Bɔ-Koe-Iyipiti 13:3 - ALLALA KUMƐ

³ Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 13:3 Iomraidhean Croise

Ko-Dabirɛnu 15:16

Kɔnɔ i bɔnsɔn minnu bi donna yɔɔnyɛ rɔ, wonu bɔnsɔn nani nyɔgɛ wonu denu bi sɛgila nyamanɛ kɛ rɔ yan. Kɔnɔ anu ti don yan fɔ Amoranuna hakɛ da wa fa. Wo kɔma, n si anu gben.”

1 Ko-Kɔrɔta-Karan 16:12

Wole Yakoba kegeyɛnu, Alla ara wole min yabɔ ka ata wɔlɛ kɛ, wo ni wo miri kabana-koenu ma Alla ara minnu ma wo ye. A ara ala kiti-tɛgɛ-telennɛ minnu sa wo ye, wo ni wo miri wonu ma fanan.

Nihɛmaya 1:10

“Mari, i yandi, ita wɔli-kɛlɛ anubɛ ita mɔgɛ le anu na. I ya anu kunyɛ bɔ gbaran rɔ ita sɛnbɛ-makawanɛ la.

Nihɛmaya 9:10

I ya kabana-koenu nadan Iyipiti mansɛ kan ma ka wonu nadan Iyipiti kun-tiginu anubɛ nyamanita-mɔgɛnu kan ma. I ya wo ma le bawo i wara ila mɔgɛnuna tɔrɔya-nya yen anu bolo. I kɛ-nya le ya a ma, i ya tɔgɛ sɔrɔn, ado ha bi, i mankan ye nyɔ.

Yaburi 105:5

Wole Iburayima kegeyɛnu, Marita wɔli-kɛlɛ, kɔni, wole Yakoba kegeyɛnu, Alla ara wole minnu yabɔ, kɔni, Alla ara kabana-koe minnu ma, wo ni wo miri wonu ma. A ara gbalo minnu sigi wo yogenu ma, wo ni wo miri wonu ma fanan.

Yaburi 114:1

Isirɛla mɔgɛnu wuli bɔla Iyipiti, ado nyamani-gbɛrɛ wo bolokɛ ale Yakoba kegeyɛnu bolo,

Yaburi 136:11

A ya ata Isirɛla mɔgɛnu nabɔ Iyipiti nyamanɛ rɔ. Ala keninteyɛ dan sa.

Yaburi 136:12

A ya wo ma a kɔɛn-tagbɛlɛmɛ le la. Ala keninteyɛ dan sa.

Yaburi 89:14

Ila mansaya-kuri kɛnɛ tonyɛ anubɛ telenbagayɛ le la. I ye koe min bɛɛsi ladanna, ma ye ila hinɛ anubɛ lanayɛ yenna wonu tɔ.

Bɔ-Koe-Iyipiti 12:15

Mari ko tun, “San-bo-san, wo ni to biredi-yɛlɛbɛlɛ dɔnna tele wɔrɔnfila kɔrɔ. Wo ni isiti labɔ wola bɔnnu na a tele fɔlɛ ma. Ka a bɔ tele fɔlɛ wo ma ha ka ke a tele wɔrɔnfila nyɔgɛ ma, min ba biredi-yɛlɛnɛ dɔn, wo tigi si bɔ Isirɛla mɔgɛnu kurun tɔ.

Bɔ-Koe-Iyipiti 12:17

“Wo ni Biredi-Yɛlɛbɛlɛ wo Dɔn-Ladɛn kɛ bawo n bi wo bɔnsɔnnu nabɔla Iyipiti nyamanɛ rɔ tele wo nyɛrɛ le ma. Woletɔ san-bo-san, wo kebilɛnu anubɛ wo kegeyɛnu si tele wo bira ka a ma tele-sɛnimɛ la.

