Bɔ-Koe-Iyipiti 18:10 - ALLALA KUMƐ

¹⁰ A ko, “Tabarakala Mari ma min bara wo kisi ka wo labɔ yɔɔnyɛ rɔ Iyipiti mansɛ anubɛ ala mɔgɛnu bolo.

Bɔ-Koe-Iyipiti 18:10 Iomraidhean Croise

Ko-Dabirɛnu 14:20

Alla Min Bi Fan Bɛɛ Kun Na min bara i yogenu don i bolo, tantolɛ ni ke wo ye.” Burama ya minnu sɔrɔn kɛlɛ rɔ, a ya wonu yaka bɔ ka wonu di Mɛlikisidaki ma.

Ko-Dabirɛnu 24:27

A ko, “Alla tanto, n tigi Iburayimata Mari min bara ata lanyiri latɔnbagaya n tigi ye, wo ara n telen n tigita mɔgɛnu na.”

2 Samuwɛli 18:28

Ahimahasi kenɛ tarɛ wo ma, a ya mansɛ rakele ka a kɔndɔn. A ya a laburun a ma mansɛ kɔrɔ. A ko, “N tigi, ita Mari Alla tanto. Bawo mɔgɛ minnu bara murutiya i ma, ita Mari Alla ara a ma, i wara nɔ-ko sɔrɔn wonu ma.”

1 Mansɛnu 8:15

A ko, “Gbiliyɛ ni di Isirɛlata Mari Alla ma bawo a ya lanyiri min kiri n fa Dawuda ye, a ara wo latɔnbagaya. A ya a fɔ n fa ye nun ko,

1 Mansɛnu 8:56

“Alamɛ gbiliyɛ dira Mari ma min bara yisi-kimɛ di ala mɔgɛnu ma iko a ya a fɔ anu ye nya min. Hali lanyiri-kelen-bɛrɛn ma tinya a ya min fɔ Musa ye Isirɛla mɔgɛnuna ko la.

Yaburi 41:13

Ma ni baraka bira Isirɛlata Mari Alla ye. Ma ni a tanto bi ha habadan! Amina! Amina!

Luka 1:68

“Ma ni Mari tanto, Isirɛlata Alla, kɔni bawo a nara ka ala mɔgɛnu dɛnbɛ ka anu hɔrɔya.

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

1 Tɛsalonaika 3:9

Nba, kaka ma ye baraka birala Alla ye wolela ko la. Ma ye baraka birala a ye sewɛ wola ko la min bi male rɔ. Ma sɛwanɛ mata Alla yala ka a tɛgɛ wole ma.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

1 Samuwɛli 15:6

A ya kilayɛ lata Kena mɔgɛnu ma minnu siginɛ Amalɛkinu tɛma ko, “Wo ni wo bɔ Amalɛkinu kurun tɔ alako wo dama kana faga wo nyɔgɔn fɛ.” A ya wo fɔ bawo Isirɛla mɔgɛnu bɔra Iyipiti tumɛ min, Kena mɔgɛnu denu ya ko-nyimɛ kɛ anu benbanu ye. Woletɔ Kena mɔgɛnu ya anu bɔ anu kurun tɔ.

1 Samuwɛli 25:32

Dawuda ya a fɔ a ye ko, “N si baraka bira Isirɛlata Mari Alla ye bawo ale le wara i lana ka n taran yan bi.