Bɔ-Koe-Iyipiti 18:1 - ALLALA KUMƐ

¹ Nba, Mari ya min bɛɛsi ma Musa anubɛ ala mɔgɛnu ye ka anu nabɔ Iyipiti nyamanɛ rɔ, Musa biran-kei, Yɛtiro, Midiyan saraka-masɔlɛ, kɔni, wo ya wo lamɔɛn.

Bɔ-Koe-Iyipiti 18:1 Iomraidhean Croise

Yaburi 105:43

Woletɔ a ya ala mɔgɔ-yabɔnɛnu nabɔ. Anu bi sɔnkɔla ka baraka-bira-bɛtinu bɔ sewɛ la.

Yaburi 105:5

Wole Iburayima kegeyɛnu, Marita wɔli-kɛlɛ, kɔni, wole Yakoba kegeyɛnu, Alla ara wole minnu yabɔ, kɔni, Alla ara kabana-koe minnu ma, wo ni wo miri wonu ma. A ara gbalo minnu sigi wo yogenu ma, wo ni wo miri wonu ma fanan.

Yaburi 106:2

Yon si ke Allata kabana-koe bɛɛ rakaranna? Yon si ke a tantola a kilɛ fɛ?

Yaburi 34:2

N si a tanto ala kɛwɔli-nyimɛnuna ko la. Minnu bi yakɔrɔ-mamɔɛ rɔ, alamɛ wonu ya anu tole masɔ ka sewa.

Yaburi 44:1

E, Alla, i ya kabana-koe minnu ma fɔlɔfɔlɔ ma benbanuta wati rɔ, ma ya wo lamɔɛn ma nyɛrɛ tole la. Anu bara wonu takaran ma ye.

Yaburi 78:4

Ma ti Marita ko-makawanɛnu dogon mala dannu ma, ado ma si ala kabana-koenu takaran ma mamanɛnu fanan ye.

Bɔ-Koe-Iyipiti 2:16

Kei min taranta saraka-masɔ-wɔli kɛla Midiyan nyamanɛ rɔ nyɔ, wo tɔgɛ le Yɛtiro. Wola dunmusu mɔgɔ wɔrɔnfila nara yi-bi-tinɛ kɔlɔn wo rɔ. Anu ya yi do kɛ miran rɔ alako anu fala sagɛnu ni anu min.

Bɔ-Koe-Iyipiti 2:18

Dunmusi wonu sɛgira anu fa wara tumɛ min, wo ya anu manyinika ko, “Nfenna wo nara yona bi?”

Bɔ-Koe-Iyipiti 2:21

Musa sɔnta sigi-koe ma kei wo warɛ. Yɛtiro ya ala dunmusi Sipora di Musa ma ko a ni ma ala musi la.

Bɔ-Koe-Iyipiti 3:1

Wo tumɛ Musa ye a biran-kei, Yɛtirola sagɛnu makandanna, Midiyan saraka-masɔlɛ, kɔni, a tara sagɛ wonu nagbengbenna wulɛ rɔ ha ka ta ke Marita kɔnkɔ-sɛnimɛ ma, Sinayi, kɔni.

Bɔ-Koe-Iyipiti 4:18

Wo tumɛ Musa ye a biran-kei warɛ Midiyan nyamanɛ rɔ, Mari ya a fɔ a ye ko, “I ni sɛgi Iyipiti nyamanɛ rɔ bawo minnu bi i faga-koe rɔ, wonu bara faga.” Musa tara a fɔ a biran-kei, Yɛtiro ye ko, “Sɛgi-sɔgɛ ye n na ka a lɔn ni n na-kelen-nyɔgɛnu bi nya min, tumado do ye nyɔ min kɛndɛ Iyipiti nyamanɛ rɔ.” Yɛtiro ya a fɔ Musa ye ko, “Awa ta, yo! Alamɛ Alla ya i kandan.”

Bɔ-Koe-Iyipiti 6:6

“Woletɔ a fɔ Isirɛla mɔgɛnu ye ko nde le anuta Mari la min si anu bɔ Iyipiti kɛnuna wɔlɛ kɔrɔ. N si anu bɔ yɔɔnyɛ rɔ ka anu kunka nta sɛnbɛ-makawanɛ la. N si Iyipiti mɔgɛnu tɔrɔ bɛrɛkɛ!

