Bɔ-Koe-Iyipiti 2:22 - ALLALA KUMƐ

²² Sipora ya den-kei sɔrɔn Musa ma. Musa ya a miri ko, “N bi sundanyɛ la nyamanɛ kɛ rɔ,” woletɔ a ya ala dan wo tɔgɔ sa Kɛrisɔn.

Bɔ-Koe-Iyipiti 2:22 Iomraidhean Croise

Ko-Dabirɛnu 23:4

“Sundan le nde la min siginɛ wole Hɛtinu tɛma. Wo ni dugu-kundu-nɛ di n ma alako n ni nna furi togon nyɔ.”

1 Ko-Kɔrɔta-Karan 16:20

Anu bi yilan-yilanna sibolo-gbɛrɛnu tɛma. Anu bi bɔla anuta nyamanɛnu tɔ ka ta nyamani-gbɛrɛkɛnu tɔ.

1 Ko-Kɔrɔta-Karan 29:15

E, Mari, i ya a lɔn ko sundan le ma la duninya kɛ rɔ yan iko ma benbanu bi nya min nun. Saya masangba tina sa ma bolo. Ma ye yan iko ninɛ.

Yaburi 119:19

Sundan le nde la dugu-kole kɛ kuma. I yandi, i kana ila tɔnnu dogon n ma.

Yaburi 39:12

Mari, nta madiyali-kan lamɔɛn. I ni i wɔlɔ matɔlɔ n di-kɛ-kan la. N tenbi dila, i ni na n dɛnbɛ. Sundan le nde la i bolo wati-kundu-ni kɔrɔ iko n benbanu bi nya min nun.

Bɔ-Koe-Iyipiti 2:10

Dan wo koloyara tumɛ min, a na tara a to mansɛla dunmusi wo ma. A mara wola den-kei la. Musi wo ya a fɔ ko, “N ya dan kɛ labɔ yi le tɔ,” woletɔ a ya a tɔgɔ sa Musa.

Bɔ-Koe-Iyipiti 22:21

“Wo kana ko-yogoma ma sundannu na hali ka anu yakɔrɔ-mamɔ bawo wole fanan bi sundanyɛ le la nun Iyipiti nyamanɛ rɔ.

Bɔ-Koe-Iyipiti 4:20

Musa ya ala musi anubɛ ala den-keinu bi ka anu sigi sofɛlɛ la ka Iyipiti nyamanita-kilɛ bira. A tara ala sewuri wo la a bolo Alla ya a fɔ min ma ko a ni ta a la.

Saraka-Masɔlɛnuta Tɔnnu 25:23

“Wo kana wola duginu mayira wo ta-nyɔgɛnu ma alako a ni to anu bolo habadan bawo wota ma. Nde, Maritɛ le dugi mumɛ bɛɛ la. Ile mintan a la, i mani de iko sundan kɔnɔ n sɔnta a ma i ni wɔli a rɔ.

Kɛwɔlɛnu 7:29

Musa ya wo lamɔɛn tumɛ min, a burimatoe bɔra Iyipiti ka ta a sigi Midiyan nyamanɛ rɔ. A ya den-kei fila sɔrɔn nyɔ.

Kɛlɛ-Kurugbɛnu 18:30

Anu ya Maikala kɔlɔma-malɛsɛnɛ min bi a bolo, anu ya bɛsɛ wo sigi bɔn do la, anu si a kɔ kan min. Anu ya Musa mamanɛ Yonatan ma anuna saraka-masɔlɛ la, Kɛrisɔnla dan, kɔni. Wo kebilɛ tora mala saraka-masɔlɛ la Dan bɔnsɔn-mɔgɛnu ye ha kɛlɛ tara anu na.

1 Samuwɛli 1:20

A ya buyi bi. Wati tenbinɛ, a ya dan sɔrɔn, den-kei. A ya dan wo tɔgɔ sa Samuwɛli bawo tɔgɛ wo kɔrɛ le, “A matarata Mari le ma.”