Bɔ-Koe-Iyipiti 20:5 - ALLALA KUMƐ

⁵ wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Bɔ-Koe-Iyipiti 20:5 Iomraidhean Croise

2 Samuwɛli 21:1

Mansa Dawudata wati rɔ, kɔnkɔ-fitinɛ donta nyamanɛ wo rɔ. San sawa dɛgɛdɛgɛ, kɔnkɛ ye nyɔ. Mansa Dawuda ya Mari manyinika wola ko la. Mari ya a fɔ a ye ko, “Wo mara bawo Mansa Sɔli anubɛ a kebila-mɔgɛnu bara Kibiyon mɔgɛ donu faga.”

2 Samuwɛli 21:6

Woletɔ wo ni kei mɔgɔ wɔrɔnfila bira, a kegeyɛnu, kɔni, ka wonu don ma bolo. Ma si anu faga ka anu dun kɔlɔma ma Kibiya soe burɔ Mari yala. Mari ya ale Sɔli min yabɔ ka a ma mansɛ la, a sɔrɔn-soe le Kibiya soe wo la.” Mansa Dawuda ko, “N si anu don wo bolo iko wo ara a fɔ nya min.”

1 Mansɛnu 19:10

Nɛbi Ilaya ya a fɔ a ye ko, “Alla Sɛnbɛ-Bɛɛ-Tigi, n bi ile le kelen pe batola tuma-wo-tuma. Kɔnɔ sarama-kan min bi wobɛ Isirɛla mɔgɛnu tɛma, anu bara anutɛ wo tinya. Anu bara ila saraka-mintan-tinɛnu tinya ka ita nɛbinu faga. Nde kelen pe le ye nɛbiyɛ la gbɛ! A sɔgɛ ye anu na, anu ni nde fanan faga.”

1 Mansɛnu 21:29

“I wara a yen Mansa Ehabu ye a famayigila n ye nya min? Ka a tɛgɛ ala famayigi wo ma, n ti kasarɛ wo lana anubɛ ala denbayɛnu kuma a siyi-tele-bɛɛ kɔrɔ. Fɔ ala danta wati rɔ, n ni na to kasarɛ lanala anu kuma.”

2 Mansɛnu 17:35

Mari anubɛ Isirɛla mɔgɛnu sarata min ma nun, a ko, “Wo kana bɛsi-wo-bɛsi bato. Wo kana wo nyɛnkin anu kɔrɔ ka anu kɔ. Hali ka sarakɛnu bɔ wonu ye, wo kana a ma.

2 Mansɛnu 17:41

Woletɔ mɔgɛ kɛnu bi Mari batola kɔnɔ hali wo, anu bi anuna bɛsɛnu kɔla fanan. Ha bi, anu kegeyɛnu bi wonu kun na.

2 Mansɛnu 23:26

Kɔnɔ hali wo, Mansa Manasa ya koe minnu tinya, wo ya a ma, Mari fonde bɔra Yuda kɛnu kuma, ado ha kaka, a fonde ma kima wɛ.

2 Mansɛnu 5:18

Siriyanuna bɛsɛ min tɔgɛ Rimɔn, ni n bilara nna mansɛ fɛ ka ta wo kɔ tinɛ, alamɛ Mari ya n makoto.”

2 Mansɛnu 5:27

Nba, ka a tɛgɛ i sɔn kɛ ma, kirayɛ min bi Neyaman ma nun, wo si bɔ ile ma. Kirayɛ wo si to bɔla i kegeyɛnu ma burubukai!” Kɛhasi bɔnɛ a dafɛ nyɔ, kirayɛ wo wuyara a ma pi! A fɛrɛ gbɛra a ma iko bɛgi-gbɛ.

2 Ko-Kɔrɔta-Karan 25:14

Ale Mansa Hamasa bɔnɛ Idɔm kɛnu kɛlɛ tinɛ, a ya nɔ-ko sɔrɔn minnu ma, a nara Idɔm kɛ wonuna bɛsɛnu na a bolo. A ya wonu sigi ka to wonu kɔla ka isɛntinu mintan wonu ye.

2 Ko-Kɔrɔta-Karan 7:19

“Kɔnɔ ni wolebɛ ila mɔgɛnu ya nna tɔnnu tinya n bara min di wo ma nun ka a tɛgɛ bɛsi-kɔɛ ma,

Yobu 21:19

Wole ko Alla si dan tɔrɔ ka a tɛgɛ a fala ko-yogomɛ ma. Ade! Fɔ Alla wa ko-yogoma-kɛlɛ nyɛrɛ le tɔrɔ ala ko-yogoma-kɛla ko la.

Yobu 5:4

Ala dannu ti lafɛrɛ sɔrɔn. Mɔgɔ-wo-mɔgɔ ti sɔ anu fɛ kiti rɔ.

