Bɔ-Koe-Iyipiti 23:1 - ALLALA KUMƐ

¹ “Wo kana foninyɛ ranyɛnsɛn mɔgɛnu tɛma. Mɔgɛ ka sɔ wunduyoge fɛ foninyɛ rɔ.

Bɔ-Koe-Iyipiti 23:1 Iomraidhean Croise

Ko-Dabirɛnu 39:17

Ala kei nanɛ, koe min bɛɛ tenbira anubɛ Yusufu tɛma, a ya wo dantɛgɛlɛ sa ala kei ye ko, “I nara Hiburu yɔɔn-keminɛ min na, wo le donta n kuma ka n nafɛya.

2 Samuwɛli 16:3

Mansɛ ya a manyinika, a ko, “Mansa Sɔli mamanɛ Mɛfibasɛti, wo ye mintɔ kaka?” Saiba ko, “N ya a to Yerusalɛm soe burɔ le bawo a miri le ko Isirɛla mɔgɛnu bi a benbala nyamanɛ lasɛgila a ma le tun.”

2 Samuwɛli 19:27

A tara n madon ile mansɛ wara. Kɔnɔ n tigi, ile manɛ de iko Allata melika. Ni koe min telenta ile yala, i ni wo ma.

Yaburi 101:5

N si tɔn sigi wɛwɛ-salɛnu na minnu si nyɔgɔn-kɔma-kumɛ fɔ. N ti ke n muinna mɔgɔ-wasini fenfen kɔrɔ.

Yaburi 120:3

Foninyɛ namanɛ wole min nagankuri ma, Alla si nfen tɔrɔya sigi wole ma? A ye wole tɔrɔla kama?

Yaburi 15:3

A ti mɔgɔ rafɔ, a ti ko-yogoma ma a diyana-mɔgɔ la, a ti a sigi-nyɔgɔla ko rakaran.

Yaburi 27:12

I kana n gbala n yogenu bolo la minnu bi n tagbɛrɛnna foninyɛ la.

Yaburi 35:11

Foninya-fɔlɛnu ya karamɛ layɛlɛ n ma. Anu ya a fɔ ko nde ara koe do ma, ado n sa wo kalama.

Bɔ-Koe-Iyipiti 20:16

“Wo kana foninya-sereyɛ bɔ.

Bɔ-Koe-Iyipiti 23:7

Mɔgɔ kana tɔgɛ sa a ta-nyɔgɛ la. Wo kana mɔgɔ-magbalanɛnu faga. Ni min ya wo sufa ma, nde, Mari si wo tigi yiliki.

Hɛnkilimaya-Kumɛnu 10:18

Mɔgɔ-wo-mɔgɔ min si a ta-nyɔgɛla koninteyɛ sigi a burɔ, foninya-fɔlɛ le wo tigi la, ado mɔgɔ-wo-mɔgɔ min si a ta-nyɔgɛ tɔgɔ tinya, yuwɛ le wo la.

Hɛnkilimaya-Kumɛnu 12:17

Sereya-bɔla-nyimɛ si tonyɛ fɔ kɔnɔ sereya-bɔla-yogomɛ si foninyɛ le fɔ.

Hɛnkilimaya-Kumɛnu 14:5

Sereya-bɔla-nyimɛ ti foninyɛ fɔ kɔnɔ sereya-bɔla-yogomɛ si foninya-gbansan de fɔ.

Hɛnkilimaya-Kumɛnu 17:4

Karagbɛlɛ si a tole masɔ a karagbɛlɛ-nyɔgɛ kuman-kan la. Foninya-fɔlɛ si a tole masɔ a foninya-fɔ-nyɔgɛ la.

Hɛnkilimaya-Kumɛnu 19:28

Sereya-yogoma-bɔlɛnu si yɛlɛn telenbagayɛ ma. Ko-yogoma-kɛ-sɔgɛ si to karagbɛlɛ birala.

Hɛnkilimaya-Kumɛnu 19:5

Sereya-bɔla-yogomɛ-makolɔn ti to wo nya fu, fɔ a wa tɔrɔyɛ sɔrɔn. Foninya-fɔla-gbɛlɛ-makolɔn ti to wo nya fu, fɔ a wa atɛ sɔrɔn.

Hɛnkilimaya-Kumɛnu 19:9

Sereya-bɔla-yogomɛ ti to wo nya fufafu fɔ a wa tɔrɔyɛ sɔrɔn. Mɔgɔ-wo-mɔgɔ ye foninyɛ fɔla, fɔ a wa kasara tɔrɔyɛ rɔ.

