Bɔ-Koe-Iyipiti 19:10 - ALLALA KUMƐ

¹⁰ Musa ya mɔgɛnuna yabilɛ wo latenbi Mari ma. Mari ya a fɔ Musa ye ko, “Ta a fɔ mɔgɛnu ye ko anu ni anu sɛninya bi anubɛ sina. Anu ni anuna kurɛnu ku.

Bɔ-Koe-Iyipiti 19:10 Iomraidhean Croise

Ko-Dabirɛnu 35:2

Yakoba ya a fɔ ala denbayɛnu anubɛ ala wɔli-kɛlɛnu ye ko, “Wo ye bɛsɛ minnu kɔla, wo ni wonu nakɛ a rɔ. Wo ni wo ku ka wo sɛninya. Wo ni wo mayɛlɛma kura-kunɛnu na alako ka a yira ko wo ara wo kan-kɔ sɔ wola bɛsɛnu na.

2 Samuwɛli 19:24

Mansa Sɔli mamanɛ Mɛfibasɛti ya a lamɔɛn min kɛ ko Mansa Dawuda ye nala Yerusalɛm, a tara a labɛn tinɛ. Kebi Mansa Dawuda ya a to nya min, a ya a taran wo nya na le. A ma a kin maku, a ma a buya matɛgɛ, a ma ala kura ku, ado a ma sɔn wo do-wo-do mala fɔ Mansa Dawuda ya nɔ-ko sɔrɔn min kɛ ka sɛgi Yerusalɛm, a nara to a kula.

2 Ko-Kɔrɔta-Karan 29:34

Saraka-masɔlɛnu ma siya min kɛ kolo-fen faga tinɛ, Lifayinu tora anu dɛnbɛna ha wɔlɛ wo banta. Kɔnɔ yanni Lifayi doi wonu ni kofu saraka-masɔlɛnu ma, anu ya anu nyɛrɛ sɛninya iko Nɛbi Musata tɔnnu ya a fɔ nya min saraka-masɔlɛnuna ko la. (Wo ya a taran, Lifayinu ya anu nyɛrɛ mara sɛninyɛ rɔ ka tenbi saraka-masɔlɛnu na.)

2 Ko-Kɔrɔta-Karan 29:5

A kumara anu ye nyɔ rɔ, a ko, “Wole Lifayinu, wo ni wo nyɛrɛ sɛninya, wo kɔma, wo ni wo benbanuta Mari Allata Bato-Bɔn fanan sɛninya. Fan minnu si Bato-Bɔn latinya, wo ni wonu nabɔ luyi ma.

Yobu 1:5

Anu ba ladiyɛ kɛ, banda wa ka, Yobu si suri a lasɔla sɔgɔma ka sarakɛ bɔ ala dan kelen-kelennamɛ wo bɛɛ ye alako wonu ni sɛninya Alla yala. A ye wo mala bawo a ye a mirila ko tumado ala dan do ara Alla lafɛya, a sa min kalama.

Saraka-Masɔlɛnuta Tɔnnu 15:5

Ni mɔgɔ-wo-mɔgɔ ya a sigi kirayatoe wola sofa wo rɔ, hali ka a sosa a la, a si ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ le Mari yala ha wurɛ la.

Yilan-Yilan Koe 11:18

Musa ya a fɔ mɔgɛnu ye ko, “Mari ko koe min bi nala mala sina, wo ni wo nyɛrɛ rabɛn wola ko la. A ko sina, wo si soge dɔn. A ko a ya wo gbɛngbɛrɛn-kan lamɔɛn wo ye a fɔla ko mɛya ma wo bira Iyipiti. Wo ko nyɔ di yan ko.

Yilan-Yilan Koe 19:19

A si wo ma a tele sawa nyɔgɛ anubɛ a tele wɔrɔnfila nyɔgɛ ma. A tele wɔrɔnfila nyɔgɛ wo ma, mɔgɛ min ma sɛninya, wo si ala kurɛnu ku ka a bagbuyi fanan ku. Tele-kolo-wulen-wati wa tenbi, a si sɛninya.

Yilan-Yilan Koe 31:24

A tele wɔrɔnfila nyɔgɛ, wo si wola kurɛnu ku. Wo le si a ma, wo si sɛninya ka ta dagɛ rɔ iko Mari ya a fɔ nya min.”

Yilan-Yilan Koe 8:21

Lifayi bɔnsɔn-mɔgɛnu ya anu nyɛrɛ sɛninya ka anuna kurɛnu ku. Aruna ya anu dantɛgɛ Mari ma ka sarakɛ wo bɛɛ bɔ iko Mari ya a fɔ nya min. Wo le ya a ma, anuna hakɛ yamatogonta.

Yilan-Yilan Koe 8:7

Ka anu tabɛn, i ni nde, Marita sɛninya-yi doni bi ka a purupuru anu ma, wo le si anu hakɛ bɔ anu ma. Wo kɔma, anu ni anu nyɛrɛ fɛrɛ mumɛ masii, anubɛ ka anuna kurɛnu ku. Wo ko sawɛ wa ban tumɛ min, anu si sɛninya nde, Mari yala wo rɔ.

1 Kɔrɛnti 6:11

ado wo donu bi wo nya na le nun fɔlɔ. Kɔnɔ ma Mari Yisa Kirasiti anubɛ Allata Ni-Sɛnimɛ ara wo sɛninya ka wo ma Allatɛ la ka wo latelen Alla ye.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Yasowa 3:5

Yasowa ya a fɔ mɔgɛnu ye ko, “Wo ni wo nyɛrɛ sɛninya bawo Mari si kabana-koe kɛ ma tɛma sina.”

Yasowa 7:13

Ta mɔgɛ wonu sɛninya ka anu tabɛn alako anu ni anu sɔ n yakɔrɔ sina. Nde, anu benba Isirɛlata Mari Alla ko fan donu bi anu tɛma a bɛnnɛ ka minnu halaki nun. Ni anu ma wonu nabɔ gbɛ rɔ, anu ti ke anu kɛlɛ-nyɔgɛnu nɔla.

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.

1 Samuwɛli 16:5

Samuwɛli ya a fɔ ko, “Ade, n nara le dɔrɔn ka sarakɛ bɔ Mari ye. Wo ni wo nyɛrɛ sɛninya iko tɔn ya a fɔ nya min. Wo ni bila n fɛ.” A ya a fɔ Yɛsi anubɛ ala dannu ye wo nya na le fanan ka anu kele saraka-bɔɛ kuma.