Bɔ-Koe-Iyipiti 16:8 - ALLALA KUMƐ

⁸ Musa ya a fɔ ko, “Wo si a lɔn ko Mari le ale la min si mɛya-fan di wo ma wura-wo-wura ka dɔn-fan di wo ma sɔgɔma-wo-sɔgɔma wo si minnu dɔn ka wasa. A ye wo mala bawo a ye wo gbunya-kan lamɔɛnna. Wo ye gbunya-kumɛ min fɔla male ma, wo sa a fɔla male ma, fɔ Mari.”

Bɔ-Koe-Iyipiti 16:8 Iomraidhean Croise

Bɔ-Koe-Iyipiti 16:12

“N bara Isirɛla mɔgɛnuna gbunya-kumɛ lamɔɛn. A fɔ anu ye ko anu si mɛya-fan dɔn bi wurɛ la. Sɔgɔma, anu si fa dɔn-fan la. Anu si a lɔn yati, ko nde le anuta Mari Alla la.”

Bɔ-Koe-Iyipiti 16:9

Musa ya a fɔ Aruna ye ko, “A fɔ Isirɛla mɔgɛ bɛɛ ye ko anu ni anu kundɛn kan-tina-kelen Mari yakɔrɔ kamasɔrɔn a ara anuta gbunya-kumɛ lamɔɛn.”

Bɔ-Koe-Iyipiti 17:2

Woletɔ mɔgɛnu nyɛɛra Musa ma ko, “Yi di ma ma.” Musa ya a fɔ anu ye ko, “Wo ye tɛgɛla Mari rɔ ka a kɔrɔbɔ nfenna ko la? Wo ye nyɛɛla nde ma kama worɔ?”

Aiseya 32:6

Kun-takolɔn si kuntanya-kumɛ le fɔ ka a miri ko-yogomɛnu ma. A kɛ-nya anubɛ a darɔ-kan, wo bɛɛ manɛ Alla manyini-fan le la. Mɔgɛ wo ti dɔgɔma di kɔnkɔtoe ma. A ti yi di kan-nagbalatoe ma.

Aiseya 37:29

A ko a ara diminya min kɛ, Mari ara wo nya-yen. A ko a ara ala wasinteyɛ lɔn. Mari ko a si a sunyɛ-sɔgɔ-lunyɛ la ka karafɛ kɛ a dɛ ma ka a lasɛgi a gbere fɛ a bɔra kan min.”

Yilan-Yilan Koe 11:18

Musa ya a fɔ mɔgɛnu ye ko, “Mari ko koe min bi nala mala sina, wo ni wo nyɛrɛ rabɛn wola ko la. A ko sina, wo si soge dɔn. A ko a ya wo gbɛngbɛrɛn-kan lamɔɛn wo ye a fɔla ko mɛya ma wo bira Iyipiti. Wo ko nyɔ di yan ko.

Yilan-Yilan Koe 14:27

“Mɔgɔ-yogomɛ kɛnu si to gbunya-kumɛ fɔla n ma ha wati mintan? Mɔgɛ kɛnuna gbunya-kumɛ sɔgɔ-wo-sɔgɔ sa n na tun!

Yilan-Yilan Koe 21:7

Mɔgɛnu nara di Musa dala. Anu ko, “Ma ara hakɛ kɛ wobɛ Mari la. I ni Mari madiya ko a ni sagan-fan kɛnu bɔ ma tɛma.” Musa ya madiyali kɛ anu ye.

Matiyu 10:40

“Mɔgɔ-wo-mɔgɔ min ba wole, nta karan-dannu tabira, wo ara nde rabira. Nba, ni min ya nde rabira, a ara ale fanan tabira min ya n sɔ.

Matiyu 9:4

Yisa ya anuna miriya ragbɛ. A ko, “Wo ye wo mirila ko-yogomɛ ma nfenna?

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Yɔni 13:20

“N bi tonyɛ fɔla wo ye, min ba nna kilayɛ rabira, wo ara nde fanan rabira. Min ba nde rabira, wo ara wo rabira min ya n sɔ.”

Romu 13:2

Ni min ya kun-tigi wonu sɔsɔ, wo ye Allala ko-latɛgɛnɛ le sɔsɔla, ado ni min ya wo ma, wo si kiti lana a nyɛrɛ kuma.

1 Kɔrɛnti 10:10

Ma kana kɔrɔtɔ iko wo donu ya a ma nya min, ha niyi-bɔ-melika ya anu kasara.

1 Tɛsalonaika 4:8

Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.

1 Samuwɛli 8:7

Mari ya a fɔ ale Samuwɛli ye ko, “Mɔgɛnu bara min fɔ i ye, i ni i tole masɔ wo la. Anu sa anu banna ilela kun-tigiyɛ ma. Anu bi anu banna nde letɛ ma.