Bɔ-Koe-Iyipiti 2:11 - ALLALA KUMƐ

¹¹ Musa koloyara tumɛ min, a tara a na-kelen-nyɔgɛ Hiburunu taran wɔli-kɛ-tinɛ. A ya a yen anu bi wɔli-gbɛlɛmɛ kɛla nya min. A ya Iyipiti kɛ do yen a na-kelen-nyɔgɛ Hiburu do gbesila.

Bɔ-Koe-Iyipiti 2:11 Iomraidhean Croise

Bɔ-Koe-Iyipiti 1:11

Woletɔ Iyipiti kɛnu ya wɔli-kunyɛnu sigi anu kuma. Wonu ya wɔlɛ lagbɛlɛya anu kuma ka anu tɔrɔ. Isirɛla mɔgɛnu ya so-kura fila sɔ Iyipiti mansɛ wo ye, Pitɔm soe anubɛ Ramɛsisi soe ka wonu ma ata fen-namara-soenu na.

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Bɔ-Koe-Iyipiti 5:14

Wɔli-kunyɛ minnu tugunnɛ mansɛ la, wonu ya a fɔ anu kan-kɔrɔ-sigilɛnu ye ko, “Nfen mara kunu anubɛ bi, wo ma bulɔku gbesi ka a dafa iko wo duruta a mala nya min nun?” Woletɔ kan-kɔrɔ-sigilɛ minnu bi Isirɛla mɔgɛnu kuma, anu ya wonu gbesi.

Bɔ-Koe-Iyipiti 5:4

Iyipiti mansɛ ya a fɔ Musa anubɛ Aruna ye ko, “Nfen ya a to, wole ye mɔgɛnuna wɔlɛ tinyana? Ado nfan, Hiburu wɔli-kɛlɛnu siya ma ko! Wo ni anu nasɛgi wɔli-kɛ-tinɛ!”

Bɔ-Koe-Iyipiti 5:9

Wo ni wɔlɛ lagbɛlɛya Hiburunu kuma ko anu ni anuna wɔlɛ kɛ anu sɛnbɛ la. Wo le si a ma, anu ti fɛrɛ sɔrɔn ka anu tole masɔ kɛnuna foninya-kumɛnu na.”

Bɔ-Koe-Iyipiti 6:6

“Woletɔ a fɔ Isirɛla mɔgɛnu ye ko nde le anuta Mari la min si anu bɔ Iyipiti kɛnuna wɔlɛ kɔrɔ. N si anu bɔ yɔɔnyɛ rɔ ka anu kunka nta sɛnbɛ-makawanɛ la. N si Iyipiti mɔgɛnu tɔrɔ bɛrɛkɛ!

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Matiyu 11:28

“Min bɛɛ ara bandan ala dunu-gbilimɛ kɔrɔ, wo ni na nde wara. N si sulen di wo tigi ma.

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.