Bɔ-Koe-Iyipiti 15:8 - ALLALA KUMƐ

⁸ I ya fɔnyɔ min nabɔ i karɛ rɔ, wo ya yi kɛ fara fila la ka anu nadɛn anu nyɔgɔn kuma tala iko dandan. Yi-ladɛnnɛ wo gbɛlɛyara gbon, iko dandan!

Bɔ-Koe-Iyipiti 15:8 Iomraidhean Croise

2 Samuwɛli 22:16

Mari nyɛɛra a yogenu ma tumɛ min ka anu makuma, ma ya kɔgɔ-yi duma kole anubɛ dugi kuru-kɛ-tinɛ yen ma yɛ la.

Yobu 4:9

Alla wa anu fɛ, anu si halaki. Ni Alla fonde bɔra, anu si kasara.

Yaburi 33:7

A ya kɔgɔ-yi ladɛn daga kelen tɔ. A ya kɔgɔ-yi-dumɛ balan iko mɔgɛ wa fui-fan kɛ bondɔn rɔ.

Yaburi 78:13

A ya kɔgɔ-yi fara fila la ka anu natenbi nyɔ rɔ. A ya a ma, yi wonu sɔra anu gbɛ rɔ iko dandan.

Bɔ-Koe-Iyipiti 14:29

Kɔnɔ wo ya a taran, Isirɛla mɔgɛnu bara ban tenbila kɛn-gbalanɛ wo kuma Kɔgɔ-Yi-Wulan tɛma nun. Yi labɛnta anu bolo-nyimɛ rɔ anubɛ anu maran rɔ.

Aiseya 11:4

A si bolo-kolɔnnu kiti telenbagayɛ la. A si mɔgɔ-tɔrɔnɛnu dɛnbɛn anu yoe wara-koe rɔ. A wa ban min yilikila, wonu si tɔrɔyɛ le sɔrɔn, ado a si wunduyogenu faga.

Aiseya 37:7

Mari si a ma, Asiriya mansɛ ni kumɛ do lamɔɛn. Wo si a ma, anubɛ ala mɔgɛnu ni anu buri tala anuta nyamanɛ rɔ. Mari si a ma, anu ni ale mansɛ faga nyɔ rɔ.”

Habakuku 3:10

Kɔnkɛnu bara i yen tumɛ min, anu tora yɛrɛyɛrɛnna. San-kole ya a dɛ bɔ banda-yi kɔrɔ. Yi min bi dugu kɔrɔ, wo ya dugi punsɔgɔ kurɔn bolo. A tora tugula a rɔ.

Habakuku 3:15

Ila soeenu ya kɔgɔ-yi ratɛntɛn ha a kanfara.

2 Tɛsalonaika 2:8

Nba, “Kirasiti-yogo-finma-wɛ” wo wa bɔ gbɛ rɔ tumɛ min, Mari Yisa si a faga a darɔ-fɔnyɔ la. Marila nɛ si a halaki ala gbiliya-makawanɛ la.

Yasowa 3:13

Saraka-masɔlɛnu ba anu kian sɔ yi rɔ tumɛ min, yi wo si gbala. Yorodan-ba-yi la si dɛn anu nyɔgɔn kuma,”

Yasowa 3:16

Anu ya wo ma wati min, yi gbalata. Yi ladɛnta anu nyɔgɔn kuma ha ka ke Adam soe ma min bi Saraten soe dafɛ kan tɔ. Yi min bi dugula wara la, wo gbalata ha ka ke yi do ma min tɔgɛ le Dalɛ Faganɛ.