Bɔ-Koe-Iyipiti 24:4 - ALLALA KUMƐ

⁴ Wo kɔma, Musa ya Marita kumɛ wo bɛɛsi sɛbɛ. Wo banda kɛ sɔgɔma subaga, Musa wulita ka saraka-mintan-tinɛ sɔ kɔnkɛ wo kɔrɔ. A ya kuru-lɔngbɔn tan-ni-fila sɔ saraka-mintan-tinɛ wo dafɛ iko Isirɛla bɔnsɔn kebila tan-ni-filɛ ye nya min.

Bɔ-Koe-Iyipiti 24:4 Iomraidhean Croise

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 28:18

Wo banda kɛ subagɛ ma, Yakoba ya kuru-kundi min ma kun-kɔrɔ-sɛ la, a ya wo bi ka a latelen. A ya tuli labɔn a ma alako ka a dantɛgɛ Alla ma.

Ko-Dabirɛnu 28:22

N bara kuri kɛ latelen kan min kɛ la, nyɔ si ma Alla madiya tinɛ la. Ni Mari ya fan minnu di n ma, n si wonu yaka bɔ wo rɔ ka a di a ma.”

Ko-Dabirɛnu 31:45

Yakoba ya kuru-kinama kelen bi ka a latelen.

1 Mansɛnu 11:30

Ale Nɛbi Ahaya ya ala duruku-ba-kurɛ wo bɔ ka wo rafara sigi tina tan-ni-fila la.

1 Mansɛnu 18:31

A ya kuru tan-ni-fila bi ka wonu sɔ Yakobala den-kei tan-ni-filɛ tɔgɔ rɔ. (Mari ya Yakoba kɛ le tɔgɛ yɛlɛma nun ko Isirɛla.)

Ɛsira 6:17

Dantɛgɛlɛ wola ko la, anu ya tura kɛmɛ bɔ, saga-yigi kɛmɛ fila, anubɛ saga-den kɛmɛ nani sarakayɛ la. Wo kɔma, anu ya baa-kɔrɔn tan-ni-fila bɔ anu hakɛ-sarakayɛ la iko anu bɔnsɔn ye nya min.

Nihɛmaya 10:1

Mɔgɔ fɔlɔtɛ min ya a bole sa mana kɛ rɔ, wo le mala kun-tigi Nihɛmaya la, Hakalayala dan, kɔni. Wo kɔma, Sɛdɛkaya ya a bole sa mana rɔ.

Bɔ-Koe-Iyipiti 17:14

Mari ya a fɔ Musa ye ko, “I ni kɛ sɛbɛ buku do rɔ alako a ni to mɔgɛnu burɔ. A fɔ Yasowa ye ko nde, Mari si Amalɛki mɔgɛnu ban fegba!”

Bɔ-Koe-Iyipiti 17:15

Musa ya saraka-mintan-tinɛ sɔ ka a tɔgɔ sa “Nna kisi-koe falafalɛ le Mari la.”

Bɔ-Koe-Iyipiti 21:1

Mari ya a fɔ Musa ye tun ko, “I ni tɔn kɛnu fanan di Isirɛla mɔgɛnu ma.

Bɔ-Koe-Iyipiti 24:7

A ya tɔn-buku wo bi ka a karan mɔgɛnu ye. Anu ya a yabi ko, “Mari ara min bɛɛsi fɔ, ma si wonu kɛ ka ala kumɛ bira.”

Bɔ-Koe-Iyipiti 28:21

Wo ni kuri wonu sigi iko Isirɛla bɔnsɔn tan-ni-filɛ tɔgɛ ye nya min. Bɔnsɔn tan-ni-filɛ kelen-kelennamɛ-bɛɛsi tɔgɛ ni sɛbɛ kuri kɛnu ma.

Bɔ-Koe-Iyipiti 34:27

Mari ya a fɔ Musa ye ko, “I ni nta kumɛ kɛnu sɛbɛ kamasɔrɔn n bara lanyiri min bɛɛsi kiri mabɛ Isirɛla mɔgɛnu tɛma bi, wo bɛɛ ye tɔn kɛnu tɔ.”

Aiseya 19:19

Wo wati wa na, Marita saraka-mintan-tinɛ do si taran Iyipiti nyamanɛ tɛma. Anu si kuru-lɛsɛnɛ dantɛgɛ Mari ma. Wo si taran anuna nyamani-dan la.

Saraka-Masɔlɛnuta Tɔnnu 24:5

“Wo ni dɛgɛ-munku-hakikɛ pani-kunbɛ-nya fila bi ka wo ladan biredi-lɔngbɔn tan-ni-fila la.

Yilan-Yilan Koe 17:2

“A sɔgɛ ye n na, n ni gbunya-kumɛ ban wo tɛma. A fɔ Isirɛla mɔgɛnu ye ko bɔnsɔn tan-ni-fila kun-tigi kelen-kelennamɛ-bɛɛ ni na anuta kɔrɔ-sɔ-sewurinu na anu bolo. Anu ba na kɔlɔma wonu na tumɛ min, i si bɔnsɔn-kun-tigi kelen-kelan tɔgɔ sɛbɛ ata kɔlɔma ma.

Luka 22:30

Wo si wo de-nyini nna tebulu la nna mansayɛ rɔ ka wo sigi mansaya-waganɛnu tɔ Isirɛla bɔnsɔn tan-ni-filɛ kiti tɛgɛ tinɛ.”

Kalesiya 2:9

Yemesi anubɛ Pita anubɛ Yɔni, mɔgɛnu ya minnu lɔn anuna mɔgɔ-banu na, kɔni, mɔgɛ wonu ya a yen ko Alla le ya wɔlɛ kɛ di n ma ata hinɛ fɛ. Anu ya anu bole sa mabɛ Banabasi bole tɔ alako ka a yira ko ma bɛɛ ara ma kelen na. Ma dama sɔnta ko male ni mata wɔlɛ kɛ sibolo-gbɛrɛnu tɛma, anu denu ni anuta wɔlɛ kɛ Yahudiyanu tɛma.

Tɔn-Fɔɛ-Fila-Nyɔgɛ 31:9

Musa ya Marita tɔn bɛɛ sɛbɛ ka a don kun-tiginu anubɛ saraka-masɔlɛnu bolo. Wonu denu bi Marita tɔn-kenkirɛ kun na.

Yasowa 4:20

Kuru tan-ni-filɛ minnu bɔra bɛ tɛma, Yasowa ya wonu sigi anu nyɔgɔn kuma.

Yasowa 4:5

ka a fɔ anu ye ko, “Wo ni ta Marila tɔn-kenkirɛ yarɔ Yorodan bɛ tɛma. Mɔgɔ kelen-kelennamɛ-bɛɛ ni kuru kelen-kelen bi a kanban-kunyɛ ma iko wo bɔnsɔn ye nya min.

Lankɛnimayɛ 21:14

Soe wo tarɛ kurukɛra kuru tan-ni-filɛ wo le kuma. Saga-danta kilaya tan-ni-filɛ tɔgɛ sɛbɛra kuru kelen-kelan wo bɛɛ ma.