Bɔ-Koe-Iyipiti 15:10 - ALLALA KUMƐ

¹⁰ Kɔnɔ i karatɔ-fɔnyɔ ya Kɔgɔ-Yi-Wulan latugu anu kuma. Yi sara anu kuma. Anu yigira yi kɔrɔ iko nɛgɛ-kundi.

Bɔ-Koe-Iyipiti 15:10 Iomraidhean Croise

Ko-Dabirɛnu 8:1

Alla ma nyina Nowa anubɛ soge wonu ko minnu bi kulɔn wo rɔ nun. Alla ya fɔnyɔ latugu ka yi masagan.

2 Samuwɛli 18:8

Kɛlɛ wo nyɛnsɛnta Isirɛla nyamanɛ tɔnkɔn kɔgɔ la. Gbɔngbɔn wo ya mɔgɛ yirika min faga, wonu siya kɛlɛta mɔgɔ-faganɛ ko.

Nihɛmaya 9:11

I ya Kɔgɔ-Yi-Wulan fara fila la ila mɔgɛnu ye alako anu ni tenbi dugu-gbalanɛ kuma ka anu yogenu nabui yi rɔ iko kuri. I ya yi keri anu kun na.

Yaburi 135:7

A si banda-finyɛ lana ka bɔ dugu-dan la. A ye san-sɛran anubɛ bandɛ lanala. A si fɔn-barɛ dɛ laka duninya kuma.

Yaburi 147:18

Yanni a ni ban a fɔla duri ma ko, “Gbala,” a ara gbala todo! A tenbi fɔnyɔ lanala, banda ye wo sagaranna.

Bɔ-Koe-Iyipiti 14:21

Musa ya a bole rasagan Kɔgɔ-Yi-Wulan wo kuma. Mari ya fɔn-belebele-wɛ do lana ka bɔ tele-bɔɛ wara la suyi wo nyɛrɛ rɔ ka Kɔgɔ-Yi-Wulan wo tɛ tɛgɛ fila la ka nyɔ gbala todo!

Bɔ-Koe-Iyipiti 15:5

Ale mansɛla mɔgɔ-ba wonu tora yi wo rɔ. Anu yigira yi kɔrɔ iko kuru-kundi. Yi ya anu yamatogon.

Hɛnkilimaya-Kumɛnu 30:4

Kɔnɔ mɔgɔ yon bara yɛlɛ Arinyɛni tɔ ka sɛgi tun? Mɔgɛ yon bara ke a bole lagburula fɔnyɔ ma? Mɔgɛ yon bara ke kɔgɔ-yi-mumɛ bɛɛsi kɛla ala duruki rɔ ka ala duruki lagburu a ma? Mɔgɛ yon bara dugu-kole dan sa? Mɔgɛ kɛ anubɛ ala dan tɔgɛ ye kama? Ni min ya wonu tɔgɔ lɔn, i ni anu tɔgɔ ratɛgɛ n ye.

Aiseya 11:15

Mari si a ma, Kɔgɔ-Yi-Wulen bolɔn doi ni gbala todo! A si fɔn-kalamɛ lana min si Yufereti bɛ gbala todo! Fɔ yi-ni wɔrɔnfila, wonu denu dɔrɔn bi tola anu worɔn la. Mɔgɛ si a kian latenbi anu kuma.

Yɛrɛmaya 10:13

A nɛn-naban kumala, bandɛ si tugu. A si a ma, banda-yi la ni dɛn dagɛ rɔ ka bɔ duninya kan-tinɛ bɛɛ rɔ. A si san-sɛran anubɛ bandɛ lana. A si fɔnyɔ labɔ ala fɔn-barɛnu tɔ.

Yɛrɛmaya 46:17

Mari ko n ni Iyipiti mansɛ tɔgɔ-kurɛ sa ko, “Sɔnkɔ-Gbansan Min Foora ala Mansaya-Tumɛ la.”

Emɔsi 4:13

Sɛnbɛ-Bɛɛ-Tigi le ale Mari la. Ale Alla nyɛrɛ le ya kɔnkɛnu anubɛ fɔnyɔ ladan. Ale le si a ma, hadama-dannu ni a miriyanu lɔn. Ale le ye suyi anubɛ tele labɔla. Ale le ye duninya bɛɛ kuma mansayɛ la.

Matiyu 8:27

Karan-dan wonu bɛɛ kawara. Anu ya anu nyɔgɔn manyinika ko, “Nfen mɔgɔ-sufa ye kɛ la? Hali fɔnyɔ anubɛ yi ye ata kumɛ birala!”

Tɔn-Fɔɛ-Fila-Nyɔgɛ 11:4

Iyipiti mansɛ anubɛ a kɛlɛ-dannu bi wo sagaranna tumɛ min, wo ya a yen wo nyɛrɛ yɛ la wota Mari Alla ya Kɔgɔ-Yi-Wulan latugu anubɛ anuna kirindinu anubɛ anuna soeenu kuma nya min.