Bɔ-Koe-Iyipiti 12:19

Wo kana isiti-wo-isiti lamara wola bɔnnu na tele wɔrɔnfilɛ wo kɔrɔ. Ni min ya wo dɔn, wo ni wo tigi bɔ wo kurun tɔ, a mara sundan na wo, a mara duguran na wo.

Bɔ-Koe-Iyipiti 12:2

“Ka a dabira bi ma, karɛ kɛ si ma wola san karɛ fɔlɛ la.

Bɔ-Koe-Iyipiti 12:41

A san bi-sawa nyɔgɛ wo tele laban ma yɔ, anu ya Iyipiti nyamanɛ boloka wulɔn le.

Bɔ-Koe-Iyipiti 12:42

Anu ya anu hɛnkili to wo suyi ko bawo Mari ya anu nabɔ Iyipiti nyamanɛ rɔ ka a fonde to ata mɔgɛ wonu ko suyi wo nyɛrɛ rɔ. Suyi wo nyɛrɛ rɔ, Mari kira anu kumafɛlɛnna ha anu damasi banta bɔla Iyipiti nyamanɛ rɔ. Woletɔ san-bo-san, Isirɛla mɔgɛnu si ki anu ya la tele wo nyɛrɛ suyi rɔ.

Bɔ-Koe-Iyipiti 12:8

Anu si soge wonu mintan ka anubɛ yanba-kun-kunanɛ donu dɔn anubɛ biredi-yɛlɛbɛlɛ suyi wo nyɛrɛ rɔ.

Bɔ-Koe-Iyipiti 13:14

“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ.

Bɔ-Koe-Iyipiti 13:9

Iko hɛnkili-bila-fan min kirinɛ mɔgɛ bole anubɛ a telɛ la, ladɛn kɛnu si ma wo hɛnkili-bila-fan la wo nya na le ko Mari ya wole labɔ yɔɔnyɛ rɔ Iyipiti nyamanɛ rɔ ata sɛnbɛ la. Woletɔ Marila tɔnnu ni to wo yisi rɔ. Wo nagankuri ni nama a fɔ tinɛ wo sɛbɛ la tuma-wo-tuma.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Bɔ-Koe-Iyipiti 20:8

“Wo ni wo hɛnkili to Sulen-Tele ko ka tele-sɛnimɛ wo bira gben!

Bɔ-Koe-Iyipiti 23:15

“Wo ni Biredi-Yɛlɛbɛlɛ-Dɔn-Ladɛn kɛ. Wo ni to biredi-yɛlɛbɛlɛ dɔnna tele wɔrɔnfila kɔrɔ wo wati-latɛgɛnɛ rɔ Abibu karɛ la iko n ya a fɔ wo ye nya min. Wo si ladɛn wo kɛ karɛ wo ma kamasɔrɔn wo bɔra Iyipiti nyamanɛ rɔ karɛ wo le la. “Wo ni Dɔn-Fen-Kun-Fɔlɛ-Ladɛn fanan kɛ, sɛnita-fen fɔlɔtɛ tɛgɛ-wati. Wo wa ban wola ki-fannu kerila wati min, wo ni Lele-Sɔɛ-Ladɛn kɛ. “Mɔgɔ-wo-mɔgɔ bolo lakolɔn kana na ladɛn kɛnu kuma.

Bɔ-Koe-Iyipiti 3:20

N si nta ko-makilannɛnu yira Iyipiti mɔgɛnu na ka anu tɔrɔ. Wo kɔma, ale mansɛ si wo boloka.

Bɔ-Koe-Iyipiti 34:18

“Wo ni Biredi-Yɛlɛbɛlɛ-Dɔn-Ladɛn kɛ. Wo ni to biredi-yɛlɛbɛlɛ dɔnna tele wɔrɔnfila kɔrɔ a wati-latɛgɛnɛ rɔ Abibu karɛ la iko n ya a fɔ wo ye nya min. Wo si ladɛn wo kɛ karