Bɔ-Koe-Iyipiti 15:9 - ALLALA KUMƐ

⁹ I yogenu ko anu si ma sagaran ka ma bira ka mata nɔnfuli rafara anu nyɔgɔn tɛma. Anu ko anu si anuna faannu sagan anu lɛɛ rɔ ka bui ma ma.

Bɔ-Koe-Iyipiti 15:9 Iomraidhean Croise

Ko-Dabirɛnu 49:27

“Ile Bɛnyamɛ, i bɔnsɔn si to anu yogenu birala iko suluku-feremɛ si to sogenu birala sɔgɔma ani wurɛ la nya min.”

2 Samuwɛli 22:38

N tora n yogenu sagaranna ka anu nɔ. N ma sɛgi muk, fɔ n ya anu nato min kɛ dogbe!

1 Mansɛnu 19:2

Yɛsɛbɛli wo ya a sara Nɛbi Ilaya wara ka a fɔ a ye ko, “Kɛ nyɔgɔn tumɛ sina, ni n ti a ma i la iko i wara a ma nna nɛbinu na nya min, alamɛ nna bɛsɛnu ya n gbesi a rɔ.”

1 Mansɛnu 20:10

Mansɛ wo ya kilaya-gbɛrɛkɛ don anu bolo tun. Kilayɛ wonu ke Isirɛla mɔgɛnuna Mansa Ehabu ma, anu ya a fɔ a ye ko, “Mansa Bɛnhedadi ko ni a ti na kɛlɛ-den-siyamɛnu na ka ila soe kɛ bunden, a ko alamɛ ala bɛsɛnu ya a gbesi a rɔ, ado a ko hali ila soe kɛ gbangban ti anu bolo tabɔ.”

Bɔ-Koe-Iyipiti 14:5

A lamɔɛn ale Iyipiti mansɛ bolo ko Isirɛla mɔgɛnu bara ban tala, ale mansɛ anubɛ ala mɔgɔ-banu ya anu miriya yɛlɛma anuna ko la. Anu ko, “Ma ara nfen ma kɛ? Ma ara nfen yuwaya-ko ladan kɛ la ka Isirɛla mɔgɛ kɛnu boloka. Ma ara foo mala yɔɔnnu na filili!”

Hɛnkilimaya-Kumɛnu 16:19

Yanni wobɛ mɔgɔ-wasinɛnu ni nɔnfuli tala wo nyɔgɔn tɛma, a fisa, i ni to sigini bolo-kolonyɛ rɔ mɔgɔ-famayiginɛnu tɛma.

Aiseya 36:20

A ko fanan, bɛsɛ kɛ do-wo-do ma ke ala nyamanɛ kunkala a ma. Nfenna wole mirinɛ ko ‘Mari’ si Yerusalɛm soe kɛ kunka a bolo?”

Aiseya 53:12

Mari ko a si mɔgɔ-siyaman ma aletɛ la. Mɔgɔ-siyaman si ma a halalɛ la iko mansɛnu bi fan min sɔrɔnna kɛlɛ rɔ. A ya a nyɛrɛ niyi di foninsereyɛ la. Mɔgɛnu ya a bira iko ko-yogoma-kɛlɛ A tara mɔgɔ-siyaman hakɛ la a bolo ka makotolɛ nyini hakɛ-tiginu ye a bolo.

Yɛrɛmaya 46:17

Mari ko n ni Iyipiti mansɛ tɔgɔ-kurɛ sa ko, “Sɔnkɔ-Gbansan Min Foora ala Mansaya-Tumɛ la.”

Habakuku 3:14

Anuna kɛlɛ-dannu nara ma kan ma tumɛ min iko fɔnyɔ ka ma ranyɛnsɛn, anu bara anu nyɛrɛ kɔrɔbi iko minnu bi bolo-kolɔnnu tɔrɔla dogɔn tɔ kɔnɔ ila banda-nyin-masɔgɛ donta anuna kɛlɛ-den-kunyɛ rɔ pirin!

Luka 11:22

Kɔnɔ ni min fanka kolo atɛ ko, ni wo buira a ma ka a nɔ, fankalamɛ wo lanɛ kɛlɛ-kɛ-fan minnu na, a si kɛlɛ-kɛ-fan wo bɛɛ bi ka a bolo-fan bɛɛ fara mɔgɛnu na.

Kɛlɛ-Kurugbɛnu 5:30

‘Tumado nɔnfulu-tala-koe le wara anu mɛ kɔrɛ. Tumado kɛlɛ-dan donu si musu fila-fila sɔrɔn. Donu si kelen-kelen sɔrɔn. Tumado Sisara ara duruku-bonni-hakikɛ do sɔrɔn kɔrɛ. A si na kura-hakikɛ do la n ye kɔrɛ.’ ”

1 Samuwɛli 30:8

Dawuda ya Mari manyinika, a ko, “N ni mɔgɛ kɛnu sagaran, ba? N si anu nasɔrɔn?” Mari ya a fɔ a ye ko, “Ta, i si ke anu tɔ. Anu bara ila mɔgɛ minnu bɛɛsi bira, wo si wonu kunka.”