Bɔ-Koe-Iyipiti 14:9 - ALLALA KUMƐ

⁹ Iyipiti kɛlɛ-dannu tara Isirɛla mɔgɛnu sagaranna anuta kirindinu na anubɛ anuna soeenu na anu bolo. Anu gbɛrɛnta anu ma anu daga-makɛnɛ kan min Kɔgɔ-Yi-Wulan dafɛ, Paihahirɔti da la, Beyali-Sifɔn ya-telen ma.

Bɔ-Koe-Iyipiti 14:9 Iomraidhean Croise

Bɔ-Koe-Iyipiti 13:18

Kɔnɔ Alla ya anu nabɔ anuna kɛlɛ-kɛ-mirannu na anu bolo Iyipiti nyamanɛ rɔ kilɛ laminimininɛ fɛ Kɔgɔ-Yi-Wulan wara la wulɛ rɔ.

Bɔ-Koe-Iyipiti 14:2

“A fɔ Isirɛla mɔgɛnu ye ko kan tinɛ do ye nyɔ min tɔgɛ Paihahirɔti min bi Migidɔli soe anubɛ Kɔgɔ-Yi-Wulan tɛma, anu ni sɛgi ka ta anu daga makɛ nyɔ rɔ. Anu ni ta anu daga makɛ Kɔgɔ-Yi-Wulan dafɛ Beyali-Sifɔn ya-telen ma.

Bɔ-Koe-Iyipiti 15:9

I yogenu ko anu si ma sagaran ka ma bira ka mata nɔnfuli rafara anu nyɔgɔn tɛma. Anu ko anu si anuna faannu sagan anu lɛɛ rɔ ka bui ma ma.

Yilan-Yilan Koe 33:7

Anu bɔra nyɔ ka sɛgi anu kɔma ka tenbi Paihahirɔti soe dafɛ ka anu daga makɛ Beyali-Sifɔn soe tele-bɔɛ wara la Migidɔli soe dafɛ.

Yasowa 24:6

Kɔnɔ Iyipiti mɔgɛnu ya anuna kirindinu bi ka Isirɛla mɔgɛnu sagaran ha ka ta ke Kɔgɔ-Yi-Wulan ma.