Bɔ-Koe-Iyipiti 20:3 - ALLALA KUMƐ

³ Woletɔ wo kana fen-gbɛrɛkɛ bato nde, Alla kɔma muk!

Bɔ-Koe-Iyipiti 20:3 Iomraidhean Croise

1 Mansɛnu 11:4

San-siyaman tenbinɛ, musi wonu ya Mansa Silamɛni yisi tintan anuna bɛsɛnu bara la. A ma a telen ata Mari Alla ye iko a fa Mansa Dawuda duruta a mala nya min nun.

Yaburi 29:2

Wo ni a tɔgɔ gbiliya iko a bɛnta, a ni gbiliya nya min. Ale wa na, wo ni wo madu a kɔrɔ ka a bato.

Yaburi 73:25

Fenfen sa nde bolo Arinyɛni tɔ ile kɔma n dɛnbɛn-koe rɔ. N bi nyinina nfen ma duninya kɛ rɔ ile Alla kɔma?

Yaburi 81:10

Wota Mari Alla le nde la min nara wo la ka bɔ Iyipiti nyamanɛ rɔ. Wo ni wo dɛnu naka wɛ kɛ. N si wo de-nyini.

Yaburi 81:9

Wo kana bɛsi-wo-bɛsi kɔ nde, Alla kɔma. Mɔgɔ-gbɛrɛnuta bɛsɛ, wo kana wo madu wonu kɔrɔ.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Bɔ-Koe-Iyipiti 20:23

Anu kana wodi-gbɛ anubɛ sɛnɛ ladan bɛsɛnu na ka mabɛ wonu kɔ.

Bɔ-Koe-Iyipiti 22:19

“Ni min ya a sa kolo-fan, ni wo ma, soge do fɛ, wo ni wo tigi faga yati!

Bɔ-Koe-Iyipiti 23:24

Wo kana mɔgɛ wonuna bɛsɛnu kɔ. Wo kana wɔlɛ kɛ anuna bɛsɛnu ye. Wo kana sibole wonu kɛ-nya bi, fɔ anu bi anuna kuri minnu kɔla, wo ni anuna bɛsɛ wonu halaki pɔɔ, ka wonu takerikeri.

Bɔ-Koe-Iyipiti 32:8

N bara kilɛ min yira anu na, anu bara bɔ wo fɛ tiriya! Anu bara ninki-danla muninyɛ ladan ka a kɔ ka sarakɛnu bɔ a ye. Anu bi a fɔla ko anuta bɛsɛ le wo la min nara anu na ka bɔ Iyipiti nyamanɛ rɔ.”

Bɔ-Koe-Iyipiti 34:14

Wo kana alla-dogbɛrɛ kɔ bawo wota Mari Alla le nde la min si wo makeliya. N ti sɔn n senɛ ma.

Aiseya 26:4

La Mari la tolon! A si to ma lakananna burubukai!

Aiseya 42:8

A ko ale le dɔrɔn bi mata Mari Allayɛ la. A ti sɔn dogbɛrɛ ni ata gbiliyɛ sɔrɔn, ado a ti sɔn bɛsɛnu ni ata matɔgɛ do sɔrɔn.

Aiseya 43:10

Alla ko a sere le male Isirɛla mɔgɛnu na. A ko a ya ma yabɔ ka ma ma ata wɔli-kɛlɛnu na. Woletɔ ma si a lɔn ka la a la. Wo si a lɔn wo rɔ ko ale le kelen pe le Alla la. Alla-gbɛrɛ fenfen sa ale kɔma. Dogbɛrɛ sa nyɔ nun, ado dogbɛrɛ sa nala mala a la.

Aiseya 44:8

A ko ma kana kilan! Ma kana hɔn! Min bi nala mala ma la, a ye wonu fɔla ma ye tolon! A sere le male la kɛnuna ko la. Alla-gbɛrɛ ye nyɔ, wa? Alla-makawani-gbɛrɛ do ye nyɔ, a ma min wara-koe lamɔɛn bɛ?

Aiseya 46:9

Mari ko koe minnu bara tenbi nun kɔrɔma la, wo ni wo hɛnkili lamiri wonu ma de! Wo ni a lɔn yati, ko ale le kelen pe ye Allayɛ la. A nyɔgɔn-takɛn sa de!

Yɛrɛmaya 25:6

Nɛbi wonu ya a fɔ wo ye ko Alla ma minnu na, wo kana wonu kɔ. Anu bi a fɔla fanan tun ko wo kana Alla ladiminya wola bɛsi-kɔ-koe fɛ wo ya minnu nadan wo bole la. Ni wo ya Mari sako kɛ nun, a ti wo tɔrɔ nun.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Yɛrɛmaya 7:9

Ha bi, wo ye kankanyɛ kɛla. Ha bi, wo ye mɔgɔ-fagɛ kun na. Ha bi, wo bole ye yɛlɛnyɛ rɔ. Ha bi, wo ye tɔgɛ sala mɔgɛnu na. Ha bi, wo ye bɛsi Beyali kɔla. Ha bi, wo nɔrɔnɛ sibolo-gbɛrɛnuna bɛsi-kɔ-koenu ma.

