Bɔ-Koe-Iyipiti 23:3 - ALLALA KUMƐ

³ Wo kana kinikini bolo-kolɔnnu ma ka anu yilikiyi ma anu yoe la kuma tinɛ bawo fen sa anu bolo.

Bɔ-Koe-Iyipiti 23:3 Iomraidhean Croise

Bɔ-Koe-Iyipiti 23:6

“Wo kana bolo-kolɔnnu yoe ma anu yilikiyi la kumɛ rɔ bawo fen sa anu bolo.

Hɛnkilimaya-Kumɛnu 18:5

Mɔgɔ kana lafisayalɛ kɛ ka karagbɛlɛ yiliki ma a yoe la anubɛ ka mɔgɔ-latelennɛ-yoe ma a yiliki la.

Hɛnkilimaya-Kumɛnu 22:22

Mɔgɔ kana tɔnɛ sɔrɔn bolo-kolɔn kuma anuna bolo-kolonyɛla ko la. I kana bolo-kolɔn kɔndɔfili kiti tɛgɛ tinɛ.

Aiseya 10:1

Gbalo ye wole sereya-radunɛ nadannɛnu ma minnu bi nna mɔgɛnu tɔrɔla.

Saraka-Masɔlɛnuta Tɔnnu 19:15

“Wo ni ma mɔgɔ-telennɛnu na kiti tɛgɛ tinɛ ka kitinu tɛgɛ a kilɛ fɛ. Wo kana lafisalayɛ kɛ kiti tɛgɛ tinɛ ka bolo-kolɔnnu yoe ma anu yiliki la. Wo kana fen-tiginu fanan yoe ma anu yiliki la bawo fen bi anu bolo.

Emɔsi 5:12

Mari ko a ya a lɔn wola hakɛnu yogo nya min. Wo ara ko-yogomɛ minnu nyɔgɔn ma, a ya wo bɛɛsi lɔn. Mɔgɔ-nyimɛ minnu bi wo tɛma, wo ye wonu bɛnsɛnkɔninyala ka anu tɔrɔ. Wo ye dogonta-fan birala mɔgɛnu bolo. Wo ye a mala, bolo-kolɔnnu ti yo sɔrɔn hali tonyɛ ye anu bolo.

Tɔn-Fɔɛ-Fila-Nyɔgɛ 1:17

N ko wo ni bolo-kolɔnnu anubɛ fen-tiginuna kiti sa a kilɛ fɛ. Wo kana lafisayalɛ kɛ kiti sa tinɛ. Wo kana kilan mɔgɔ-wo-mɔgɔ la bawo wola kiti-sa-bole bɔra Alla le bolo. Ni wo ma ke kumɛ minnu fɔla, wo si wonu natenbi nde, Musa ma. Nde si yi-kimɛ sa wo rɔ.

Tɔn-Fɔɛ-Fila-Nyɔgɛ 16:19

Anu kana ma mɔgɔ-radunɛnu na. Anu kana lafisayalɛ kɛ kiti tɛgɛ tinɛ. Anu kana dogonta-fan bira. Hali mɔgɛ hɛnkili kolo, dogonta-fan si a ma, a ni fiyonya. Hali a telenta, a ra si du kɔnkɔrɔntɔn!

Yemesi 3:17

Kɔnɔ hɛnkili min bɔnɛ san ma, a fɔlɔtɛ ye min na, a sɛnima. A yisi-kimanɛ fanan. A dinyanɛ. A madiya-koe ma gbɛlɛ. A fanɛ kinikinɛ la. A ye kɛwɔli-nyimɛnu kɛla. A ti lafisayalɛ kɛ. A ti a nyɛrɛ kɔrɔta.