Bɔ-Koe-Iyipiti 23:12 - ALLALA KUMƐ

¹² “Wo si wola wɔlɛnu kɛ tele wɔrɔ kɔrɔ ka wo sulen a tele wɔrɔnfila nyɔgɛ ma. Wola yɔɔnnu wo, wola sundan minnu bi wo dɛnbɛna wo, anubɛ wola kolo-fan minnu bi wɔlila wo ye wo, wo bɛɛsi ni wo sulen a tele wɔrɔnfila nyɔgɛ wo ma.

Bɔ-Koe-Iyipiti 23:12 Iomraidhean Croise

Nihɛmaya 13:16

Taya kɛ minnu sigira Yerusalɛm, wonu nara yɛgɛ anubɛ fan donu na anu mayira tinɛ Isirɛla mɔgɛnu ma Yerusalɛm soe burɔ Sulen-Tele ma.

Bɔ-Koe-Iyipiti 16:23

Musa ya a fɔ anu ye ko, “Ni a ma-sɔgɛ ye wo la nya-wo-nya, wo si a ma wo nya, ni ka a mintan de, ni wo ma, ka a te le, wo si a ma wo nya. Kɔnɔ ni mintɛ toe tora, wo si ma sina dɔn-fan la. Wo ni wo lamara ha sɔgɔma bawo sina tele si ma tele-sɛnimɛ la Mari ye.”

Bɔ-Koe-Iyipiti 23:11

Kɔnɔ a san wɔrɔnfila nyɔgɛ ma, wo bɛɛsi ni wola wɔli-kɛ-tinɛ wonu to nyɔ alako wola dugi ni a rasulen. Wo le si a ma, bolo-kolɔnnu ni a mabunsannu tɛgɛ. Bolo-kolɔn wonu fanan bi minnu tola, sogenu si wo dɔn. Wo si wola ki-fannu fanan ma wo nya.

Bɔ-Koe-Iyipiti 34:21

“Wo ni wola wɔlɛ kɛ tele wɔrɔ kɔrɔ kɔnɔ a tele wɔrɔnfila nyɔgɛ ma, wo ni wo sulen, hali sɛnɛ-sa-wati le anubɛ ni a tɛgɛ-wati le, wo ni wo sulen tele wo ma.

Bɔ-Koe-Iyipiti 35:2

Wo ni wola wɔlɛnu kɛ tele wɔrɔ kɔrɔ kɔnɔ a tele wɔrɔnfila nyɔgɛ ma, wo ni wo ma Sulen-Tele la bawo Marita tele-sɛnimɛ le Sulen-Tele wo la. Ta-sisi kana yen mɔgɔ-wo-mɔgɔ bolo Sulen-Tele ma wo sigi tinɛ bɛɛ rɔ. Min ba wɔli a tele wɔrɔnfila nyɔgɛ wo ma, wo ni a faga.”

Aiseya 58:3

Mɔgɛnu bi a fɔla ko anu bi sunyɛ donna tele donu tɔ kɔnɔ Alla sa anu denkunna. Anu ko anu bara anu famayigi Mari gbiliya tinɛ kɔnɔ Alla sa anu mafɛlɛnna. Kɔnɔ Mari ko min di wole ye, wo ye wonu denu mala tele wonu tɔ. Wo ye wola wɔli-kɛ-dannu kensunna.

Saraka-Masɔlɛnuta Tɔnnu 23:3

Mari ko a ya tele wɔrɔ di ma ma ka mala wɔlɛnu kɛ kɔnɔ a tele wɔrɔnfila nyɔgɛ, a ko ma ni ma sulen wo rɔ. Mari ko a tele wɔrɔnfila nyɔgɛ wo ma, ma kana wɔlɛ kɛ kɔnɔ ma si ma ladɛn ka Mari Alla bato. Ma tara kan-bo-kan, a tele wɔrɔnfila nyɔgɛ wo, Maritɛ le wo la.

Maraka 2:27

Yisa ko, “Sulen-Tele ladanta mɔgɔ ye. Mɔgɔ ma dan Sulen-Telela ko la,

Luka 13:14

Dina-bon-kun-tigi diminyara ko Yisa ara dandanli kɛ Sulen-Tele ma. Woletɔ a ya a fɔ mɔgɛnu ye ko, “Tele wɔrɛ ye ma bolo, ma si to wɔlila minnu ma. A bɛnta, mɔgɛnu ni na tele wonu tɔ ka kɛndɛyɛ nyini kɔnɔ wo ma bɛn Sulen-Tele ma mumɛ!”