Bɔ-Koe-Iyipiti 17:7 - ALLALA KUMƐ

⁷ Isirɛla mɔgɛnu ya gbunya-kumɛ dabira Mari ma a kɔrɔbɔ-koe la min kɛ alako ka a lɔn ni Mari ye anu tɛma, ka, ni a sa anu tɛma. Woletɔ a ya kan tinɛ wo tɔgɔ sa Kɔrɔbɔ Tinɛ anubɛ Sɔnkɔ-Sɔnkɔya.

Bɔ-Koe-Iyipiti 17:7 Iomraidhean Croise

Yaburi 106:32

Mɔgɛnu ya a ma, Mari fonde bɔra Sɔnkɔ-Sɔnkɔ-Tenke dafɛ ha anu ya Musa don nanparan rɔ.

Yaburi 78:18

Anu ya a lawuli a ma ka Alla kɔrɔbɔ alako anu si anu nyɛrɛ diyana-dɔn-fan sɔrɔn nya min.

Yaburi 81:7

Wo ye kɔndɔfili rɔ tumɛ min, wo ya n takele. N ya wo lakisi.” Alla ko, “N dogonnɛ ya a labira banda-fin-gbɛ rɔ. N ya wo kɔrɔbɔ wulɔn kan tinɛ do rɔ anu bi min kelela Sɔnkɔ-Sɔnkɔ tenke.”

Yaburi 81:8

Alla ko, “Nta mɔgɛnu, wo ni wo tole masɔ nta kawandili-kan la. E, Isirɛla, alako wo ya wo tole masɔ n na nun, wo si diya n ye.

Yaburi 95:8

A ko wo kana ma tengberannu na iko wo benbanu mara nya min Sɔnkɔ-Sɔnkɔ-Tenke dafɛ, iko anu ya a ma nya min fanan Kɔrɔbɔ tinɛ wula-da-rakolɔn rɔ.

Bɔ-Koe-Iyipiti 17:2

Woletɔ mɔgɛnu nyɛɛra Musa ma ko, “Yi di ma ma.” Musa ya a fɔ anu ye ko, “Wo ye tɛgɛla Mari rɔ ka a kɔrɔbɔ nfenna ko la? Wo ye nyɛɛla nde ma kama worɔ?”

Bɔ-Koe-Iyipiti 34:9

A ko, “E, Mari, ni n di i ye, i yandi, i ni ta ma tɛma kamasɔrɔn ila mɔgɛ kɛnu tengberenta. I ni mala yogoyɛ anubɛ mala hakɛ makoto ka ma ma i halalɛ la.”

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Yilan-Yilan Koe 14:22

nba, anu do-wo-do ti don Kenan nyamanɛ rɔ. Anu damasi ya nna ta-waan wo yen serr! Anu ya kabana-ko-siyaman yen n ya min ma Iyipiti anubɛ n ya min ma wula-da-rakolɔn rɔ. Anu ya a yen, n ya n munyu anu kɔrɔ iko siyaman. Hali wo, anu ma sɔn ka nta kumɛ bira.

Yilan-Yilan Koe 20:13

Mari ya ata telenbagayɛ yira anu na nyɔ. Anu ya yi kɛ tɔgɔ sa “Sɔnkɔ-Sɔnkɔ Tenke” bawo Isirɛla mɔgɛnu kumara Mari ma nyɔ.

Yilan-Yilan Koe 20:24

“Aruna ti don lanyiri-nyamanɛ wo rɔ. A ye so-sɛgi-kɛla yan de bawo wo murutiyara n ma Sɔnkɔ-Sɔnkɔ Tenke dafɛ.

Yilan-Yilan Koe 27:14

bawo wole mɔgɔ filɛ ya n kuman-kan tinya wo tumɛ wo ye Sini wulɛ rɔ. Mɔgɔ damasi ya gbunya-kumɛ fɔ n ma Sɔnkɔ-Sɔnkɔ Tenke dafɛ. Wo ma sɔn ka nta gbiliyɛ anubɛ nta fanka yira mɔgɛnu na.” (Sɔnkɔ-Sɔnkɔ Tenke kɛ le Sini wulɛ rɔ Kɛdɛsi soe dala.)

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Tɔn-Fɔɛ-Fila-Nyɔgɛ 31:17

Wo wa ma tumɛ min, n fonde si bɔ anu kuma ka n kan-kɔ sɔ anu na. Anu si masiba-koenu sɔrɔn. Anu ba koe kɛnu yen mala anu na tumɛ min, anu si a lɔn worɔ ko nde min bi anuta Alla la, nde sa anu fɛ.

Tɔn-Fɔɛ-Fila-Nyɔgɛ 33:8

Musa duwara Lifayi bɔnsɔn-mɔgɛnu fanan ye ka le ko, “Kuru filɛ min tɔgɛ Yurim anubɛ Tumin min bi saraka-masɔla-kun-tigi kɔgɔ-dala-kurɛ ma, ma si Mari sako lɔn wonu fɛ tuma-wo-tuma bawo i ya male Lifayi mɔgɛnu yabɔ i nyɛrɛ ye ila wɔlɛla ko la. I ya Lifayi mɔgɛnu nakɔrɔsi nde, Musa rɔ Kɔrɔbɔ Tinɛ rɔ. Lifayi mɔgɛnu ya yakɔrɔ-mamɔɛ sɔrɔn nde, Musala ko la Sɔnkɔ-Sɔnkɔ Tenke dafɛ.

Tɔn-Fɔɛ-Fila-Nyɔgɛ 6:16

“Wo kana wota Mari Alla kɔrɔbɔ iko wo ya a ma nya min Kɔrɔbɔ-Tinɛ wulɔn.

Tɔn-Fɔɛ-Fila-Nyɔgɛ 9:22

“Wo tumɛ wo ye Kɔrɔbɔ Tinɛ, wo ya a ma, Mari fonde bɔra wo kan ma. Wo kɔma, wo ye Ta-Layigi Tinɛ tumɛ min, wo ya a ma, Mari fonde bɔra wo kuma nyɔ. Ma ya nyɔ boloka tumɛ min ka ta kan tinɛ do rɔ, ma ya a fɔ min ma ko Ko-Latenbi-Kaburu-Soe, wo ya a ma, Mari fonde bɔra wo kuma nyɔ tun.

Yasowa 22:31

Finihasi ya anu yabi ko, “Ma ara a lɔn gbɛ ko Mari ye ma tɛma bawo wo ma hakɛ kɛ Mari la iko ma mirinɛ a ma nya min nun. Ma si na Mari Allata tɔrɔyɛ min sɔrɔn nun, wo ara ma damasi kisi wo ma.”