Bɔ-Koe-Iyipiti 26:25 - ALLALA KUMƐ

²⁵ Fɛran minnu bi tele-yigi waralɛ rɔ, wo bɛɛ lakofunɛ fɛrɛn segin. Wo ni wonu sɔ wodi-gbɛ tan-ni-wɔrɔ kuma. Wonu si ma anu kian la. Fɛrɛn kelen-kelan wo bɛɛ si sɔ wodi-gbɛ fila-fila kuma.

Bɔ-Koe-Iyipiti 26:25 Iomraidhean Croise

Bɔ-Koe-Iyipiti 26:24

Fɛrɛn filɛ min bi a tonke rɔ, wo ni wonu sa anu nyɔgɔn tɔ ka anu sɔ a tonke rɔ. Wo ni wonu tugun anu nyɔgɔn na ka a bi a kɔrɔ ha a kuma.

Bɔ-Koe-Iyipiti 26:26

“Wo ni sɛnɛ bolo-kalama-dɛɛn donu sɔ fɛran wonu ma bolo-maran wara la ka anu woe telen anu nyɔgɔn na min si ma kɔlɔma-yannu don tinɛ la. Wo si a ma bolo-nyimɛ anubɛ tele-yigi wara la bɔn kɔma kilɛ la wo nya na le fanan. Wo ni sɛnɛ sa fɛran wo bɛɛ ma ka akasiya kɔlɔma yan tan-ni-loli ladan alako nta Fani-Bɔn fɛrannu ta si kiri nya min sɔdɔ, ka sɛnɛ sa wonu ma. Wo si kɔlɔma lolɛ kɛnu nadon bolo-kalama-dɛɛn kɛnu tɔ bolo-maran wara la ka kɔlɔma yan lolɛ doi ladon bolo-kalama-dɛɛn doinu tɔ bolo-nyimɛ wara la wo nya le. Wo ni a toe kɔlɔma lolɛ ladon bolo-kalama-dɛɛn wonu tɔ a kɔma kilɛ la tele-yigi wara la. Wo ye kɔlɔma-yan minnu nadanna a tɔnkɔn doi rɔ bolo-maran wara la, a loli nyɔgɛ wo ni bɔ fɛrannu tɛma a dan doi ma ha ka ke a dan doi ma. Wo ni a ma bolo-nyimɛ anubɛ a tele-yigi wara la wo nya na le fanan.

Bɔ-Koe-Iyipiti 36:30

Fɛran minnu bi tele-yigi waralɛ rɔ, wonu yatɛ bɛnta fɛrɛn segin ma. Anu ya wonu sɔ wodi-gbɛ tan-ni-wɔrɔ kuma. Anu ya fɛrɛn kelen-kelan wo bɛɛsi sɔ wodi-gbɛ fila-fila kuma.

Bɔ-Koe-Iyipiti 38:27

Anu ya wodi-gbɛ min nalee ka a sa Marita Fani-Bon-sɔ-mirannu anubɛ yorolan-dun-kɔnnu kɔrɔ, wola gbiliyɛ manɛ iko yi durɔmu tan-ni-filɛla gbiliyɛ ye nya min. Anu ya wodi-gbɛ minnu sa fɛran wonu kɔrɔ, wonu fila filɛla gbiliyɛ manɛ le iko yi kalɔn wɔrɛla gbiliyɛ ye nya min.