Bɔ-Koe-Iyipiti 15:16 - ALLALA KUMƐ

¹⁶ Kilan si wara anu tɔ. Anu ta si faga kuluba! Anu bi ita sɛnbɛ yenna min kɛ, anu si to anu gbɛ rɔ iko kuru-kundi ha ma ni ban tenbila, i wara male minnu kunka yɔɔnyɛ rɔ kɛ la, kɔni.

Bɔ-Koe-Iyipiti 15:16 Iomraidhean Croise

Ko-Dabirɛnu 35:5

Anu ya tagama dabira tumɛ min, Alla ya kilan don anu dafɛ-sorɔ-mɔgɛnu tɔ. Wo le ya a ma, anu ma Yakoba anubɛ ala den-keinu sagaran.

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

Yaburi 105:38

Iyipiti kɛnu kilannɛ anu na nun, ado anuna tɛ wo diyara anu ye.

Yaburi 74:2

I wara ita mɔgɛ minnu yabɔ i nyɛrɛ ye bi-ko-ma, i miri anu ma, i ya minnu kunyɛ bɔ yɔɔnyɛ rɔ ka anu ma i halala mɔgɛnu na, kɔni. I miri Yerusalɛm soe ma i mayiginɛ kan min nun.

Yaburi 89:14

Ila mansaya-kuri kɛnɛ tonyɛ anubɛ telenbagayɛ le la. I ye koe min bɛɛsi ladanna, ma ye ila hinɛ anubɛ lanayɛ yenna wonu tɔ.

Bɔ-Koe-Iyipiti 11:7

Kɔnɔ hali wulinu ti wɔnwɔn Isirɛla mɔgɛnu ma anubɛ anuna kolo-fannu.” Musa ya a fɔ ale mansɛ ye tun ko, “Wo si a lɔn wo rɔ ko Mari si dan-nafarɛ to Iyipiti mɔgɛnu anubɛ Isirɛla mɔgɛnu tɛma.

Bɔ-Koe-Iyipiti 15:13

I ya male min kunka, i si ta ma yarɔ ita keninteya-banbɛlɛ la ka sɔ ma yarɔ ita sɛnbɛ la ha ma si ke nyamanɛ wo rɔ i ye i mayigila kan min.

Bɔ-Koe-Iyipiti 15:5

Ale mansɛla mɔgɔ-ba wonu tora yi wo rɔ. Anu yigira yi kɔrɔ iko kuru-kundi. Yi ya anu yamatogon.

Bɔ-Koe-Iyipiti 15:6

“E, Mari, i wara ko-makawani-belebele kɛ ma ye i kɔɛn-nyimɛ la. I kɔɛn-nyimɛ ara i yogenu bunden ma ye.

Bɔ-Koe-Iyipiti 18:8

Mari ya koe min bɛɛsi sigi Iyipiti mansɛ anubɛ ala mɔgɛnu na, Musa ya wo bɛɛsi dantɛgɛlɛ sa a biran-kei wo ye. Anu ya tɔrɔyɛ sɔrɔn nya min kilɛ la, a ya wo rakaran a biran-kei wo ye. Mari ya anu kisi nya min, a ya wo fanan takaran a ye.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Bɔ-Koe-Iyipiti 23:20

“N si melika sɔ wo yarɔ ka wo kandan kilɛ la ha wo si don kan tinɛ wo rɔ n bara min tabɛn wo ye.

Bɔ-Koe-Iyipiti 23:22

Kɔnɔ ni wo ya wo tolo masɔ a kuman-kan la ka a latɔnbagaya, wo yogenu si ma n yogenu na. Wo kɛlɛ-nyɔgɛnu si ma n kɛlɛ-nyɔgɛnu na.

Bɔ-Koe-Iyipiti 23:27

“N si wo yogenu takilan wo yarɔ. Anu kɔndɔ si fili pirikali! Wo yoge bɛɛ si anu buri wo kɔrɔ.

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Aiseya 51:10

Ile le ya kɔgɔ-yi-bolɔn do gbala a worɔn la wulɔn ka kilɛ sa a tɛma gbonkan! Wo ya a ma, ila mɔgɔ-kisinɛnu tɛgɛra nyɔ. Ila mɔgɛnu kunkara nyɔ.

