Bɔ-Koe-Iyipiti 18:12 - ALLALA KUMƐ

¹² Musa biran-kei, Yɛtiro ya saraka-mintantɛ anubɛ sarakɛ donu bɔ Alla ye. Aruna anubɛ Isirɛla mɔgɔ-ba bɛɛsi tara ka fen-dɔn-kɛ Musa biran-kei fɛ Alla yala.

Bɔ-Koe-Iyipiti 18:12 Iomraidhean Croise

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 26:25

Woletɔ a ya saraka-bɔ-tinɛ sɔ nyɔ ka Mari madiya. A ya ala fani-bɔn sɔ nyɔ. Ata wɔli-kɛlɛnu ya kɔlɔn sin nyɔ fanan.

Ko-Dabirɛnu 26:30

Woletɔ Isiyaka ya ladiyɛ ladan anu ye. Anu ya fen-dɔn-kɛ ka anu min.

Ko-Dabirɛnu 31:54

Yakoba ya sarakɛ bɔ kɔnkɛ kuma nyɔ ka a berin anubɛ a na-kelen-nyɔgɛnu kele fen dɔn tinɛ. Anu ya fen-dɔn-kɛ ka ki kɔnkɛ kuma nyɔ.

Ko-Dabirɛnu 4:4

Ebɛli fanan nara ata saga-den-fɔlɔ-hakikɛ do la. Mari sɔnta Ebɛli anubɛ ala kɔ-fan la

Ko-Dabirɛnu 43:25

Anu tara Yusufu sanbɛ minnu na, anu ya wonu nabɔ bawo anu bara a lɔn ko Yusufu ye fen-dɔn-kɛla anu fɛ bɔn la nyɔ.

Ko-Dabirɛnu 8:20

Nowa ya saraka-mintan-tinɛ sɔ Mari ye. A ya sogo-sɛnimɛ anubɛ kona-sɛnimɛ donu bi ka wonu mintan gburr, ka wonu ma sarakɛ la Mari ye nyɔ.

2 Samuwɛli 9:7

Mansa Dawuda ya a fɔ a ye ko, “Hali i ma kilan. N si ko-nyimɛ kɛ i ye ka a tɛgɛ i fa Yonatanna ko ma. N si i benba Mansa Sɔli halala-dugi bɛɛsi lasɛgi ile ma. N si a ma, ma ni to ma de-nyinina kan-tina-kelen.”

2 Ko-Kɔrɔta-Karan 30:22

Mansa Hɛsakaya ya Lifayinu matɔgɔ ka a tɛgɛ anu ya Mari bato nya min ka ladɛn kɛ a kilɛ fɛ. Tele wɔrɔnfila dɛgɛdɛgɛ, Isirɛla mɔgɛnu bi sarakɛnu bɔla anuta Mari Alla ye. Wo kanɛ a la,

Yobu 1:5

Anu ba ladiyɛ kɛ, banda wa ka, Yobu si suri a lasɔla sɔgɔma ka sarakɛ bɔ ala dan kelen-kelennamɛ wo bɛɛ ye alako wonu ni sɛninya Alla yala. A ye wo mala bawo a ye a mirila ko tumado ala dan do ara Alla lafɛya, a sa min kalama.

Yobu 42:11

Yobu tirisan-musu wo, a na-kelen-nyɔgɔ wo, wonubɛ a diyana-mɔgɛnu nara a kɔndɔn tinɛ. Anu ya fen-dɔn-kɛ ala bɔn la. Anu ya a wui bɔ ka a tɛgɛ tɔrɔyɛ wo ma Mari ya min sigi a ma. Wo kɔma, wonu kelen-kelennamɛ-bɛɛ ya sɛnɛ anubɛ wodi-gbɛ-dɛɛn-kɔlɔnɛ di a ma.

Yobu 42:8

Wo ni ta tura wɔrɔnfila anubɛ saga-yigi wɔrɔnfila la Yobu ma alako wo ni anu ma sarakɛ la wo nyɛrɛ ye. Yobu si madiyali kɛ wo ye. N si ata madiyalɛ lamɔɛn alako n kana wo layarabi iko a bɛnta, wo ni yarabi nya min. Wo ma tonya fɔ n bara-koe rɔ iko ale Yobu ya tonyɛ fɔ n bara-koe rɔ nya min.”

Bɔ-Koe-Iyipiti 18:13

Wo banda kɛ, mɔgɛnu nara anuna kumɛnu na Musa wara. Telen-gbɛn, anu bi kiti rɔ.

Bɔ-Koe-Iyipiti 2:16

Kei min taranta saraka-masɔ-wɔli kɛla Midiyan nyamanɛ rɔ nyɔ, wo tɔgɛ le Yɛtiro. Wola dunmusu mɔgɔ wɔrɔnfila nara yi-bi-tinɛ kɔlɔn wo rɔ. Anu ya yi do kɛ miran rɔ alako anu fala sagɛnu ni anu min.

