Bɔ-Koe-Iyipiti 20:2 - ALLALA KUMƐ

² “Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Bɔ-Koe-Iyipiti 20:2 Iomraidhean Croise

1 Mansɛnu 18:39

Mɔgɛ wonu ya wo rayen min kɛ, anu ya anu nyɛrɛ gbesi dugu la. Anu bi a fɔla ko, “Mari kelen pe le Alla la. Mari kelen pe le Alla la.”

2 Mansɛnu 17:12

Anu ya Marila tɔnnu tinya ka bɛsɛnu kɔ.

2 Mansɛnu 17:7

Samariya soe kasarata bawo Isirɛla mɔgɛnu ya hakɛ kɛ anuta Mari Alla la min ya anu nabɔ yɔɔnyɛ rɔ nun Iyipiti mansɛ bolo. Alla ara Kenan kɛ minnu gben anu yarɔ nun, anu tora wonuna bɛsɛnu kɔla. Anu ya anu sanka wonu ma ka wonu sɔn bi, ado Isirɛla mansɛnu fanan tora sɔn wo le la anu bolo.

2 Ko-Kɔrɔta-Karan 28:5

Bawo ale Mansa Ehasi ara hakɛ kɛ Mari la, woletɔ ata Mari Alla ya a ma, Siriya mansɛ ya a nɔ ka ta ala nyamanita-mɔgɔ-siyaman na biralɛ rɔ Damasika soe burɔ. Wo kɔma fanan, Mari ya a ma, Rɛmalayala den Mansa Peka ya ale Mansa Ehasi nɔ. A ya kɛlɛ-kurugba mɔgɔ waga kɛmɛ ani mɔgɔ waga mogan (120,000) faga Yuda nyamanɛ rɔ tele kelen kɔrɔ. Anu benbanuta Mari Alla sɔnta wo ma bawo Yuda mɔgɛnu bara anu ban ale la.

Yaburi 50:7

Alla ya a fɔ ala mɔgɛnu ye ko, “Wole nta mɔgɛnu, wo ni wo tole masɔ n na. Kumɛ ye n bolo wole Isirɛla mɔgɛnu kan ma. Alla le nde la, wota Alla, kɔni.

Yaburi 81:10

Wota Mari Alla le nde la min nara wo la ka bɔ Iyipiti nyamanɛ rɔ. Wo ni wo dɛnu naka wɛ kɛ. N si wo de-nyini.

Yaburi 81:11

“Kɔnɔ wole, nta mɔgɛnu ma wo tole masɔ n na. Wo ma nta kumɛ bira mumɛ!

Yaburi 81:7

Wo ye kɔndɔfili rɔ tumɛ min, wo ya n takele. N ya wo lakisi.” Alla ko, “N dogonnɛ ya a labira banda-fin-gbɛ rɔ. N ya wo kɔrɔbɔ wulɔn kan tinɛ do rɔ anu bi min kelela Sɔnkɔ-Sɔnkɔ tenke.”

Bɔ-Koe-Iyipiti 13:14

“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ.

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 15:13

I ya male min kunka, i si ta ma yarɔ ita keninteya-banbɛlɛ la ka sɔ ma yarɔ ita sɛnbɛ la ha ma si ke nyamanɛ wo rɔ i ye i mayigila kan min.

Bɔ-Koe-Iyipiti 15:16

Kilan si wara anu tɔ. Anu ta si faga kuluba! Anu bi ita sɛnbɛ yenna min kɛ, anu si to anu gbɛ rɔ iko kuru-kundi ha ma ni ban tenbila, i wara male minnu kunka yɔɔnyɛ rɔ kɛ la, kɔni.

Bɔ-Koe-Iyipiti 15:26

Mari ko, “Wo ni wo tole masɔ n kuman-kan la a kin na! Koe minnu telennɛ nde, Mari Alla yala, wo ni wonu ma ka nta tɔn bɛɛ bira. Ni wo ya wo ma, n ya kirayɛ minnu sigi Iyipiti kɛnu ma nun, n ti wo fenfen sigi wole ma bawo nde, Mari le wo rakɛndɛyalɛ la.”

