Bɔ-Koe-Iyipiti 24:12 - ALLALA KUMƐ

¹² Mari ya a fɔ Musa ye ko, “Na n bara ka mɛ n fɛ kɔnkɛ kun tɛma yan. N si kuru-walan fila don i bolo nna tɔnnu sɛbɛnɛ minnu ma alako i ni mɔgɛnu karan wonu na.”

Bɔ-Koe-Iyipiti 24:12 Iomraidhean Croise

1 Mansɛnu 19:11

Mari ya a fɔ Nɛbi Ilaya ye ko, “Bɔ faran la. I ni i sɔ n yakɔrɔ kɔnkɛ kuma bawo n ba tenbi, i ni n mafɛlɛn.” Mari ya fɔn-belebele-wɛ lana. Kɔnkɛnu tafarata. Kurinu tatiira kɔnɔ Mari sa fɔnyɔ wo rɔ nun. Fɔnyɔ wo ratora min kɛ, dugi yɛrɛyɛrɛnta. Kɔnɔ Mari sa dugi yɛrɛyɛran wo rɔ nun.

Ɛsira 7:10

Ɛsira ara a nyɛrɛ to Marita tɔn karan anubɛ ka a bira anubɛ ka Isirɛla mɔgɛnu karan a la.

Nihɛmaya 9:13

I bɔra san ma wulɔn Sinayi kɔnkɛ kuma. I kumara ila mɔgɛnu ye nyɔ. I ya tɔnnu di anu ma nyɔ min kin, ado tonyɛ le anu na.

Nihɛmaya 9:14

Anu si ila Sulen-Tele bira nya min ka a gbiliya, i ya anu karan wo la. I ya ila tɔnnu don ila wɔli-kɛla Nɛbi Musa bolo ka anu karan wo la.

Yaburi 19:12

Mɔgɔ-wo-mɔgɔ ti ke a nyɛrɛta fɛɛ yenna. Mari, nde ma nna fɛɛ minnu lɔn, wonu masɛgi n na.

Bɔ-Koe-Iyipiti 19:3

Musa yɛlɛta kɔnkɛ wo kuma. Alla ya a fɔ Musa ye nyɔ ko, “Ta a fɔ Yakoba bɔnsɔn-mɔgɛnu ye, Isirɛla mɔgɛnu, kɔni, ko,

Bɔ-Koe-Iyipiti 24:15

Anu bi yɛlɛla tumɛ min, anu ya a yen, kɔnkɛ kumɛ wo bɛɛ manɛ banda-finyɛ la.

Bɔ-Koe-Iyipiti 24:2

Ile, Musa kelan ni yɛlɛ kɔnkɛ kuma ka i madon n na kɔnɔ kun-tigi wonu kana anu gbɛrɛn n ma. Mɔgɔ-gbɛrɛkɛ kana yɛlɛ kɔnkɛ bu la kun-tigi kɛnu fɛ.”

Bɔ-Koe-Iyipiti 31:18

Mari ban kɛ fɔla Musa ye Sinayi kɔnkɛ kuma, Mari ya kuru-walan fila don a bolo ale nyɛrɛ ya ala tɔnnu sɛbɛ minnu ma a kɔɛn la.

Bɔ-Koe-Iyipiti 32:1

Mɔgɛnu ya a yen tumɛ min ko Musa ara mɛ Sinayi kɔnkɛ kuma, anu ya anu kundɛn Aruna dafɛ. Anu ya a fɔ a ye ko, “Musa min nara ma la ka bɔ Iyipiti nyamanɛ rɔ, ma ma a lɔn min bara ma a la. I lasɔ ma fɛ ka bɛsɛ do ladan ma ye min si sɔ ma yarɔ.”

Bɔ-Koe-Iyipiti 34:1

Mari ya a fɔ Musa ye ko, “I ni kuru-walan filɛ lɛsɛ iko a fɔlɔtɛ. I ya kuru-walan fɔlɔtɛ minnu tatii, nta kumɛ minnu sɛbɛnɛ wonu ma, n si wonu sɛbɛ kɛnu ma tun.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Matiyu 5:19

Woletɔ hali tɔn dɔgɔmanɛ, ni min ba a ban wo bira-koe ma ka donu karan wo ma fanan, Alla min bi Arinyɛni tɔ, wo tigi si ma mɔgɔ-dɔgɔmanɛ la ata mansayɛ rɔ. Kɔnɔ ni min si tɔn bira ka donu karan a bira-koe ma, wo tigi si ma mɔgɔ-ba la Allala mansayɛ rɔ.

2 Kɔrɛnti 3:3

A ara gbɛ feu, ko Kirasiti-nyɛrɛ le ya kɛdi kɛ sɛbɛ ka a don ma bolo. A ma sɛbɛ duwa-yi anubɛ kalɛ la. A sɛbɛnɛ Alla nimɛla Ni-Sɛnimɛ le la, ado a ma sɛbɛ kuru-walan ma. A sɛbɛnɛ mɔgɔ yisi le tɔ.

2 Kɔrɛnti 3:7

Nɛbi Musa ya tɔn min sɛbɛ kuru-walan ma, wo nara sayɛ la a bolo. Kɔnɔ a dira mɔgɛnu ma tumɛ min, Allala gbiliyɛ bɔra gbɛ rɔ, ado Nɛbi Musa yakɔrɛ malanta ha Isirɛla mɔgɛnu ma ke anu yɛ gbangbanna a rɔ hali gbiliya-tamasere min bi malan-malanna a yakɔrɛ ma, wo kɔ fagara.

Tɔn-Fɔɛ-Fila-Nyɔgɛ 4:14

Mari ya a fɔ n ye ko n ni wo karan tɔn wo bɛɛsi la, woletɔ wo wa ta nyamanita-mɔgɛ wonu kɛlɛ ka wo sigi nyɔ, wo si to wo mirila Marita tɔn kɛnu ma ka a latɔnbagaya worɔ.”

Tɔn-Fɔɛ-Fila-Nyɔgɛ 5:22

“Tɔn le kɛnu na Mari ya minnu di wo ma wo tumɛ wo ladɛnnɛ Sinayi kɔnkɛ kɔrɔ. Mari ya tɔn tan kɛnu denu dɔrɔn di wo ma a kulu-mayɛlɛnɛ la banda-fin-digidigi-wɛ anubɛ ta-mɛlan ta-sisi-fin-bɛ rɔ. Wo kɔma, a ya a sɛbɛ kuru-walan fila ma ka anu don nde, Musa bolo.”

Tɔn-Fɔɛ-Fila-Nyɔgɛ 5:31

Kɔnɔ ile ni to n dafɛ yan. Nde nyɛrɛ si nna tɔnnu anubɛ nna sereyanu don i bolo. Ile si ta anu karan wonu na, woletɔ anu ba ta lanyiri-nyamanɛ wo rɔ n bi nala min dila anu ma, anu si nna tɔnnu anubɛ nna sereyanu natɔnbagaya.’ ”

Hiburunu 9:4

Isɛnti mintan tinɛ min nadannɛ sɛnɛ la, anubɛ tɔn-kenkirɛ siginɛ nyɔ burɔ. Sɛnɛ nɔrɔnnɛ kenkirɛ wo bɛɛ ma. Dɔn-fan min tɔgɛ “Allata biredi,” wo ye sɛnɛ-dagɛ rɔ. Sɛnɛ-dagɛ wo ye kenkirɛ wo burɔ anubɛ Arunata sewuri min ya a matii anubɛ kuru-walan filɛ sarama-kan sɛbɛnɛ minnu ma.