Yaburi 109:14

A benbanu ya ko-yogomɛ min bɛɛsi ma, alamɛ Mari fonde tora wonu ko. Alamɛ Mari kana a na hakɛ makoto.

Yaburi 78:58

Anu ya Alla-lɔnbɛlɛnuna bɛsi-kɔ-tinɛnu ma anuna batoli-kɛ-tinɛnu na min kɛ, Mari kɔrɔtɔra anu ma kan-tina-mayɛlɛnɛ wonuna ko la. Anu ya a ma, a diminyara bɛsɛ wonuna ko la.

Yaburi 79:8

I kana ma bira ma benbanu hakɛ yili la. Kinikini ma ma ka! Ma yigi ara tɛgɛ gbati!

Yaburi 81:15

Nde, Mari gbo minnu ye, wonu kun ma si kɔ n yarɔ kilan bolo, ado dan sa anuna tɔrɔyɛ la.

Bɔ-Koe-Iyipiti 23:24

Wo kana mɔgɛ wonuna bɛsɛnu kɔ. Wo kana wɔlɛ kɛ anuna bɛsɛnu ye. Wo kana sibole wonu kɛ-nya bi, fɔ anu bi anuna kuri minnu kɔla, wo ni anuna bɛsɛ wonu halaki pɔɔ, ka wonu takerikeri.

Bɔ-Koe-Iyipiti 34:14

Wo kana alla-dogbɛrɛ kɔ bawo wota Mari Alla le nde la min si wo makeliya. N ti sɔn n senɛ ma.

Hɛnkilimaya-Kumɛnu 8:36

Kɔnɔ mɔgɛ min sa sɔnna n nyinina, wo ara a nyɛrɛ tanban, ado a ara sayɛ keni.”

Aiseya 44:15

Kɔlɔma wo do si ma sɔgɛ la. A kundu kelan, a si wo ma a gbala-fan la, a kundi doi, a si wo ma biredi-mintan-fan la. A toe si ma bɛsɛ wo la a si to min kɔla.

Aiseya 44:19

Kun-takolɔn wo min ya bɛsɛ ladan, wo ti a fɔ ko, “N bara n gbala do la ka biredi mintan do la ka soge mintan do la. N ya a kɔlɔma-toe ma kisimiriya-fan la. N bi n nyɛnkinna kɔlɔma le dɔrɔn ye.”

Yɛrɛmaya 2:9

Mari ko min bi a tola, a ye wole kan ma, a si wo fɔ wo ye. Min bi a tola, a ye wola dannubɛ wo mamanɛnu kan ma, a si wo fanan fɔ wo ye.

Yɛrɛmaya 32:18

I wara ita hinɛ yira mɔgɔ waga yirika la kɔnɔ hali wo, i ye dannu tɔrɔla ka a tɛgɛ anu sɔrɔnnɛnuna hakɛ ma. Alla-makawanɛ le ile la. I tɔgɛ le Mari Sɛnbɛ-Bɛɛ-Tigi.

Isikiyɛli 18:19

“Wo kɛnɛna a fɔla ko, ‘Nfenna ko la, dan kɛ sa tɔrɔla a fala hakɛnuna ko la?’ Wo yabilɛ le ko, ‘Dan wo ya ko-telennɛ anubɛ ko-nyimɛ le ma. A ya nna tɔn bira a kilɛ fɛ, ado fɔ a wa to a niyi la le, yɔ!’

Isikiyɛli 18:2

“Mɔgɛnu bi belenna hɛnkilimaya-kumɛ fɔla Isirɛla kan-tinɛ bɛɛ rɔ ko, ‘Ni fa ya kɔn-gbɔ-magbɛngbɛnɛ do dɔn, ala dan ni a yakɔrɛ matɔrɔmɔnya wola ko la.’ Nfenna ko la, mɔgɛnu bi belenna kɛ fɔla?

Isikiyɛli 20:7

N ya a fɔ anu ye ko anu ni anuna kisimiriya-bɛsɛnu nakɛ a rɔ. N ya a fɔ anu ye fanan ko anu kana anu nyɛrɛ latinya Iyipiti bɛsi-fuyinu kɔ-koe la bawo anuta Mari Alla le nde la.

Isikiyɛli 39:25

N Tigi Mari ya a fɔ n ye ko, “Kaka, n si kinikini Yakoba kegeyɛnu ma, Isirɛla mɔgɛnu, kɔni. N si a ma, anu ni sabati tun. Wo si a ma, n tɔgɔ-sɛninyanɛ ni to.

