Bɔ-Koe-Iyipiti 23:6 - ALLALA KUMƐ

⁶ “Wo kana bolo-kolɔnnu yoe ma anu yilikiyi la kumɛ rɔ bawo fen sa anu bolo.

Bɔ-Koe-Iyipiti 23:6 Iomraidhean Croise

2 Ko-Kɔrɔta-Karan 19:7

Wo ni Mari gbiliya ka kitinu tɛgɛ a kilɛ fɛ. Mata Mari Alla ti sɔn ko-radunɛ ma, lafisayali, anubɛ nɔnfulu-birɛ kiti tɛgɛ tinɛ.”

Yobu 31:13

Nna wɔli-kɛlɛ do wa a yasere-masa n ye nun, n si n tole masɔ a la ka ko-latelennɛ kɛ a ye.

Hɛnkilimaya-Kumɛnu 18:5

Mɔgɔ kana lafisayalɛ kɛ ka karagbɛlɛ yiliki ma a yoe la anubɛ ka mɔgɔ-latelennɛ-yoe ma a yiliki la.

Hɛnkilimaya-Kumɛnu 22:22

Mɔgɔ kana tɔnɛ sɔrɔn bolo-kolɔn kuma anuna bolo-kolonyɛla ko la. I kana bolo-kolɔn kɔndɔfili kiti tɛgɛ tinɛ.

Hɛnkilimaya-Kumɛnu 31:5

Ni mansɛ ya a min, a si nyina tɔnnu ko tiriya! Ala ko ti taran ala mɔgɛnu bara-ko rɔ ka telenbagaya-ko ladan makolamɛnu ye.

Makawandili Kumɛnu 5:8

Ni i ya a yen, bolo-kolɔnnu bi tɔrɔla, anu sa yo sɔrɔnna, ado anuna tonyɛ sa bɔla gbɛ rɔ, i kana tɛrɛna wo la. Wo ye tɛgɛla bawo anu kun-tigi minnu bi anu kuma, wonu fanan bi kun-tigi donu denu kɔrɔ.

Aiseya 5:23

Dogonta-fan min bi dila wo ma mɔgɔ-yilikinɛla ko la, wo le ye a mala, wo ye a bolokala, a ni ta a ye fɛlɛlɛ! Wo ye kilɛ tɛgɛla mɔgɔ-magbalanɛnuna ko-latelenni-sɔrɔn ma.

Yɛrɛmaya 5:28

Woletɔ anu bara kunbaya dɔn-fen-diyamɛ bolo. Tɛtɛgɛ-wo-tɛtɛgɛ sa anuna ko-yogoma-kɛ la. Kelennɛnuna hina sa anu tɔ. Anu ti sɔn bolo-kolɔnnuna tonyɛ dila anu ma.

Yɛrɛmaya 6:28

A ko wole, ala mɔgɛnu bara wo ban a la ka wo tole gbɛlɛya. Wo ye belenna mɔgɛnu da ragbalala foninyɛ la. Wo yisi gbɛlɛ iko nɛgɛ anubɛ silɛɛ ye nya min, wo ye mɔgɛnu tɔrɔla yanfanteyɛ la wo nya na le.

Yɛrɛmaya 7:6

Sundannu wo, kelennɛnu wo, kɛɛ-musinu wo, wo kana a lagbɛlɛya wonu kuma. Minnu ma ko-yogomɛ ma, wo fara anu fagɛ la nyamanɛ kɛ rɔ. Wo fara bɛsi-kɔ-koe la fanan. Ni wo ma, bɛsi-kɔ-koe wo si wo halaki.

Saraka-Masɔlɛnuta Tɔnnu 19:15

“Wo ni ma mɔgɔ-telennɛnu na kiti tɛgɛ tinɛ ka kitinu tɛgɛ a kilɛ fɛ. Wo kana lafisalayɛ kɛ kiti tɛgɛ tinɛ ka bolo-kolɔnnu yoe ma anu yiliki la. Wo kana fen-tiginu fanan yoe ma anu yiliki la bawo fen bi anu bolo.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Tɔn-Fɔɛ-Fila-Nyɔgɛ 16:19

Anu kana ma mɔgɔ-radunɛnu na. Anu kana lafisayalɛ kɛ kiti tɛgɛ tinɛ. Anu kana dogonta-fan bira. Hali mɔgɛ hɛnkili kolo, dogonta-fan si a ma, a ni fiyonya. Hali a telenta, a ra si du kɔnkɔrɔntɔn!

Tɔn-Fɔɛ-Fila-Nyɔgɛ 27:19

“ ‘Alamɛ Allata dankɛ taranta wo mɔgɛnu kuma minnu si mɔgɔ-tɔrɔnɛnuna saratiyi tinya anu bolo, a mara sundan na wo, a mara kelenni na wo, a mara kɛɛ-musu la wo.’ “Anu si a labira ko, ‘Amina.’

1 Samuwɛli 8:3

Kɔnɔ anu ma anu fa gbɛ bi. Anu sa ko-wo-ko kɛla fɔ ka wodi nyini anu nyɛrɛ ye. Anu kɛnɛna dogonta-fan birala, ado anu sa kiti tɛgɛla a kilɛ fɛ.