Bɔ-Koe-Iyipiti 20:1

Alla ya a fɔ Musa ye ko a ni a latenbi Isirɛla mɔgɛnu ma ko,

Bɔ-Koe-Iyipiti 29:46

Wo si a lɔn ko nde le wota Mari Alla la min ya wo labɔ Iyipiti nyamanɛ rɔ. Wo si a ma, n ni sigi wo tɛma. Nde le wota Mari Alla la.

Bɔ-Koe-Iyipiti 6:6

“Woletɔ a fɔ Isirɛla mɔgɛnu ye ko nde le anuta Mari la min si anu bɔ Iyipiti kɛnuna wɔlɛ kɔrɔ. N si anu bɔ yɔɔnyɛ rɔ ka anu kunka nta sɛnbɛ-makawanɛ la. N si Iyipiti mɔgɛnu tɔrɔ bɛrɛkɛ!

Aiseya 43:3

A ye wo nya na le yɔ, bawo mata Mari Alla le ale la. Wo le, Isirɛlata Mari-sɛnimɛ le ye ma kisila. A ko a ya Iyipiti kɛnu ma ma kunkɛ la. Sudan nyamanɛ anubɛ Seba kɛnu fanan mara ma kunkɛ la.

Yɛrɛmaya 16:14

Wo wati ye nala, wo si wo keli ale Mari tɔgɔ rɔ tun. Kɔnɔ wo ti a kele tun ko, “Alla min ya ma bɔ Iyipiti nyamanɛ rɔ.”

Yɛrɛmaya 2:6

Hali a ya anu kunyɛ bɔ gbaran rɔ Iyipiti nyamanɛ rɔ ka wulɛ ratɛgɛ kasan, wo benbanu ma ale Mari tɔgɛ rakele mumɛ! A bɔra anu na kuru-gbɔgɔsa-gbagasa-nyamanɛ rɔ min tagbalanɛ todo! A bɔra anu na setani-nyamanɛ rɔ min tapinpinɛ. A tenbira anu na kan do mɔgɔ ti tagama kan min, ado mɔgɔ ti sigi nyɔ. Kɔnɔ wo bɛɛ rɔ, anu ma ale Mari tɔgɔ rakele muk!

Yɛrɛmaya 31:1

Mari ko wati ye nala, ale si ma wole, Isirɛla bɔnsɔn bɛɛta Alla la. Wo si ma ata mɔgɛnu na.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 34:13

wole, ala mɔgɛnu ye ko a ya wo benbanu bɔ yɔɔnyɛ rɔ Iyipiti tumɛ min, a ya sarama-kan kiri anubɛ wo benbanu tɛma. A ko

Isikiyɛli 20:19

N ya a fɔ anu ye nun ko anuta Mari Alla le nde la. Anu ni nna tɔnnu bira.

Isikiyɛli 20:5

Nta kumɛnu fɔ anu ye. N ya Isirɛla mɔgɛnu yabɔ n nyɛrɛ ye tumɛ min, n ya anu yili-madiya koe donu tɔ. N ya n nyɛrɛ wara-koe lagbɛ anu ye Iyipiti nyamanɛ rɔ ka a fɔ anu ye ko anuta Mari Alla le nde la.

Isikiyɛli 20:7

N ya a fɔ anu ye ko anu ni anuna kisimiriya-bɛsɛnu nakɛ a rɔ. N ya a fɔ anu ye fanan ko anu kana anu nyɛrɛ latinya Iyipiti bɛsi-fuyinu kɔ-koe la bawo anuta Mari Alla le nde la.

Hoseya 12:10

“N kumara nɛbinu ye nun ka ko-rayirɛ kɛ anu ye. N ya wole nta mɔgɛnu makawandili-kumɛnu don nɛbinu kara tɔ.

Hoseya 13:4

Mari ya a fɔ Isirɛla mɔgɛnu ye ko, “Wota Mari Alla le nde la min nara wo la ka bɔ Iyipiti nyamanɛ rɔ. Alla-gbɛrɛkɛ fenfen sa wo bolo nde kɔma, ado wola kisilɛ le nde kelan la.