Daniyɛli 3:18

Min tenbira wo la, hali a ma ma latanka wo ma, ma ye a rɔ le mansɛ ni a lɔn ko male ti ila bɛsɛ kɛ matɔgɔ ka ma madu ila bɛsi-toenu kɔrɔ.”

Hoseya 13:4

Mari ya a fɔ Isirɛla mɔgɛnu ye ko, “Wota Mari Alla le nde la min nara wo la ka bɔ Iyipiti nyamanɛ rɔ. Alla-gbɛrɛkɛ fenfen sa wo bolo nde kɔma, ado wola kisilɛ le nde kelan la.

Matiyu 4:10

Yisa ya a yabi ko, “Setanɛ, bɔ n fɛ! A sɛbɛnɛ Allatalata kitabu rɔ ko, ‘I ni ita Mari Alla kelen pe le bato ka ata wɔlɛ kɛ!’ ”

1 Kɔrɛnti 8:4

Woletɔ bɛsɛnu si kɔ soge minnu na, n si min fɔ wonuna ko la, wo le kɛ la. Ma ya a lɔn ko bɛsɛ, fen de wo la niyi sa min tɔ. Ma ya a lɔn fanan ko Alla kelen de!

1 Kɔrɛnti 8:6

Kɔnɔ Alla kelen de male bolo, ma Fa Alla min ya fan bɛɛ dan, kɔni. Male ye ale le bolo, ado Mari kelen pe le ma bolo fanan, Yisa Kirasiti, kɔni. Fan bɛɛ danta wo le baraka rɔ, ado male fanan ye wo le baraka rɔ.

Ɛfɛsa 5:5

Wo ni a lɔn serr, ko yɛlannu anubɛ sɔn-yogoma-tiginu anubɛ wasabɛlɛnu ti fenfen sɔrɔn Kirasiti anubɛ Allata mansayɛ rɔ. (Wasabɛlɛnu sa Alla batola fɔ anu bi nyinina minnu ma.)

Tɔn-Fɔɛ-Fila-Nyɔgɛ 5:7

“A ko wo kana fen-gbɛrɛkɛ bato ale kɔma muk!

Tɔn-Fɔɛ-Fila-Nyɔgɛ 6:14

Wo kana bɛsi-wo-bɛsi kɔ minnu bi wo sigi-nyɔgɛnu bolo wola foolɛ rɔ.

Tɔn-Fɔɛ-Fila-Nyɔgɛ 6:5

Wo ni wota Mari Alla keni wo yisi bɛɛ la anubɛ wo sɔndɔmɛ bɛɛ la anubɛ wo sɛnbɛ bɛɛ la.

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.

Kɔlɔsi 2:18

Wo kana sɔn, mɔgɔ-wo-mɔgɔ ni wo yiliki min bi a nyɛrɛ gbiliyala ko-rayen rɔ ka a famayigi foninyɛ rɔ. Wo kana don melika-bato-koe rɔ. Mɔgɔ sifa wo wasinɛ hadama-danta miriya le la fufafu!

Lankɛnimayɛ 19:10

N ya n sa melika kɔrɔ a bato-koe la kɔnɔ a ya a fɔ n ye ko, “I kana wo ma! Wobɛ i na-kelen-nyɔgɛnu wɔli-kɛ-nyɔgɛ le nde la. Yisa ya tonyɛ min nabɔ gbɛ rɔ, anu bi wo birala. I si Alla le dɔrɔn bato!” A ya wo fɔ bawo Yisa ye tonyɛ min nabɔla gbɛ rɔ, wo le ye nɛbinu sɔla wɔlɔyiyɛ la.

Lankɛnimayɛ 22:9

Kɔnɔ a ya a fɔ n ye ko, “I kana wo ma de! Wobɛ i na-kelen-nyɔgɛ nɛbinu, ma wɔli-kɛ-nyɔgɛnu de ma nyɔgɔn na anubɛ min bɛɛ ye kitabu kɛta kumɛnu birala. I si Alla le dɔrɔn bato!”

Kɛlɛ-Kurugbɛnu 6:10

Wo kɔma, a ya a fɔ wo ye ko wota Mari Alla le ale la. A ko wo kana kilan Amoranuna bɛsɛnu na wo siginɛ kan min kaka. Kɔnɔ Mari ko wo sa ata kumɛnu birala.”