Yɛrɛmaya 33:9

Yerusalɛm si ale Mari lasewa. A si gbiliyɛ sɔrɔn ka a wasi soe wo la. Ale Mari ko a ara min kɛ Yerusalɛm ye, sibolo-gbɛrɛnu ba a lamɔɛn a ara anu nama-a-la nya min, anu si to yɛrɛyɛrɛnna kilan bolo.

Sakaraya 8:23

Mari Sɛnbɛ-Bɛɛ-Tigi ko wo wati wa ke, sibolo-gbɛrɛ mɔgɔ tan si Yahudiya mɔgɔ kelen madiya ko, “Ma ye a fɛ ka ta i fɛ bawo ma ya a lamɔɛn ko Alla ye Isirɛla mɔgɛnu fɛ.”

Yilan-Yilan Koe 10:29

Kɔnɔ yanni anu ni wuli ka bɔ Sinayi wulɛ rɔ, Musa ya a fɔ ala musi, wo kɔrɔ-keminɛ Hobabu ye ko, “A ara to doni ma ni ta kan tinɛ wo rɔ Mari ya min di ma ma. Mari ya lanyiri kiri ma ye ko ma si nɔnfuli siyaman sɔrɔn nyɔ. Ni ile nara kofu ma ma, ma si a ma, ile fanan ni do sɔrɔn.”

Kɛwɔlɛnu 14:27

Anu kera Antiyaki tumɛ min, anu ya Mari Yisata mɔgɛ bɛɛ ladɛn. Alla ya koe min kɛ anu ye, anu ya wo bɛɛ fɔ nyɔ-mɔgɛnu ye katarala a ya kilɛ laka sibolo-gbɛrɛnu ye nya min alako anu fanan ni dɛnkɛninya Mari ma.

Kɛwɔlɛnu 15:12

Nba, nyama bɛɛ ya anu tole masɔ kumɛ wo la a kin na! Alla ya kabana-koenu anubɛ tamasere min bɛɛ kɛ sibolo-gbɛrɛnu ye anuna wɔli fɛ, Banabasi anubɛ Pɔli ya wo bɛɛ rakaran anu ye.

Romu 15:18

N sa kuma-gbɛrɛkɛ fɔla fɔ Kirasiti ya min ke nde warala dɔrɔn. Sibolo-gbɛrɛnu bara Allala kumɛ bira ka a tɛgɛ nde, Pɔlila kawandilɛ anubɛ n kɛ-nya ma.

Yasowa 2:10

Ma ya a lamɔɛn fanan ko Isirɛla mɔgɛ bɛɛ bɔra Iyipiti tumɛ min, Mari ya kabana-koe do kɛ ka Kɔgɔ-Yi-Wulan gbala anu yarɔ, ado ma ya a lamɔɛn fanan ko Amora mansa filɛ minnu tɔgɛ Saihɔn anubɛ Ɔku, wo ya wonu faga Yorodan bɛ kɔma.

Yasowa 9:9

Anu ya a yabi ko, “Male bɔra nyamani-fɛ-yanyanɛ rɔ bawo ma ya a lamɔɛn wota Mari Alla ara min ma Iyipiti nyamanɛ rɔ.

Kɛlɛ-Kurugbɛnu 1:16

Nɛbi Musa biran-kei min bɔra Kena bɔnsɔn rɔ, wo kegeyɛnu bilara Yuda bɔnsɔn-mɔgɛnu fɛ ka bɔ Tamaro Kɔrɔ ka ta anu sigi Yuda bɔnsɔn anubɛ Amalɛkinu fɛ dugu la wula-da-rakolɔn rɔ Aradi soe dafɛ.

Kɛlɛ-Kurugbɛnu 4:11

Wo wati nyɛrɛ rɔ, kei do ye nyɔ min tɔgɛ Hibera. Kena mɔgɛ do le ale la. Musa biran-kei Hobabu kebila-nyɔgɛ le ale la. Hibera kɛ ya a bɔ a na-kelen-nyɔgɛnu kurun tɔ ka ta ala fani-bɔn sɔ a dan na kɔlɔma-kuri-latankani-wɛ do kɔrɔ min bi Seyanim soe burɔ Kɛdɛsi soe telen tɔ.