Bɔ-Koe-Iyipiti 19:9 - ALLALA KUMƐ

⁹ Mari ya a fɔ Musa ye ko, “N ba wuli kumala i ye tumɛ min, n si na i ma banda-finyɛ rɔ, woletɔ mɔgɛnu si wo yen ka n kuman-kan lamɔɛn. Wo si a ma, anu ni la i la burubukai!”

Bɔ-Koe-Iyipiti 19:9 Iomraidhean Croise

1 Mansɛnu 8:12

Wo kɔma, Mansa Silamɛni ya baraka bira Mari ye ka a tanto. A ko, “E, Mari, ile le wara a fɔ nun ko i si taran banda-fin-gbɛ rɔ.

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

2 Ko-Kɔrɔta-Karan 6:1

Wo kɔma, Mansa Silamɛni ya baraka bira Mari ye ka a tanto. A ko, “E, Mari, ile le wara a fɔ nun ko i si to banda-fin-gbɛ rɔ.

Yaburi 97:2

Mari lafoonɛ banda-fin-digidigi-wɛ anubɛ pinpi-fin-bɛ la. A si mɔgɛ bɛɛ mara telenbagayɛ anubɛ lafisayabɛlitayɛ la.

Yaburi 99:7

A kumara anu ye banda-fin-gbɛ rɔ. Mari ya tɔn anubɛ sereya minnu di anu ma, anu ya wonu bira.

Bɔ-Koe-Iyipiti 14:31

Mari ya ko-makawanɛ minnu kɛ Iyipiti kɛnu na, Isirɛla mɔgɛnu ya wo yen anu nyɛrɛ yɛ la ka kawa ata kabana-koe wonu ma. Anu kilanta Mari la ka a gbiliya. Wo le ya a ma, anu dɛnkɛninyara Mari ma ka la ata wɔli-kɛlɛ Musa la.

Bɔ-Koe-Iyipiti 19:16

A tele sawa nyɔgɛ wo sɔgɔma, anu ya banda-nyin-masɔgɛ yen ka sangbalamɛ anubɛ buru-fɛ-kan-belebele-wɛ lamɔɛn banda-fin-digidigi-wɛ rɔ kɔnkɛ wo kuma. Minnu bi dagɛ wo rɔ, wonu yɛrɛyɛrɛnta kilan bolo.

Bɔ-Koe-Iyipiti 20:21

Mɔgɛnu tora sɔni wula-yan la, fɔ Musa kelan min ya a gbɛrɛn pinpi-wɛ wo ma kɔnkɛ kuma Alla ye kan tinɛ min.

Bɔ-Koe-Iyipiti 34:5

Mari ya ala kumɛ latɔnbagaya. A yigira banda-fin-gbɛ wo rɔ ka tenbi Musa yakɔrɔ. A ya a sereka-tɔgɛ fɔ a ye ko, “Mari le nde la. Kinikini mansɛ le nde la. N ti diminya yona. Keninteyɛ waranɛ n tɔ. Telenbaga le nde la.

Bɔ-Koe-Iyipiti 4:31

Wonu fanan lara a la. Anu ya a lɔn min kɛ ko Mari ara a kolan lamunun anu na ka a lɔn anu bi tɔrɔyɛ min tɔ, anu ya anu madu dugi ma ka madiyali kɛ.

Bɔ-Koe-Iyipiti 4:5

Mari ya a fɔ a ye ko, “Wo le si a ma, anu ni la i la ko wo benbanuta Alla ara a nyɛrɛ yira i la, Iburayimata Alla, anubɛ Isiyakata Alla, anubɛ Yakobata Alla, kɔni.”

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Aiseya 7:9

A ko Isirɛla mɔgɛnu ta ma gbɛlɛ ka ke anuna so-karantan Samariya kɛnu tɔ. Samariya kɛnu fanan ta ma gbɛlɛ ka ke anuna Mansa Peka rɔ. Mari ko ni wo ya a kuman-kan to a gbɛ rɔ, wo si simayɛ sɔrɔn.

Yilan-Yilan Koe 12:5

Mari yigira ata banda-fin-gbɛ rɔ ka sɔ ata bɔn wo don-dɛ la. Mari ya Aruna anubɛ Miriyam kele. A ko, “Wo ni wo madon n na yan.” Anu nara tumɛ min,

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Maraka 9:7

Banda-finyɛ burunta anu kun na. Kuman-kan bɔra banda-finyɛ wo rɔ. A ko, “N diyana-dan le kɛ la. Wo ni wo tole masɔ a la!”

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Tɔn-Fɔɛ-Fila-Nyɔgɛ 4:36

A ya a ma, wo ya a kuman-kan lamɔɛn san-kole rɔ alako a si wo karan. A ya a ma, wo ya ata ta-sɛnimɛ yen. A kumara wo rɔ wo ye.

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.