Bɔ-Koe-Iyipiti 2:23 - ALLALA KUMƐ

²³ San siyaman tenbinɛ wo kɔma, Iyipiti mansɛ wo fagara. Isirɛla mɔgɛnu gbunyara yɔɔnyɛ kɔrɔ ka anu kan nabɔ Alla ma.

Bɔ-Koe-Iyipiti 2:23 Iomraidhean Croise

Ko-Dabirɛnu 16:11

I si den-kei sɔrɔn. I si a tɔgɔ sa Sumanyila kamasɔrɔn nde, Mari ara ila tɔrɔyɛ di-kɛ-kan namɔɛn. Sumanyila wo kɔrɛ le ko, ‘Alla si ko lamɔɛn.’

Ko-Dabirɛnu 4:10

Wo kɔma, Mari ko, “I wara nfen ma kɛ la? I tole masɔ! I dɔgɛ yele ye dila n dala ka bɔ dugi rɔ a tayili-sara-koe la.

Nihɛmaya 9:9

“Wo kɔma, ma benbanu tɔrɔta nya min Iyipiti, i ya wo yen de! I ya anu kan-nabɔ-kan lamɔɛn Kɔgɔ-Yi-Wulan dafɛ.

Yobu 35:9

Mɔgɛnu ba tɔrɔyɛ sɔrɔn, anu si to gbɛngbɛrɛnna. Anu si di mɔgɔ-gbɛrɛnu dala alako wonu ni anu nakisi fankalamɛnu ma.

Yaburi 102:1

E, Mari, i wɔlɔ matɔlɔ nta madiyali-kan la. N tenbi dila i dala n dɛnbɛn-koe rɔ, i ni wo fanan namɔɛn.

Yaburi 102:2

N ba tɔrɔyɛ sɔrɔn wati min, i kana i kan-kɔ sɔ n na. I wɔlɔ matɔlɔ n na alako n ba i rakele, i ni a labira tiriya!

Yaburi 12:5

Mari ye a fɔla ko a ye nala anu dɛnbɛ tinɛ le gbɛ, bawo a la ara gbɛlɛya bolo-kolɔnnu kuma. Minnu yakɔrɔ-mamɔnɛ, anu bi kurunna dumɛ bolo. Anu bi anu nakanan-fan min nyinina, Mari ko a si wo di anu ma.

Yaburi 18:6

N bi yakɔrɔ-mamɔɛ wo la n bolo tumɛ min, n ya nta Mari Alla rakele alako a ni n dɛnbɛ. A ya n kan wo lamɔɛn ata Bato-Bon-sɛnimɛ la. A ya a wɔlɔ matɔlɔ n di-kɛ-kan la.

Bɔ-Koe-Iyipiti 1:14

Anu ya wɔlɛ lagbɛlɛya anu kuma ka anu tɔrɔ ha ka anu niyi-sɔgɛ labɔ anu na. Anu ya anu sɔ bɔnku-laboro-ko-wɔlɛ la, anubɛ bulɔku-gbesi-ko-wɔlɛ, anubɛ bintɔ-wɔlɛ sufa bɛɛ. Anu ya anu sɔ wɔlɛ minnu na, anu ma kinikini anu ma wɔlɛ wonu kɛ tinɛ.

Bɔ-Koe-Iyipiti 6:5

Iyipiti mɔgɛnu ya Isirɛla mɔgɛ minnu bira yɔɔnyɛ la, n bara wonu di-kɛ-kan lamɔɛn. N bi n hɛnkili lamirila nta sarama-kan ma n ya min kiri anu benbanu ye.

Bɔ-Koe-Iyipiti 6:9

Musa ya Mari kuman-kan wo latenbi Isirɛla mɔgɛnu ma kɔnɔ mɔgɛ wonu ma anu tole masɔ Marita kumɛ wo la Musa bolo kamasɔrɔn anu niyi ragbɛrɛnnɛ anu ma yɔɔnyɛ bolo.

Bɔ-Koe-Iyipiti 7:7

Wo wati rɔ, Musa sɔrɔn ara san bi-segin bɔ. A kɔrɔ Aruna wo ara san bi-segin ani san sawa bɔ.

Aiseya 19:20

Fen filɛ wonu si ma Mari Sɛnbɛ-Bɛɛ-Tigita tamasere la Iyipiti nyamanɛ rɔ. Mɔgɛ wonu tenbi tɔrɔyɛ rɔ tumɛ min, anu ba Mari kele anu dɛnbɛn-koe la, a si kinikini anu ma ka anu nakanan.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Yilan-Yilan Koe 20:16

Ma dira ko Mari ni ma dɛnbɛ min kɛ, Mari ya ma di-kɛ-kan wo lamɔɛn. A ya melika lana ka ma labɔ Iyipiti nyamanɛ rɔ. Kɔnɔ kaka, ma ye Kɛdɛsi dagɛ rɔ ila nyamanɛ dala.

Kɛwɔlɛnu 7:30

“San bi-nani tenbira tumɛ min, melika bɔra gbɛ rɔ a ye ta-mɛlan rɔ kɔlɔma-nɛ do rɔ. Wo mara Sinayi kɔnkɛ dafɛ wulɛ rɔ.

Tɔn-Fɔɛ-Fila-Nyɔgɛ 24:15

A wa telen wɔlila gbɛn, yanni tele-kolo-wulan ma, a ni a sarɛ sɔrɔn bawo a makoe ye sarɛ wo la. Ni a ma a sarɛ sɔrɔn a tumɛ rɔ, a si wɔli-tigi wo yasere-masa Mari ye. Hakɛ le wo la wɔli-tigi bolo.

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!

Kɛlɛ-Kurugbɛnu 4:3

nɛgɛ-kirindi kɛmɛ kɔnɔntɔ taranta a bolo. Mansɛ wo ya Isirɛla mɔgɛnu bira boloko-yogomɛ-kɛ san mogan kɔrɔ. Woletɔ Isirɛla mɔgɛnu dira Mari dala.

1 Samuwɛli 12:8

“Ma benba Yakoba anubɛ ala denbayɛnu tara anu sigi Iyipiti tumɛ min, Iyipiti kɛnu tora anu tɔrɔ-belebele-wɛ kɛla ka anu kɔndɔfili. Wo benbanu tora dila Mari dala anu dɛnbɛn-koe la. A ya Musa anubɛ Aruna lata anu kunka tinɛ. Wonu denu bɔra wo benbanu na Iyipiti ka na anu na nyamanɛ kɛ rɔ yan.

1 Samuwɛli 9:16

“Kɛ-nyɔgɔn-tumɛ sina, n si kei do lana i ma min bɔnɛ Bɛnyamɛ bɔnsɔn rɔ. I ni dantɛgɛ-tuli kɛ a kunyɛ rɔ ka ale dantɛgɛ n ma. A si ma Isirɛla mɔgɛnuna mansɛ la. N bara nta mɔgɛnuta tɔrɔyɛ yen, ado anu bi dila n dala anu dɛnbɛn-koe rɔ. Ale kei wo si anu natanka Filisitinuna masibɛ ma.”