

Bɔ-Koe-Iyipiti 24:6

Musa ya sarakɛ wo yele fara sigi tina fila la. A ya sigi tina kelan bi ka wo kɛ mirannu tɔ ka doi bi ka a labɔn saraka-mintan-tinɛ wo ma.

Bɔ-Koe-Iyipiti 27:19

Miran min bɛɛsi la ye danna Fani-Bon-burɛ wɔlɛla ko la anubɛ Fani-Bon-yili si kiri minnu na anubɛ kata-kɔlɔmanu yili si kiri minnu na, wonu ni ma silɛɛ la.”

Bɔ-Koe-Iyipiti 27:2

Wo ni bolon nanɛ ladan a tonko nanɛ rɔ. Saraka mintan tinɛ anubɛ a bolon nanɛ, wo bɛɛsi la ni dan nya-kun-kelen. Wo ni silɛɛ sa saraka-mintan-tinɛ wo kan tinɛ bɛɛ ma.

Bɔ-Koe-Iyipiti 27:4

Wo ni silɛɛ ladan yalɛ la ka silɛɛ wo bolo-kalama-dɛɛn nani ladan ka anu sɔ yalɛ wo tɔnkɔn nanɛ bɛɛ la.

Bɔ-Koe-Iyipiti 38:3

A ya saraka-mintan-tinɛ wo fɛ-miran bɛɛsi ladan silɛɛ la, bugura-makɔ-fannu wo, sɔbulunu wo, yele-purupuru-mirannu wo, sogo-sɔgɔ-lunyɛnu wo, anubɛ ta-kɔ-mirannu.

Saraka-Masɔlɛnuta Tɔnnu 16:12

a si ta-wɔlɔn do bi ka bɔ saraka-mintan-tinɛ rɔ. Wo kɔma, a si isɛnti-munke bolo-nya fila bi anubɛ ta-wɔlɔn wo ka ta anu na Sɛnima-Sɛnima-Tinɛ rɔ.

Yilan-Yilan Koe 4:14

Anu ni ata mirannu sa a kuma, a ta-kɔ-mirannu wo, a sogo-sɔgɔ-fannu wo, a sɔbulunu wo, anubɛ a yele-purupuru-mirannu. Anu ni gbolo-koloni-hakikɛ burun wo bɛɛ kuma ka a bi-kɔlɔma fila don bolo-kalama-dɛɛnnu woe rɔ.