Bɔ-Koe-Iyipiti 14:8 - ALLALA KUMƐ

⁸ Isirɛla mɔgɛnu bɔra Iyipiti nyamanɛ rɔ yisi-latɛgɛ rɔ Alla baraka rɔ kɔnɔ Mari ya ale Iyipiti mansɛ yisi gbɛlɛya tun ha anu ya Isirɛla mɔgɛnu sagaran.

Bɔ-Koe-Iyipiti 14:8 Iomraidhean Croise

Yaburi 105:43

Woletɔ a ya ala mɔgɔ-yabɔnɛnu nabɔ. Anu bi sɔnkɔla ka baraka-bira-bɛtinu bɔ sewɛ la.

Yaburi 86:13

Ila keninteya-dannatɛgɛbɛlɛ kolo n ye. I wara n nakanan lakira-masibɛ ma.

Bɔ-Koe-Iyipiti 10:27

Kɔnɔ Mari ya ale mansɛ yisi gbɛlɛya. A ma sɔn anu boloka-koe ma.

Bɔ-Koe-Iyipiti 13:16

Musa ya a fɔ anu ye tun ko, “Kunkɛ kɛ ni ma wo hɛnkili-bila-fan la. A ni ma iko hɛnkili-bila-fan min bi mɔgɛ bole anubɛ a telɛ ma. Mari si na wo labɔ Iyipiti nyamanɛ rɔ ata sɛnbɛ la tele min tɔ, wo si wo dɛnbɛ ka wo hɛnkili bila wo tele ko.”

Bɔ-Koe-Iyipiti 13:18

Kɔnɔ Alla ya anu nabɔ anuna kɛlɛ-kɛ-mirannu na anu bolo Iyipiti nyamanɛ rɔ kilɛ laminimininɛ fɛ Kɔgɔ-Yi-Wulan wara la wulɛ rɔ.

Bɔ-Koe-Iyipiti 13:9

Iko hɛnkili-bila-fan min kirinɛ mɔgɛ bole anubɛ a telɛ la, ladɛn kɛnu si ma wo hɛnkili-bila-fan la wo nya na le ko Mari ya wole labɔ yɔɔnyɛ rɔ Iyipiti nyamanɛ rɔ ata sɛnbɛ la. Woletɔ Marila tɔnnu ni to wo yisi rɔ. Wo nagankuri ni nama a fɔ tinɛ wo sɛbɛ la tuma-wo-tuma.

Bɔ-Koe-Iyipiti 14:17

N si Iyipiti kɛnu yisi gbɛlɛya. Anu si wo sagaran kirindi la yi-worɔn wo la. N si gbiliyɛ sɔrɔn ale mansɛ anubɛ ala kɛlɛ-dannuta halakiyi fɛ. Iyipiti kɛnu si a lɔn yati ko nde le Mari la.”

Bɔ-Koe-Iyipiti 14:4

N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Bɔ-Koe-Iyipiti 14:7

A ya Iyipiti mɔgɛnuta kirindinu bi ka wonu sa ata kirindi-hakikɛ kɛmɛ wɔrɛ (600) kuma. A ya kɛlɛ-kurugbɛnu sigi kirindi wo bɛɛsi kun na.

Bɔ-Koe-Iyipiti 15:9

I yogenu ko anu si ma sagaran ka ma bira ka mata nɔnfuli rafara anu nyɔgɔn tɛma. Anu ko anu si anuna faannu sagan anu lɛɛ rɔ ka bui ma ma.

Bɔ-Koe-Iyipiti 4:21

Mari ya a fɔ Musa ye ko, “I wa sɛgi Iyipiti nyamanɛ rɔ tumɛ min, n bara i labila ko-makawanɛ minnu na kɛ la, i ni wonu nadan mansɛ yala. Hali wo, n si ale mansɛ yisi gbɛlɛya. A ti sɔn ka nta mɔgɛnu boloka.

Bɔ-Koe-Iyipiti 6:1

Mari ya a fɔ Musa ye ko, “N si na min ma ale mansɛ la, i si wo yen i nyɛrɛ yɛ la kaka. Nta sɛnbɛ si a ma, a ni wo boloka, ado a si wo gben ka wo labɔ ata nyamanɛ rɔ.”

Bɔ-Koe-Iyipiti 9:12

Mari ya mansɛ yisi gbɛlɛya. A ma a tole masɔ anuna kumɛ la. Iko Mari ya a fɔ Musa ye nya min nun, a kuman-kan wo bɔra-a-la. (7) Banda-Kole Wara-Koe

Nimisa Koe 3:65

Ko-yogomɛ sigi anu na alako anu yisi ni tinya pɔ!

Saraka-Masɔlɛnuta Tɔnnu 26:13

N nara wo la ka bɔ Iyipiti alako wo kana ma yɔɔnnu na tun. N bara wo kunyɛ bɔ gbaran rɔ ka wo hɔrɔya. Wo ye tagamana iko dunu-gbilimɛ wa bɔ mɔgɛ min kuma.”

Yilan-Yilan Koe 33:3

Isirɛla mɔgɛnu bi Iyipiti tumɛ min, Mari ya Iyipiti den-kei fɔlɔtɛ mumɛ bɛɛsi faga ka a yira Iyipiti mɔgɛnu na ko fanka ye Isirɛla mɔgɛnuta Alla bolo ka tenbi Iyipiti kɛnuta bɛsɛnu na. Saya-melika tenbira Iyipiti nyamanɛ rɔ lunyɛ min, wo wulun sɔgɔma, Kanan-Koe kanɛ a la, Isirɛla mɔgɛnu bɔra Ramɛsisi soe burɔ. Iyipiti mɔgɛnu bi anuna dannu togonna tumɛ min, Isirɛla mɔgɛnu bɔra nyɔ-mɔgɛ bɛɛ yala, anuna san, karɛ fɔlɛ tele tan-ni-loli ma.

Kɛwɔlɛnu 13:17

Ma benbanu bi sundanyɛ la Iyipiti dugi rɔ tumɛ min, Isirɛlata Alla ya ma benbanu ma a nyɛrɛtɛ la ka anu nasiyaya bɛrɛkɛ! Alla ya anu nabɔ Iyipiti a sɛnbɛ-bɛrɛbɛrɛ-wɛ la.

Tɔn-Fɔɛ-Fila-Nyɔgɛ 26:8

Mari Alla ya ma labɔ Iyipiti ata kabana-ko-sɛnbɛ la. A ya ko-makilannɛnu nadan ma ye tagama-kilɛ ma alako ma ni bɔ nyɔ.

Tɔn-Fɔɛ-Fila-Nyɔgɛ 32:27

Kɔnɔ a ma di Mari ye wo yogenu ni anu wasi wo la ko anu denu-denu ya wo nɔ bawo ale Mari nyɛrɛ-nyɛrɛ gbɛ le wo la.

Yasowa 11:20

Mari ya Isirɛla yogenu yisi gbɛlɛya alako anu ni Isirɛla mɔgɛnu kɛlɛ. Wo le ya a ma, Isirɛla mɔgɛnu si anu bira ka anu nato dogbe! Anu ma anu buri anu kɔrɔ. Mari ya a fɔ Musa ye nun ko anu kana kinikini anu fenfen ma.

Kɛlɛ-Kurugbɛnu 4:7

A ko a si Mansa Yebinta kɛlɛ-den-kun-tigi Sisara anubɛ ala kɛlɛ-dannu nana wo kan ma. Anu si wo kɛlɛ Kisɔn bɛ dala. Anu si na kirindinu na kɔnɔ hali wo, Mari ko a si a ma, wo ni anu nɔ.”