Bɔ-Koe-Iyipiti 2:20

A ya ala dunmusinu manyinika ko, “Iyipiti kɛ wo ye mintɔ? Wo ya a to nyɔ nfenna? Wo ta a kele. A ni na fen dɔn tinɛ ma fɛ bi.” Anu tara a kele.

Bɔ-Koe-Iyipiti 20:24

“Ni anu bi saraka-mintan-tinɛ sɔla n ye, anu ni a sɔ bɔnkɛ la. Anu ni anuna sagɛnu anubɛ anuna baanu anubɛ anuna ninkinu ma sarakɛnu na saraka-mintan-tinɛ wo kuma ka saraka-mintantɛnu bɔ nyɔ anubɛ yisi-kima-sarakɛnu. N ba n bato tinɛ yira anu na kan-bo-kan, n si anu taran nyɔ ka duwa anu ye.

Bɔ-Koe-Iyipiti 24:11

Hali anu ya Alla nyɛrɛ yen, Alla ma ko-wo-ko ma Isirɛla kun-tigi wonu na. Anu ya fen-dɔn-kɛ nyɔ ka anu min.

Bɔ-Koe-Iyipiti 24:5

A ya keminɛ donu yabɔ Isirɛla mɔgɛnu tɔ alako wonu ni saraka-mintantɛnu mintan Mari ye anubɛ yisi-kima-sarakɛnu, tura-bulannu, kɔni.

Bɔ-Koe-Iyipiti 3:1

Wo tumɛ Musa ye a biran-kei, Yɛtirola sagɛnu makandanna, Midiyan saraka-masɔlɛ, kɔni, a tara sagɛ wonu nagbengbenna wulɛ rɔ ha ka ta ke Marita kɔnkɔ-sɛnimɛ ma, Sinayi, kɔni.

Bɔ-Koe-Iyipiti 33:7

Mɔgɛnu ba daga makɛ kan-bo-kan, Musa taranta Fani-Bɔn do bila ka a sɔ dagɛ kɔma ka a tɔgɔ sa “Mari Labɛn Tinɛ.” Ni min bi a nyɛrɛ fɛ-koe lɔn-koe rɔ, wo si ta Mari manyinika a Labɛn Tinɛ wo rɔ.

Daniyɛli 10:3

N ma dɔn-fen-nyima fenfen dɔn. N ma soge dɔn. N ma baan-wo-baan min ka n tabɛn a kilɛ fɛ ha lɔgɔkun sawɛ wo banta.

Yilan-Yilan Koe 10:29

Kɔnɔ yanni anu ni wuli ka bɔ Sinayi wulɛ rɔ, Musa ya a fɔ ala musi, wo kɔrɔ-keminɛ Hobabu ye ko, “A ara to doni ma ni ta kan tinɛ wo rɔ Mari ya min di ma ma. Mari ya lanyiri kiri ma ye ko ma si nɔnfuli siyaman sɔrɔn nyɔ. Ni ile nara kofu ma ma, ma si a ma, ile fanan ni do sɔrɔn.”

Luka 14:1

Sulen-Tele do ma tun, Yisa tara fen dɔn tinɛ Farisi-malɔnnɛ do warɛ. Nba, mɔgɔ siyaman yɛ sɔnɛ Yisa la.

Luka 14:15

Mɔgɔ kelen siginɛ Yisa fɛ tebulu ma, wo ya kɛ lamɔɛn tumɛ min, a ya a fɔ a ye ko, “Minnu si kele ladiyɛ rɔ Allala mansayɛ rɔ, mɔgɔ-sewanɛ le wonu na!”

1 Kɔrɛnti 10:18

Wo ni wo miri Isirɛla mɔgɛnu ma. Minnu bɛɛsi ye saraka-sogenu dɔnna, anu bɛɛsi yisi sanɛ anu nyɔgɔntɛ kuma saraka-dɔn wo fɛ.

1 Kɔrɛnti 10:21

A ti bɛn wo ni wo min Marita yi-lafɛ la, wo ni ta wo min nyinɛnuta yi-lafɛ la fanan. Wo kana fen-dɔn-kɛ Marita tebulu la, wo wa ban, wo ni ta fen dɔn nyinɛnuta tebulu fanan na.

1 Kɔrɛnti 10:31

Woletɔ ni wo ye fen dɔnna, ni wo ye wo minna, ni wo ye ko-wo-ko kɛla, wo ni wo bɛɛ kɛ alako Alla ni gbiliyɛ sɔrɔn wo bɛɛ rɔ.

Tɔn-Fɔɛ-Fila-Nyɔgɛ 12:7

wo si a dama bɔ nyɔ wota Mari Alla ye. Bɛɛ si ta ala denbayɛ la nyɔ rɔ ka fen-dɔn-kɛ ka sewa wo fannuna ko la wo ara minnu sɔrɔn wo Mari bolo.

Tɔn-Fɔɛ-Fila-Nyɔgɛ 27:7

Wo si to wola yisi-kima-sarakɛnu dɔnna nyɔ fanan. Wo ni to sewala nyɔ wota Mari Alla yakɔrɔ.