Bɔ-Koe-Iyipiti 22:2 - ALLALA KUMƐ

^2-4 Kankan wo si wo nyɔgɔ labɔ. Ni fenfen sa ale kankan bolo, anu si ale mayira ka a ma kolo-fan wo sɔnkɛ la. Ni a ya min kankan, a ma ko ma wɛ wo la, ni a mara ninki le la, a si wo nyɔgɔn fila lasɛgi. Ni a mara sagɛ le la, a si wo nyɔgɔn fila lasɛgi. Ni a mara sofɛlɛ le la, a si wo nyɔgɔn fila lasɛgi. “Ni mɔgɛ do ya kankan do yen, a ye bɔn kerila suyi rɔ, ni a ya a gbesi a ni faga, anu ti mɔgɛ wo tɔrɔ kankan wo faga-koela ko la. Ni a ya a yen tele le tɔ, ni mɔgɛ wo ya a gbesi, a ni faga, a gbesilɛ wo si yilikiyi sɔrɔn mɔgɔ-faga-koe la.

Bɔ-Koe-Iyipiti 22:2 Iomraidhean Croise

Yobu 24:14

A la wa fin, mɔgɔ-fagalɛ si ta bolo-kolɔnnu faga. A si ta kankanya-kɛ-tinɛ suyi rɔ fanani.

Yobu 24:16

Kankannu si bɔnnu keri suyi rɔ. Kɔnɔ tele rɔ, anu si anu dogon alako wan-takanɛ kana ke anu ma.

Yobu 30:5

Mɔgɛnu si anu gben anu tɛma ka sɔnkɔ anu ma iko kankannu.

Yɛrɛmaya 2:34

Fɛɛbɔnɛ anubɛ bolo-kolɔnnu yele donnɛ wola kurɛnu ma pakasa! Kɔnɔ kankan yele ma wo la de! Hali wo ye kɛ dama mala

Hoseya 7:1

Mari ko, “Wole nta Isirɛla mɔgɛnu nakɛndɛya-sɔgɛ wa n bira tumɛ min ka wo wara-koe lata yarɔ, n si wola karagbɛlɛyɛ le dɔrɔn yen n yɛ la. Wo ye wo nyɔgɔn kensunyala. Wo ye bɔnnu kerila ka kankanyɛ kɛ. Wo ye buila mɔgɛnu ma lu-kole ma ka anu bolo-fannu bi anu bolo.

Yowɛli 2:9

Anu bi tugula soenu kan ma ka yɛlɛ tarɛnu ma. Anu bi yɛlɛla san-bɔnnu na ka don wundannu na iko kankannu.

Matiyu 24:43

Wo ni wo hɛnkili to kɛ ko. Ni bon-tigi ya kankan na-wati lɔn ala bɔn la, a si ki a ya la. A ti sɔn kankan ni ala bɔn tinya ka don.

1 Tɛsalonaika 5:2

bawo wo nyɛrɛ ya a lɔn ko Mari na-tumɛ si na iko surɔ-kankan.

1 Pita 4:15

Kɔnɔ ni wo mara mɔgɔ-fagalɛ la, ni wo ma, kankan, ni wo ma, ko-yogoma-kɛlɛ, ni wo fanan ma, nafigi, anu ba wo tɔrɔ, wo ara wo bɛrɛmɛ sɔrɔn.