Bɔ-Koe-Iyipiti 14:3 - ALLALA KUMƐ

³ Ni wo ya wo ma, ale mansɛ si a miri ko Isirɛla mɔgɛnu kɔndɔ ara fili pirikali ko kilɛ ara to-a-rɔ anu ma wulɛ rɔ.

Bɔ-Koe-Iyipiti 14:3 Iomraidhean Croise

Yaburi 139:2

N bi ko-wo-ko ladanna, i ye wo kalama. Hali i fɛ-yan n na pon, i ya n miriyɛ bɛɛ lɔn.

Yaburi 139:4

Mari, yanni kumɛ ni bɔ n da rɔ, i ya a lɔn n bi min fɔla.

Yaburi 3:2

Anu bi a fɔla n ma ko, “Alla ti kɛ latanka.”

Yaburi 71:11

Anu bi a fɔla ko, “Alla ara ban a bolokala. Ma ni a sagaran ka a bira bawo ala tankala sa.”

Bɔ-Koe-Iyipiti 14:2

“A fɔ Isirɛla mɔgɛnu ye ko kan tinɛ do ye nyɔ min tɔgɛ Paihahirɔti min bi Migidɔli soe anubɛ Kɔgɔ-Yi-Wulan tɛma, anu ni sɛgi ka ta anu daga makɛ nyɔ rɔ. Anu ni ta anu daga makɛ Kɔgɔ-Yi-Wulan dafɛ Beyali-Sifɔn ya-telen ma.

Bɔ-Koe-Iyipiti 14:4

N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Isikiyɛli 38:17

A ko a ya a fɔ Isirɛla nɛbinu ye nun ko wati ye nala, a si a ma, mɔgɛ do ni na bui ata mɔgɛnu ma. A ko nba, mɔgɛ wo le ale Mansa Kɔgi kɛ la, yɔ! N Tigi Mari kan le kɛ la.

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

Tɔn-Fɔɛ-Fila-Nyɔgɛ 31:21

Wo le si a ma, n si gbalo-koe lana anu kuma. Hali wo, anu si to bɛti kɛ bɔla. Wo si ma sereyɛ la anu kan ma. Hali kaka, yanni anu ni ta lanyiri-nyamanɛ rɔ, n ya a lɔn min bi anu kɔntɔ.”

Kɛlɛ-Kurugbɛnu 16:2

Kesa mɔgɛnu ya a lɔn tumɛ min ko Samsin ye soe wo burɔ, anu ya anu kundɛn ka ta a makɔnɔ soe wo tarɛ-don-dɛ la kikudu! Anu ya a fɔ anu nyɔgɔn ye wɛwɛ rɔ ko, “Bandɛ wa ka, ma ni a faga.”

1 Samuwɛli 23:23

A si a dogon kan tinɛ min tɔ, wo ni nyɔ lɔn. Wo la a la serr, wo wa ban a wara-koe fɛsɛfɛsɛla wati min, wo ni na a fɔ n ye. Wo kɔma, mabɛ si ta wona. Ni a taranta a ye nyɔ le, n si a nyini Yuda nyamanɛ wo kan tinɛ bɛɛ rɔ.”

1 Samuwɛli 23:7

Mɔgɛ do ya a fɔ Mansa Sɔli ye ko Dawuda ara ta Kiyaila soe burɔ. Mansa Sɔli ya a fɔ ko, “Alla ara Dawuda don n bolo gbɛ! A ara a nyɛrɛ bira soe kɛ burɔ tarɛ mininɛ min ma.”