Bɔ-Koe-Iyipiti 2:15 - ALLALA KUMƐ

¹⁵ Mansɛ ya wo lamɔɛn tumɛ min, Musa faga-sɔgɛ ya a bira. Kɔnɔ Musa ya a buri mansɛ kɔrɔ ka ta a sigi Midiyan nyamanɛ rɔ kɔlɔn do dafɛ.

Bɔ-Koe-Iyipiti 2:15 Iomraidhean Croise

Ko-Dabirɛnu 24:11

Anu kera nyɔ wura dɛ la musinuna yi-bi-wati rɔ. A ya a ma, ala nyomɛ wonu ya anu sa soe kɔma tenke dafɛ nyɔ.

Ko-Dabirɛnu 25:2

Wo ya den mɔgɔ wɔrɔ sɔrɔn Iburayima ye. Wonu tɔgɛ le kɛnu na, Simiran wo, Yokisan wo, Midan wo, Midiyan wo, Isibaki wo, anubɛ Suwa.

Ko-Dabirɛnu 25:4

Iburayimala den Midiyan ya den mɔgɔ loli minnu sɔrɔn, wonu tɔgɛ le kɛnu na, Ɛfa wo, Ɛferi wo, Hanoki wo, Abida wo, anubɛ Ɛlida. Iburayimala musi Ketura sɔrɛ le kɛnu na.

Ko-Dabirɛnu 29:2

A ya a yɛ lata ka saga-kurun sawa sanɛ yen kɔlɔn do dafɛ gbɛkole ma. Sagɛnu min tinɛ le nyɔ la. Kɔlɔn wo dɛ latogonnɛ fara-belebele do la.

1 Mansɛnu 11:18

Mansa Hedadi anubɛ a fala wɔli-kɛlɛnu bɔra Midiya nyamanɛ rɔ ka ta furr, fɔ Paran wulɛ rɔ. Wo kɔma, mɔgɛ donu tara kofu anu ma nyɔ rɔ. Anu dama bɔra nyɔ ka ta ha Iyipiti nyamanɛ rɔ. Anu ke mansɛ ma, wo ya anu yiya ka dɔn-fan di anu ma. A ya dugi do di anu ma fanan.

Hɛnkilimaya-Kumɛnu 22:3

Hɛnkilimɛ si tɔrɔyɛ yen nala yarɔ, a ni a masangba. Kɔnɔ kun-takolɔn wo pɔrɔka-pɔrɔkɛ le ye tala a kun fɛ ka ta a kian layigi nanparan rɔ sokobo! Yarɔ gbɛ, a ni nimisa.

Habakuku 3:7

N ya a yen nna ko-rayirɛ rɔ, Kusan-kebila-mɔgɛnu bi kilanna dɔgɔma-ma-de! Midiya kɛnu bi yɛrɛyɛrɛnna kilan bolo.

Matiyu 10:23

Anu ba a lagbɛlɛya wo kuma so kelen tɔ tumɛ min, wo ni wo buri ka ta so-gbɛrɛ rɔ. Wo ni wo hɛnkili to kɛ ko! Yanni nde, Hadama-dan ni na, wo ti wola wɔli laban Isirɛla nyamanɛ soe bɛɛ burɔ.

Yɔni 4:6

ado tele-latelen, a kera Yakobala kɔlɔn ma, a bandannɛ. A ya a sulen kɔlɔn wo dafɛ.

Kɛwɔlɛnu 7:29

Musa ya wo lamɔɛn tumɛ min, a burimatoe bɔra Iyipiti ka ta a sigi Midiyan nyamanɛ rɔ. A ya den-kei fila sɔrɔn nyɔ.

Hiburunu 11:27

Dɛnkɛninyɛ le fɛ, Musa bɔɛ Iyipiti, a ma kilan mansɛla diminyɛla ko la. A tora tala yarɔ bawo Alla min ti yen, a ya a yɛ sɔ wo le la.