Saraka-Masɔlɛnuta Tɔnnu 11:45

N ya wo labɔ Iyipiti nyamanɛ rɔ alako n ni ma wota Alla la. Wo ni ma mɔgɔ-sɛnimɛnu na iko nde, Mari.’

Saraka-Masɔlɛnuta Tɔnnu 25:38

Nde, Mari Allata tɔn le kɛ la min siginɛ wo kuma bawo nde le ya wo labɔ Iyipiti nyamanɛ rɔ ka Kenan nyamanɛ di wo ma alako n ni ma wota Alla la.

Saraka-Masɔlɛnuta Tɔnnu 25:55

N bi a fɔla wo ye, Isirɛla mɔgɔ ti ma yɔɔn la mumɛ bawo nde, Mari le nara wo la ka bɔ Iyipiti nyamanɛ rɔ ka wo ma nta yɔɔnnu na. Wo tigi Mari Alla le nde la.”

Saraka-Masɔlɛnuta Tɔnnu 26:1

Mari ya a fɔ Musa ye ko, “Wo kana kuri malɛsɛ ka a kɔ bawo nde nyɛrɛ-nyɛrɛ le wota Mari Alla la.

Saraka-Masɔlɛnuta Tɔnnu 26:13

N nara wo la ka bɔ Iyipiti alako wo kana ma yɔɔnnu na tun. N bara wo kunyɛ bɔ gbaran rɔ ka wo hɔrɔya. Wo ye tagamana iko dunu-gbilimɛ wa bɔ mɔgɛ min kuma.”

Romu 10:12

a Yahudiya wo, a sibolo-gbɛrɛ wo. Ma damasi kelen. Alla kelen pe le Mari la mɔgɛ bɛɛ ye. Minnu ba Mari rakele, a si ata duwɛ layigi wonu kuma foninsereyɛ rɔ.

Romu 3:29

Alla ye Yahudiyanu denu dɔrɔnna ko la, wa? Sibolo-gbɛrɛnu fananta Alla ma ale la? Wonutɛ le ale fanan na.

Tɔn-Fɔɛ-Fila-Nyɔgɛ 13:10

Wo ni a mabon kuri la bawo ale le ye kɛwuyɛ ladan-koe rɔ ka wo bɔ wo Mari Allata kilɛ fɛ min ya wole labɔ yɔɔnyɛ rɔ Iyipiti.

Tɔn-Fɔɛ-Fila-Nyɔgɛ 20:1

Musa ya Mari kuman-kan latenbi ko, “Wo wa ta wo yogenu kɛlɛ tinɛ, ni wo ya a yen ko anuna soeenu anubɛ anuna kirindinu siya wotɛnu ko, hali anuna kɛlɛ-dannu siya wotɛnu ko, wo kana kilan anu na. Wota Mari Alla min ya wo kisi ka wo labɔ Iyipiti, wo si to wo fɛ.

Tɔn-Fɔɛ-Fila-Nyɔgɛ 5:6

ale le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 7:8

Mari ya wo kunka ka wo bɔ yɔɔnyɛ rɔ Iyipiti mansɛ bolo bawo a ya wo keni, ado a sɔgɛ ye a la, a ya lanyiri min kiri wo benbanu ye, a si wo kanbali.

Kɛlɛ-Kurugbɛnu 2:1

Lunyɛ do, Marita melika bɔra Kiligali soe burɔ ka na soe do rɔ anu bi min kelela Di Kɛ Tinɛ. A ya a fɔ Isirɛla mɔgɛnu ye ko, “N ya wo labɔ Iyipiti nyamanɛ rɔ ka na wo la nyamanɛ kɛ rɔ yan, n ya lanyiri kiri wo benbanu ye minna ko la nun. N ya a fɔ nun ko n ti sarama-kan wo tinya.

Kɛlɛ-Kurugbɛnu 6:10

Wo kɔma, a ya a fɔ wo ye ko wota Mari Alla le ale la. A ko wo kana kilan Amoranuna bɛsɛnu na wo siginɛ kan min kaka. Kɔnɔ Mari ko wo sa ata kumɛnu birala.”