Bɔ-Koe-Iyipiti 27:16 - ALLALA KUMƐ

¹⁶ Anu bi kura-hakikɛ min kelela linɛn, wo ni wo kiri tenbi-bolɔn la. Kura-sɔgɔlɛ min kusan, wo ni a ladan. A ni yesekara-yalafinyɛ anubɛ yesekara-bilolamɛ anubɛ yesekara-wulan bi ka mɔlɔnɛ do sɔgɔ linɛn-kurɛ wo ma. Kurɛ min kirinɛ tenbi-bolɔn wo la, a yanyɛ ni ma nunkan-nya mogan na. Wo si a kiri kɔlɔma nani na minnu sɔnɛ sila nani kuma tenbi-bolɔn wo la.

Bɔ-Koe-Iyipiti 27:16 Iomraidhean Croise

Yaburi 45:14

Anu bi nala anubɛ duruku-bonnɛ wo la mansɛ ma. A gba-fɛ-bilala-musumɛnu bi a fɛ. Anubɛ wonu denu bi tala fɔɔ mansɛla bolɔn la.

Bɔ-Koe-Iyipiti 26:31

“Anu bi kura-hakikɛ min kelela linɛn, wo ni wo ma yorolan la. Mɔgɛ minnu kusan boloma-wɔlɛ kɛla, wonu ni melikala muninyɛ sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Bɔ-Koe-Iyipiti 26:36

“Anu bi kura-hakikɛ min kelela linɛn, wo ni wo ma bɔn don-da-kurɛ la. Mɔgɛ minnu kusan, wonu ni mɔlɔnɛ donu sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Bɔ-Koe-Iyipiti 27:15

Kurɛ min bi tenbi-bolɔn bolo-maran rɔ, wo ni ma nunkan-nya tan-ni-loli la. A kata-kɔlɔma sawɛ doi kurɛ wo si kiri min na, wo ni sila sawa fanan sa wonu kɔrɔ.

Bɔ-Koe-Iyipiti 27:17

“Kata-kɔlɔma bɛɛsi ni wodi-gbɛ-lundannu sɔrɔn anubɛ wodi-gbɛ-gbɛsɛ-gbɛsannu ka silɛɛ sa kɔlɔma kelen-kelan wo bɛɛsi kɔrɔ.

Bɔ-Koe-Iyipiti 28:39

“Wo ni kura-hakikɛ do bi min tɔgɛ linɛn ka a ma duruku-kɔrɔ-donyɛ la. Wo ni linɛn-kurɛ do bi ka saraka-masɔlɛta fulɛ ladan. Kura-sɔgɔlɛ min bi buta-kiri-fan ladanna, wo ni a sɔgɔ a kin na!

Bɔ-Koe-Iyipiti 36:37

Kura-hakikɛ min tɔgɛ linɛn, anu ya wo ma bɔn don-da-kurɛ la. Mɔgɛ minnu kusan, wonu ya mɔlɔnɛ donu sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, yesekara-bilolamɛ wo, anubɛ yesekara-wulan.

Bɔ-Koe-Iyipiti 39:29

Kura-sɔgɔlɛ ya saraka-masɔlɛnuta butɛ-kiri-fannu nadan ka a sɔgɔ a kin na yesekara-yalafinyɛ anubɛ yesekara-bilolamɛ anubɛ yesekara-wulan la iko Mari ya a fɔ Musa ye nya min nun.

Kɛlɛ-Kurugbɛnu 5:30

‘Tumado nɔnfulu-tala-koe le wara anu mɛ kɔrɛ. Tumado kɛlɛ-dan donu si musu fila-fila sɔrɔn. Donu si kelen-kelen sɔrɔn. Tumado Sisara ara duruku-bonni-hakikɛ do sɔrɔn kɔrɛ. A si na kura-hakikɛ do la n ye kɔrɛ.’ ”