Hɛnkilimaya-Kumɛnu 21:28

Ni foninya-fɔlɛ ya sereyɛ bɔ, a si kasara kɔnɔ telenbagɛta kumɛ si to a gbɛ rɔ.

Hɛnkilimaya-Kumɛnu 24:28

Mɔgɔ kana i ta-nyɔgɛla sereyɛ bɔ, i ma ban min tagbɛla hali ka kumɛ do fɔ ala ko la i ma min tagbɛ.

Hɛnkilimaya-Kumɛnu 25:18

Mɔgɛ wa foninya-sereyɛ bɔ a sigi-nyɔgɛ ye, wo mani de iko mɔgɛ wa gbeleka-kundi bi, ni wo ma, faan, ni wo ma fanan, tanbɛ.

Hɛnkilimaya-Kumɛnu 25:23

Iko fɔnyɔ si bɔ bandɛ la kantɔɛ wara la nya min, nafigi si kɛlɛ-nyɔgɔnyɛ lana wo nya na le.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Saraka-Masɔlɛnuta Tɔnnu 19:11

“Wo kana foninyɛ fɔ. Wo kana kankanyɛ anubɛ kensunyɛ kɛ.

Saraka-Masɔlɛnuta Tɔnnu 19:16

Wo kana belenna wo nyɔgɔn tɔgɔ tinyana foninyɛ kuma. Ni mɔgɛ do ye a niyi kumafunfanna mɔgɔ-banu barɛ, ni mɔgɛ do ya a lɔn ko ala sereya-bɔɛ si a ta-nyɔgɛ wo bɔ le nanparan wo rɔ, a ni ta ala sereyɛ bɔ a ye worɔ. Nde, wota Mari Alla ya kɛ le fɔ wo ye.

Matiyu 19:18

Kei wo ya nyinikalɛ kɛ fanan ko, “Tɔn nyamintan?” Yisa ya a yabi ko, “I kana mɔgɔ faga. I kana yɛlɛnyɛ kɛ. I kana kankanyɛ kɛ. I kana foninya-sereyɛ bɔ.

Luka 19:8

Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”

Luka 3:14

Kɛlɛ-dan donu fanan ya a manyinika ko, “Male don? Male ni nfen ma?” A ya a fɔ wonu ye ko, “Wo kana wodi bɔ mɔgɛnu bolo fɔrɔsɛ la anubɛ foninyɛ la. Wo sarɛ ni wo wasa.”

Yɔni 7:51

“Iko mala tɔn ye nya min, yanni ma ni mɔgɔ yiliki, fɔ ma wa ma tole masɔ ale fanan kuman-kan la alako ma ni a lɔn ni a ara min ma.”

Romu 3:8

Ni tonyɛ le wo la, fɔ ma wa ko-yogomɛ kɛ alako ko-nyimɛ ni bɔ gbɛ rɔ. Minnu bi wo fɔla, a bɛnta, wonu ni yiliki sɔrɔn, ado mɔgɛ donu bi a fɔla ko nde, Pɔli fanan bi kɛ le fɔla serr!

Ɛfɛsa 4:25

Wo kana foninyɛ fɔ tun! Bɛɛ ni tonyɛ fɔ anu nyɔgɔn ye bawo Kirasiti bagbu kelen de ma dama la.

Tɔn-Fɔɛ-Fila-Nyɔgɛ 5:20

“A ko mɔgɔ kana foninya-sereya bɔ.

2 Timoti 3:3

Anu si to karagbɛlɛyɛ ladanna tolon! Anu ti kinikini mɔgɛnu ma. Anu si ma mɔgɔ-tɔgɔ-tinyanɛnu na anubɛ nyɛrɛ-birabɛlɛnu anubɛ mɔgɔ-feremɛnu. Anu si ko-nyimɛ-bɛɛ kɔn.

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,

Lankɛnimayɛ 12:10

Wo kɔma, n ya kuman-kan-ba lamɔɛn Arinyɛni tɔ. A ko, “Allata kisi-koe ara na de! Alla ara ala mansaya-sɛnbɛ mayira kaka! Ala Mɔgɔ-Yabɔnɛ ara ata sarati mayira gbɛ, ado ale min bi sɔla Alla yakɔrɔ ka ma na-kelen-nyɔgɔ dɛnkɛninya-mɔgɛnu maburi su-ni-tele, wo la ara fili ka bɔ Arinyɛni tɔ.