Bɔ-Koe-Iyipiti 19:4 - ALLALA KUMƐ

⁴ ‘N bara min ma Iyipiti kɛnu na, wo ara wo rayen. N bara wo bi ka wo ma ntɛ la ka wo fɛ-bira kilɛ la iko bibi tenbi ala dannu fɛ-birala gban tinɛ.

Bɔ-Koe-Iyipiti 19:4 Iomraidhean Croise

Aiseya 40:31

Kɔnɔ minnu bi anu yɛ bɛnna Mari ma anu dɛnbɛn-koe rɔ, wonu sɛnbɛ ma si to kofula. Anu wara-koe si to yɛlɛla iko kokɛ wa a kanban rafulen san ma. Anu si anu buri furr, kɔnɔ anu ti bandan. Anu si tagama ha, kɔnɔ anu ta ti kun.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Hoseya 11:1

Mari ko, “Fɔlɔ nun, wole Isirɛla bɔnsɔn dɔgɔ tumɛ min, wo diyara n ye iko n halala-dan! N ya wo kele ka bɔ Iyipiti.

Hegayi 2:5

Wo bɔra Iyipiti tumɛ min, n ya a fɔ ko n bi wo fɛ, ado n bi wo fɛ wo nya na le fanan, yɔ! N ti bɔ wo fɛ. Wo kana kilan.”

Malakayi 2:10

Wole Yuda mɔgɛnu, kɛmɔgɔni-kelan-sɔrɛ le ma dama la. Alla kelen de ya ma dama ladan. Ni tonyɛ le wo la, nfenna ma si mala lanyiri tinya ma nyɔgɔn bara la? Nfenna Alla ya sarama-kan min kiri ma benbanu ye, ma si tɛgɛ wo rɔ?

Tɔn-Fɔɛ-Fila-Nyɔgɛ 1:30

N ko mata Mari Alla si sɔ ma yarɔ. A si kɛlɛ kɛ ma ye iko a ya a ma ma yala nya min Iyipiti nyamanɛ rɔ.

Tɔn-Fɔɛ-Fila-Nyɔgɛ 1:31

Iko kei si ala dan sigi a kɔnkɔn tɔ nya min, a ya ma sigi a kɔnkɔn tɔ wo nya na le wulɛ rɔ ha ka na ke ma la yan.

Tɔn-Fɔɛ-Fila-Nyɔgɛ 29:1

Kuma-kolomɛ le kɛnu na Mari ya minnu lanyiri kiri Musa ye wo tumɛ Isirɛla mɔgɛnu bi Sinayi kɔnkɛ dafɛ. Kaka, a ye nala kumɛ wo le makofuli-kɛla Mohabu nyamanɛ rɔ.

Tɔn-Fɔɛ-Fila-Nyɔgɛ 29:2

Musa ya Isirɛla mɔgɛnu nadɛn ka a fɔ anu ye ko, “Wo nyɛrɛ-nyɛrɛ ya a yen Mari ya min ma Iyipiti nyamani-tigi la anubɛ ala mɔgɔ-banu anubɛ anuna nyamanɛ.

Tɔn-Fɔɛ-Fila-Nyɔgɛ 4:9

“Wo ni a ma wo fɛrɛma de! Wo ara min yen wo nyɛrɛ yɛ la kɛ la, wo kana nyina wo ko wo siyi-tele bɛɛ kɔrɔ. Wo benbanu ya min yen anu sɔra Mari yakɔrɔ Sinayi kɔnkɛ kɔrɔ tumɛ min, wo ni wo rakaran wola dannu anubɛ wo mamanɛnu ye. Mari ya a fɔ nde, Musa ye nun ko n ni Isirɛla mɔgɛnu nadɛn kan-tina-kelen kɔnkɛ wo kɔrɔ nyɔ. Mari ko a sɔgɛ ye a la, anu ni a lamɔɛn a ye nala min fɔla nyɔ woletɔ anu si ale Mari gbiliya anu siyi-tele bɛɛ rɔ. Wo si a ma, anu ni anuna dannu karan alako anu si mata Mari Alla gbiliya nya min.

Yasowa 23:3

“Kaka, n bara kɔrɔya. Wo ara koe bɛɛ yen Mari ya min ma sibolo-gbɛrɛ kɛ bɛɛsi la wolela ko la. Wota Mari le ya anu kɛlɛ wo ye.

Lankɛnimayɛ 12:14

Kokɛ-wɛ kanban filɛ dira musi wo ma alako a ni gban ka ta a warɛ wula-da-rakolɔn rɔ. Anu si a kandan nyɔ san sawa ani a tala ka kisi ninkinankɛ ma.