Isikiyɛli 8:3

A ya fan do lana n bara la min manɛ iko bole. Wo ya n bira n kun-sigi ma. Nna ko-rayirɛ kɛ rɔ, Allata Sɛnbɛ ya n nayɛlɛ san ma ka ta n na Bato-Bɔn mafɛlɛn-tinɛ Yerusalɛm soe burɔ. A ya n nadon Bato-Bon-kata kantɛ-don-dɛ la, bɛsɛ sɔnɛ kan min, ado wo wara-koe gbo Alla ye.

Daniyɛli 1:2

Ma tigi Alla le sɔnta Yuda Mansa Yahoyakim anubɛ ala kɛlɛ-dannu bira-koe ma anubɛ Alla Bato-Bɔn fen-kolomɛ donu bi-koe ma. Mansa Nɛbukanasa tara fen-kolomɛ wonu namara ata bɛsi-kɔ-bɔn la Babilɔn nyamanɛ rɔ.

Daniyɛli 3:18

Min tenbira wo la, hali a ma ma latanka wo ma, ma ye a rɔ le mansɛ ni a lɔn ko male ti ila bɛsɛ kɛ matɔgɔ ka ma madu ila bɛsi-toenu kɔrɔ.”

Saraka-Masɔlɛnuta Tɔnnu 20:5

Mari si a kan-kɔ sɔ wo ko-yogoma-kɛlɛ anubɛ ala denbayɛnu na anubɛ a fɛ-sɔlɛnu. Min ya a to, a ye kɛnu fagala bawo wo mani de iko anu bara anu kan-kɔ sɔ Mari la ka anuna dannu ma sarakɛnu na Molɛki ye. Allata ma mɔgɔ sufa wonu na tun.

Saraka-Masɔlɛnuta Tɔnnu 26:1

Mari ya a fɔ Musa ye ko, “Wo kana kuri malɛsɛ ka a kɔ bawo nde nyɛrɛ-nyɛrɛ le wota Mari Alla la.

Saraka-Masɔlɛnuta Tɔnnu 26:29

Kɔnkɛ si wara wo kuma ha wo si wola dannu dɔn.

Nehami 1:2

Mari Alla ti sɔn a senɛ ma. Minnu bi a rasɛla, a si wonu tɔrɔ. A fonde bɔnɛ si a tayili sara.

Yilan-Yilan Koe 14:18

i ti diminya yona, ko i si ita habadan-keninteyɛ yira mɔgɛnu na anubɛ ita lanayɛ. I si mɔgɛnu makoto minnu bi hakɛ kɛla anubɛ minnu bi murutiyala i ma. Kɔnɔ ile ya a fɔ nun fanan ko i si hakɛ-tiginu sara iko anuna hakɛ ye nya min. Ni mɔgɛ ya hakɛ kɛ, ata hakɛ yakɔrɔ-mamɔɛ wo si sigi ala dannu kuma ha ka ta a sigi a tolo-birɛnu anubɛ a tolo-bira-sɔɛnu na.

Yilan-Yilan Koe 14:33

Wola dannu si yilan-yilan wo fɛ wulɛ rɔ san bi-nani kɔrɔ. Anu si tɔrɔyɛ sɔrɔn wola dɛnkɛninyabɛlitayɛla ko la ha kina wo dama ni faga.

Yilan-Yilan Koe 25:11

“Kamasɔrɔn Finihasi ara min ma, nna diminyɛ ara bɔ Isirɛla mɔgɛnu kuma. Finihasi ara nta keliyɛ kɛ n ye bawo a ma sɔn anu ni bɛsɛnu kɔ fɔ nde, Mari kelen pe! Woletɔ n ma Isirɛla mɔgɛ bɛɛsi faga nna diminyɛ la.

Matiyu 4:9

Setanɛ ya a fɔ a ye ko, “Ni i ya i nyɛnkin n kɔrɔ ka n bato, n si kɛ bɛɛ di i ma.”

Yɔni 15:18

“Ni wo gboyara dɛnkɛninyabɛlɛnu ye, wo ni wo yili to kɛ ko, nde le fɔlɔn gboyara anu ye.

Yɔni 7:7

A ma bɛn, wo ni gboya duninya ye kɔnɔ nde le gboyanɛ anu ye bawo tuma-wo-tuma n bi anu sɔn fɔla anu ye.

Yɔni 9:2

Ala karan-dannu ya a manyinika ko, “Karan-mɔgɔ, yon hakɛ ya a ma, kei kɛ sɔrɔnta fiyonyɛ rɔ, a nyɛrɛta hakɛ, ka, a sɔrɔnbagɛnu?”

Romu 1:30

ka kuma-yogomɛ fɔ anu nyɔgɔn ma. Alla wara-koe gboyanɛ anu ye, ado tagasibɛlɛ le anu na anubɛ mɔgɔ-wasinɛnu anubɛ nyɛrɛ-matɔgɔlɛnu. Anu bi ko-yogoma-kurɛ rabɛnna tuma-wo-tuma. Anu ti anu sɔrɔnnɛnuna kumɛ bira muk!

