Bɔ-Koe-Iyipiti 24:6 - ALLALA KUMƐ

⁶ Musa ya sarakɛ wo yele fara sigi tina fila la. A ya sigi tina kelan bi ka wo kɛ mirannu tɔ ka doi bi ka a labɔn saraka-mintan-tinɛ wo ma.

Bɔ-Koe-Iyipiti 24:6 Iomraidhean Croise

2 Mansɛnu 17:15

Mari ko anu ma sɔn ata sereyanu birala. Anubɛ anu benbanu sarata min na, anu ma sɔn wo birala. A ko a ya anu makawandi minnu ma, anu ma sɔn anu tole masɔla wonu na. Anu ya bɛsi-fufafuyinu kɔ ka anu nyɛrɛ ma mɔgɔ-fufafuyinu na. Mari ya a fɔ anu ye nun ko anu kana anu dan-masa-nyɔgɛnuna namunu bi kɔnɔ anu ya wonuna namunyɛnu bi.

Yaburi 99:6

Musa anubɛ Aruna taranta saraka-masɔ-wɔlɛ kɛla Mari ye. Samuwɛli fanan si Mari madiya nun. Anu ya anu kan nabɔ Mari ma, ado a ya a labira.

Bɔ-Koe-Iyipiti 12:22

Kɔlɔma min tɔgɛ hisɔpu, wo ni wo bolɔn donu bi. Wo ya kolo-fen-yele minnu kɛ mirannu tɔ, wo ni hisɔpu bolɔn wonu bi ka anu nayigi yele wo rɔ ka a susa bonda-dɛ tɔnkɔn filɛ ma anubɛ dɛ kumɛ. Mɔgɔ-wo-mɔgɔ kana bɔ bɔn la ha sɔgɔma.

Bɔ-Koe-Iyipiti 12:7

Anu si kolo-fan wonu dɔn bɔn minnu na, anu ni kolo-fan wonu yele do bi ka a susa bonda-dɛ tɔnkɔn filɛ ma anubɛ dɛ kumɛ.

Bɔ-Koe-Iyipiti 24:8

A yele-toe min tora mirannu tɔ, Musa ya wo fanan bi ka wo pusen mɔgɛnu ma. A ko, “Yele kɛ si ma lanyiri-kiri-fan la wobɛ Mari tɛma alako wo ni ata lanyiri latɔnbagaya.”

Bɔ-Koe-Iyipiti 29:16

I ni saga-yigi wo kan natɛgɛ ka a yele do bi ka a labɔn saraka-bɔ-tinɛ wo tɔnkɔn nanɛ ma.

Bɔ-Koe-Iyipiti 29:20

I ni a faga ka a yele do bi ka a don Aruna anubɛ ala den-keinu bolo-nyimama-tolo-lafɛlafɛ ma anubɛ anu bolo-nyimama-gbungburu-wɛ ma anubɛ anu bolo-nyimama-kin-gbungburu-wɛ ma. I ni a yele-toe labɔn saraka-mintan-tinɛ tɔnkɔn nanɛ bɛɛ ma.

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Saraka-Masɔlɛnuta Tɔnnu 1:11

A si sarakɛ wo bi ka a kan natɛgɛ saraka-mintan-tinɛ bolo-maran wara la. Saraka-masɔlɛ si a yele bi ka a lakɛ saraka-mintan-tinɛ wo tɔnkɔn nanɛ ma.

Saraka-Masɔlɛnuta Tɔnnu 1:5

A si turɛ wo kan natɛgɛ. Saraka-masɔlɛ Aruna kebila-mɔgɛ donu si na turɛ wo yele la saraka-bɔ-tinɛ ka a lakɛ saraka-bɔ-tinɛ tɔnkɔn nanɛ ma.

Saraka-Masɔlɛnuta Tɔnnu 3:2

A si ninki wo bi ka na a la Marita Fani-Bɔn tenbi-bolɔn dafɛ. Saraka-bɔlɛ si a bole sa ninki kunyɛ kuma ka a kan natɛgɛ nyɔ. Saraka-Masɔla Aruna kebila-mɔgɛ donu si na ninki wo yele la saraka-bɔ-tinɛ ka a lakɛ saraka-bɔ-tinɛ tɔnkɔn nanɛ ma.

Saraka-Masɔlɛnuta Tɔnnu 4:6

Wo kɔma, a si a bolo-nɔlɔnɛ layigi yele wo rɔ ka a pusen iko wɔrɔnfila yorolan wara la min dunnɛ Kan-Tina-Sɛnimɛ anubɛ Sɛnima-Sɛnima-Tinɛ tɛma.

1 Kɔrɛnti 11:25

Anu ban biredi wo dɔnna, Yisa ya yi-lafɛ fanan bi wo nya. A ko, “Allatalata sarama-kan-kurɛ min kirinɛ n yelela ko la, wo le kɛ la. Wo ni kɛ min alako wo ni to wo mirila n ma nya min.”

Kɔlɔsi 1:20

Fan minnubɛ Alla faranɛ nun, a ya wo bɛɛsi lasɛgi a nyɛrɛ ma tun Yisa Kirasiti baraka rɔ. Alla ya yisi-kimɛ ladon duninya rɔ Yisata sayɛ fɛ kɔlɔma ma. Fan minnu bi dugu-kole kuma wo, fan minnu bi san-kole rɔ wo, a ya fan wo bɛɛ lasɛgi a nyɛrɛ ma ale Yisata sayɛ fɛ.

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

Hiburunu 8:9

Mabɛ wo benbanu sarata min ma, a ti ma wo su la tun. N ya anu bole bira tumɛ min ka anu nabɔ Iyipiti nyamanɛ rɔ, sarama-kan-kɔrɛ wo kirita tumɛ wo le tɔ. Ma sarata min ma wulɔn, anu ma sarama-kan wo latɔnbagaya. Woletɔ, nde, Mari ara n kan-kɔ sɔ anu na.

Hiburunu 9:18

Wo le ya a to, hali sarama-kan-fɔlɔtɛ kɛ ti ko-wo-ko nyinya mɔgɛ ma, ni kolo-fan ma faga ka a yele bɔ sarakayɛ la.

Hiburunu 9:19

Nɛbi Musa ya tɔn bɛɛ rakaran mɔgɛnu ye iko a sɛbɛnɛ Allata tɔn rɔ nya min. Wo kɔma, a ya tura-yele bi anubɛ baa-yele ka wonu tabasan yi la. A ya yanba-kunyɛ bi min tɔgɛ hisɔpu anubɛ saga-siyi anu bara min nawulen alako a si yele wo purupuru Tɔn-Kitabu anubɛ mɔgɛ bɛɛ ma nya min.

Hiburunu 9:21

A ya yele purupuru fani-bɔn fanan ma wo nya le anubɛ fan wonu bɛɛ ma anu bi min bila Allata fani-bɔn la.

1 Pita 1:19

Wo hɔrɔyara saraka-da-gbɛlɛmɛ le fɛ, Kirasiti, kɔni min manɛ iko saga-dan, fɛɛ-wo-fɛɛ sa min na.

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.