Biblia Todo Logo
Bìoball air-loidhne

- Sanasan -




Bɔ-Koe-Iyipiti 14:4 - ALLALA KUMƐ

4 N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Faic an caibideil Dèan lethbhreac




Bɔ-Koe-Iyipiti 14:4
36 Iomraidhean Croise  

I ya kabana-koenu nadan Iyipiti mansɛ kan ma ka wonu nadan Iyipiti kun-tiginu anubɛ nyamanita-mɔgɛnu kan ma. I ya wo ma le bawo i wara ila mɔgɛnuna tɔrɔya-nya yen anu bolo. I kɛ-nya le ya a ma, i ya tɔgɛ sɔrɔn, ado ha bi, i mankan ye nyɔ.


N bara ko-gbɛlɛmɛ minnu nana Iyipiti mɔgɛnu kuma ka anu kumakɔ nya min, wole si to wo fɔla wola dannu anubɛ wo mamanɛnu ye. Woletɔ wo damasi ni a lɔn ko Mari le nde la.”


Kɔnɔ Mari ya ale mansɛ yisi gbɛlɛya. A ma sɔn anu boloka-koe ma.


Musa banta kɛ fɔla nya min wo, Isirɛla mɔgɛnu ya a dabira ka a ma iko Mari ya a fɔ Musa anubɛ Aruna ye nya min.


Iyipiti kɛnu ya anu sagaran kɛn-gbalanɛ wo kuma Kɔgɔ-Yi-Wulan wo tɛma. Ale mansɛ anubɛ ala kɛlɛ-dannu tara anuna kirindinu na anubɛ anuna soeenu na anu bolo yi tɛ tɛgɛnɛ wo tɛma.


Mari le ya a ma, anuna kirindinu kian gbaranta nyɔ gbaku! Anu ta-koe mara kɔndɔfili la anu bolo. Woletɔ Iyipiti kɛnu ya a fɔ ko, “Ma ni ma bɔ yan kamasɔrɔn anuta Mari ye kɛlɛ kɛla anu ye.”


Ni wo ya wo ma, ale mansɛ si a miri ko Isirɛla mɔgɛnu kɔndɔ ara fili pirikali ko kilɛ ara to-a-rɔ anu ma wulɛ rɔ.


A lamɔɛn ale Iyipiti mansɛ bolo ko Isirɛla mɔgɛnu bara ban tala, ale mansɛ anubɛ ala mɔgɔ-banu ya anu miriya yɛlɛma anuna ko la. Anu ko, “Ma ara nfen ma kɛ? Ma ara nfen yuwaya-ko ladan kɛ la ka Isirɛla mɔgɛ kɛnu boloka. Ma ara foo mala yɔɔnnu na filili!”


Isirɛla mɔgɛnu bɔra Iyipiti nyamanɛ rɔ yisi-latɛgɛ rɔ Alla baraka rɔ kɔnɔ Mari ya ale Iyipiti mansɛ yisi gbɛlɛya tun ha anu ya Isirɛla mɔgɛnu sagaran.


N ya a lɔn kaka ko Mari kolo bɛsɛ bɛɛ ko bawo Iyipiti kɛ minnu tɛgɛnɛ Isirɛla mɔgɛnu tɔ, a ara wonu tɔrɔ kosɛbɛ!”


N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.


Mari ko tun, “Ale mansɛ si a lɔn kɛ le ma ko nde le Mari la. Sewuri min bi i bolo, i ni Nayɛli bɛ gbesi wo la. Bɛ wo si yɛlɛma yele la.


N si ale mansɛ yisi gbɛlɛya alako n ni nta kabana-ko-siyamɛ yira a la Iyipiti nyamanɛ rɔ.


N ba ban n bole farala Iyipiti kɛnu na tumɛ min ka nna mɔgɛnu nabɔ anu tɛma, Iyipiti kɛnu si a lɔn ko nde le Mari la.”


N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn.


Kɔnɔ n ya a bira n tɔ. Ni n ya wo ma nun, wo si ma nyɛrɛ-lafɛyɛ la n bolo sibolo-gbɛrɛnu yala bawo n bara ban a lagbɛla anu ye nun ko n si anu nabɔ Iyipiti.


Nde, i Tigi Marita kumɛ latenbi Saidon kɛnu ma. Saidon yoge le nde la. N bi nala min sigila Saidon soe ma, mɔgɛnu si n matɔgɔ wola ko la. N ba ban Saidon kɛnu tɔrɔla ka nta sɛninyɛ yira mɔgɛ bɛɛ la, mɔgɛnu bi a lɔnna wo le ma ko Mari le nde la.


N ba Iyipiti ma tonbɔn la tumɛ min ka a mɔgɛ bɛɛ kasara tɛrr, anu si a lɔn wo rɔ ko Mari le nde la.


A ko ale Mansa Kɔgi si bui Isirɛla mɔgɛnu ma ka tonkore sɔ anu na iko banda-fin-fɔnyɔ wa tonkore sɔ soe la. San-siyaman ba tenbi, a wati-bɛrɛ wa ke, ale Mari si Mansa Kɔgi sɔ ko a ni ata nyamanɛ kɛlɛ. Wo wa ma tumɛ min, wo si a yira sibolenu na ale Mari ye nya min. A ko a si ata sɛninyɛ yira sibolenu na ka a tɛgɛ a ye min mala ale Mansa Kɔgi la.


Wo wa ma tumɛ min, ale Mari si a yira sibole bɛɛ la ko a makawara, ado a sɛnima. Anu si a lɔn ko Mari le ale la.


Nyɔ-nyamanita-mɔgɛ bɛɛ si kofu togonni-kɛlɛnu ma, ado n ba nɔ-ko sɔrɔn lunyɛ min, Isirɛla mɔgɛnu si gbiliyɛ sɔrɔn. Nde, i Tigi Mari kan le kɛ la.


Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.


Iko a sɛbɛnɛ Allala kitabu rɔ nya min ko, “Alla ya anu yisi anubɛ anu hɛnkili rafaga. Ha bi, anu ti ke fen yenna anu yɛ la. Anu ti ke ko lamɔɛnna anu tole la.”


Alla ya a fɔ Iyipiti mansɛ ye ala kitabu rɔ ko a ara a ma mansɛ la alako a si ata sɛnbɛ yira a la nya min. A ya wo ma fanan alako duninya-mɔgɛ bɛɛ ni ale Alla mankan lamɔɛn.


Woletɔ Alla ye a fɛ ka kinikini min ma, a si kinikini wo ma. A ye a fɛ ka min yisi ragbɛlɛya, a si wo yisi ragbɛlɛya.


Mari ya Isirɛla yogenu yisi gbɛlɛya alako anu ni Isirɛla mɔgɛnu kɛlɛ. Wo le ya a ma, Isirɛla mɔgɛnu si anu bira ka anu nato dogbe! Anu ma anu buri anu kɔrɔ. Mari ya a fɔ Musa ye nun ko anu kana kinikini anu fenfen ma.


A ko a si Mansa Yebinta kɛlɛ-den-kun-tigi Sisara anubɛ ala kɛlɛ-dannu nana wo kan ma. Anu si wo kɛlɛ Kisɔn bɛ dala. Anu si na kirindinu na kɔnɔ hali wo, Mari ko a si a ma, wo ni anu nɔ.”


Lean sinn:

Sanasan


Sanasan