Romu 8:7

Mɔgɛ min niyi sanɛ hadama-dan diyana-koenu kuma, wo tigi ara ma Alla yoge la bawo a sa Allata tɔn birala, ado a ti ke a birala mumɛ!

1 Kɔrɛnti 10:22

Ka, a di ma ye, keliyɛ ni don Mari rɔ, wa? Ma miriya ko ma sɛnbɛ kolo atɛ ko woletɔ a ti ma tɔrɔ, wa?

Tɔn-Fɔɛ-Fila-Nyɔgɛ 32:21

Wo ara a ma, Mari fonde ara bɔ wola bɛsi-kɔ-koenu tɔ. Wo ara a ma, Mari ye wo makeliyala bawo wo ye bɛsɛnu kelela ko alla, ado Alla ma wonu na hali! Wo ye yɛlɛnna sibole minnu ma, Mari si wonu bi ka anu ma wole lamɔniya-fan la. Wo tɛgɛnɛ mɔgɛ minnu tɔ, wonuna keliyɛ si wuli wo fanannu na.

Tɔn-Fɔɛ-Fila-Nyɔgɛ 32:41

Mari ko a si ata faan dɛ lasa alako telenbagayɛ ni to wole anubɛ wo yogenu tɛma. A si wo tayili sara wo yogenu na ka a yogenu tɔrɔ ale ma di minnu ye.

Tɔn-Fɔɛ-Fila-Nyɔgɛ 4:24

bawo wota Mari Alla mani de iko ta-wɔnkɔrɔmɛ. A sa nyinina a ma ko fenfen ni a senaya.

Tɔn-Fɔɛ-Fila-Nyɔgɛ 5:10

Kɔnɔ a ko ni min ya a keni ka ata tɔnnu bira, hali wonu bɔnsɔn matiyinu, a si ata keninteyɛ yira wonu na.

Tɔn-Fɔɛ-Fila-Nyɔgɛ 5:9

wo si wo nyɛnkin min kɔrɔ ka a bato. Ale le wota Mari Alla la min sa nyinina a senɛ ma. Ni Mari sɔgɔ labɔra bɛsi-kɔlɛ minnu na, a ko a si wonu tɔrɔya, hali anuna dannu anubɛ anu mamanɛnu ha ka ta a sigi anu tolo-birɛnu na anubɛ anu tolo-bira-sɔɛnu. A ko minnu si anu ban a la, a si wonu tɔrɔ.

Tɔn-Fɔɛ-Fila-Nyɔgɛ 6:15

Ni wo ya bɛsi-gbɛrɛkɛnu kɔ Mari kɔma, a si ata diminyɛ layigi wo kuma ka wo halaki pɔɔ! Wota Mari Alla min bi wo fɛ, a sa nyinina a senɛ ma.

Tɔn-Fɔɛ-Fila-Nyɔgɛ 7:10

Mari ti foo wo mɔgɛnu na minnu ma la ale la ka anu ban a la.

Yemesi 4:4

Wole lanayabɛlɛnu, ka a fɔ ko ni duninya kɛ diyara mɔgɔ-wo-mɔgɔ ye, Alla yoge le wo tigi la, wo ma wo lɔn, wa? N ni a fɔ tun, mɔgɛ min bi mala duninya kɛ diyana-mɔgɛ la, wo si a nyɛrɛ ma Alla yoge la.

Yasowa 23:16

Ni wo ya bɛsɛnu kɔ, Marita diminya-wɛ si wo tɔrɔ, ado a si wo bɔ nyamani-hakikɛ kɛ rɔ.”

Yasowa 23:7

Wo kana bila mɔgɛ wonu fɛ minnu bi wola nyamanɛ rɔ. Wo kana anuna bɛsɛnu tɔgɛ rakele. Wo kana lanyiri kiri hali ka wo gboro anuna bɛsɛnu tɔ. Wo kana wo nyɛnkin bɛsɛ wonu kɔrɔ ka anu kɔ.

Yasowa 24:19

Yasowa ya a fɔ Isirɛla mɔgɛnu ye ko, “Wo ti ke Mari Alla batola bawo a sɛnima, ado a ti sɔn a senɛ ma wo bolo. Ni wo bilara a la, a ti wo hakɛnu makoto.

Kɛlɛ-Kurugbɛnu 2:19

Kɔnɔ ni kɛlɛ-kurugbɛ wo fagara tumɛ min, anu si sɛgi anu gba-kɔrɛ rɔ tun. Anu si yogoya ka tenbi a fɔlɔtɛ la ka don bɛsi-kɔ-koe rɔ, ado, anu ti sɔn anu sɔn-yogomɛ wonu bolokala.