Bɔ-Koe-Iyipiti 20:1 - ALLALA KUMƐ

¹ Alla ya a fɔ Musa ye ko a ni a latenbi Isirɛla mɔgɛnu ma ko,

Bɔ-Koe-Iyipiti 20:1 Iomraidhean Croise

Nihɛmaya 9:13

I bɔra san ma wulɔn Sinayi kɔnkɛ kuma. I kumara ila mɔgɛnu ye nyɔ. I ya tɔnnu di anu ma nyɔ min kin, ado tonyɛ le anu na.

Bɔ-Koe-Iyipiti 19:25

Woletɔ Musa yigira mɔgɛnu wara ka Allala sarakanɛ lake anu ma.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Kɛwɔlɛnu 7:38

Isirɛla mɔgɛ minnu nadɛnta wulɛ rɔ, ale Musa taranta wonu fɛ nun. Melika min kumara a ye Sinayi kɔnkɛ kuma wo, ale Musa ya kumɛ wo latenbi ma benbanu ma. Allala kumɛ min si niyi di mɔgɛ ma, ale Musa ya wo sɔrɔn nyɔ ka wonu natenbi ma ma.

Kɛwɔlɛnu 7:53

Wole le ya Allala tɔn sɔrɔn melikanu bolo. Kɔnɔ hali wo, wo ma sɔn a birala!”

Tɔn-Fɔɛ-Fila-Nyɔgɛ 10:4

Wo tumɛ wo ladɛnnɛ Sinayi kɔnkɛ kɔrɔ, Mari kumara wo ye kɔnkɛ wo kuma ta-mɛlan rɔ ka Tɔn-Tan di wo ma. Mari ya Tɔn-Tan min di wo ma ta-mɛlan rɔ, wonu denu sɛbɛnɛ kuru-walan fɔlɔtɛ ma. A ya wo le sɛbɛ a tolatɛ fanan ma. Mari ya kuru-walan wonu don n bolo.

Tɔn-Fɔɛ-Fila-Nyɔgɛ 4:33

Ha bi, wo ara a lamɔɛn Mari ara kuma mɔgɛ donu na ta-mɛlan rɔ wa, anu kɛndɛ ni to?

Tɔn-Fɔɛ-Fila-Nyɔgɛ 4:36

A ya a ma, wo ya a kuman-kan lamɔɛn san-kole rɔ alako a si wo karan. A ya a ma, wo ya ata ta-sɛnimɛ yen. A kumara wo rɔ wo ye.

Tɔn-Fɔɛ-Fila-Nyɔgɛ 5:22

“Tɔn le kɛnu na Mari ya minnu di wo ma wo tumɛ wo ladɛnnɛ Sinayi kɔnkɛ kɔrɔ. Mari ya tɔn tan kɛnu denu dɔrɔn di wo ma a kulu-mayɛlɛnɛ la banda-fin-digidigi-wɛ anubɛ ta-mɛlan ta-sisi-fin-bɛ rɔ. Wo kɔma, a ya a sɛbɛ kuru-walan fila ma ka anu don nde, Musa bolo.”

Tɔn-Fɔɛ-Fila-Nyɔgɛ 5:4

Mari kumara wo ye gbɛ rɔ ta-mɛlan rɔ kɔnkɛ kuma nun iko mɔgɛ si kuma a ta-nyɔgɛ ye nya min.

Tɔn-Fɔɛ-Fila-Nyɔgɛ 5:6

ale le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.