Aiseya 63:12

Mari min ya ata fanka mayira Musa rɔ ka kɔgɔ-yi fara fila la ha ala mɔgɛnu banta tenbila, wo ye mintɔ? Nba Mari ara a nyɛrɛ tɔgɔ lawanka kabana-koe wo fɛ.

Yɛrɛmaya 31:11

A ko a ara Isirɛla mɔgɛnu kunka ka anu kunyɛ bɔ gbaran rɔ sibolo-fankalamɛ bolo.

Isikiyɛli 16:8

“ ‘Nde, Mari tenbimatoe tun, n ya i taran nkɛkuna, n ya i yen ko i wara ke. Woletɔ n ya nna duruki-ba-tɔnkɔn lata ka a mamɔrɔ-mɔrɔ i gbu-makolɔn ma bawo i di n ye. N ya lanyiri kiri ka a tɛgɛ i furu-koe ma. Ile mara ntɛ la. Nde, i Tigi Mari kan le kɛ la.

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

Tɔn-Fɔɛ-Fila-Nyɔgɛ 11:25

Wo tara nyamanɛ wo kan-tina wo kan-tina rɔ, wota Mari Alla si a ma, nyɔ-mɔgɛnu ni kilan wo la iko a ya lanyiri kiri wo ye nya min. Mɔgɔ-wo-mɔgɔ ti ke kilɛ tɛgɛla wo ma.

Tɔn-Fɔɛ-Fila-Nyɔgɛ 2:25

Ka a dabira bi ma, Mari si a ma, duninya-mɔgɛ bɛɛ si kilan wo la. Anu ba wo tɔgɛ lamɔɛn tumɛ min, anu si yɛrɛyɛrɛn.’ ”

Tɔn-Fɔɛ-Fila-Nyɔgɛ 2:4

A ko n ni wo hɛnkili bila kumɛ kɛ la, n bi nala min fɔla wo ye kaka ko, ‘Wo si tenbi Idɔm kɔnkɔ-nyamanɛ rɔ. Idɔm kɛ kɛnu bɔra wo benba Yakoba na-kelen-nyɔgɛ do rɔ min tɔgɛ Isɔ. Kɛmɔgɔni-kelan-sɔrɛ le wobɛ wonu na. Wonu si kilan wo la

Tɔn-Fɔɛ-Fila-Nyɔgɛ 32:6

Wole mɔgɔ-fufafuyinu anubɛ hɛnkilibɔnɛnu, wo ya Mari sara wola fisiriwɔlitayɛ kɛ le la, wa? Wo fa anubɛ wo Dali-Mari le ale la min ya wole ma bɔnsɔn kelen na.

Tɔn-Fɔɛ-Fila-Nyɔgɛ 32:9

Kɔnɔ a ya Yakoba bɔnsɔn-mɔgɛnu namara a nyɛrɛ ye.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Yasowa 2:9

ka a fɔ anu ye ko, “N bara a lɔn ko wota Mari Alla ya nyamanɛ kɛ di wole, Isirɛla mɔgɛnu denu ma. N ya a lɔn fanan ko Kenan nyamanɛ mɔgɛ bɛɛ kilannɛ wo la.

Yasowa 4:24

Mari ya kɛ ma alako mɔgɛ bɛɛsi ni a lɔn ko sɛnbɛ-bɛɛ-tigi le ale Mari la. Woletɔ anu fanan ni to Mari Alla gbiliyala habadan!”

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

2 Pita 2:1

Foninya-nɛbinu bi fɔlɔ-mɔgɛnu tɛma nya min nun, foninya-karan-mɔgɛnu si taran wo fanan tɛma wo nya na le. Anu si na foninya-karan la, min si halakilɛ kɛ. Mari min ya anu hɔrɔya, anu ya anu kan-kɔ sɔ wo la. Wo si halaki-lakalimɛ lana anu nyɛrɛ kuma.

1 Samuwɛli 2:9

“Ale le si ata mɔgɔ-latelennɛnu niyi latanka kɔnɔ karagbɛlɛnu na si to pinpi rɔ dogbe, bawo mɔgɔ nyɛrɛta sɛnbɛ dɔrɔn ti a ma, a ni ta yarɔ.

1 Samuwɛli 25:37

Baan bɔɛ a yɛ la sɔgɔma, koe min bɛɛsi tenbira, Abigɛli ya wonu takaran a ye. Wo lamɔɛn a bolo, a yisi tɛgɛra bao! A fɛrɛ mɔlɔkɔnta.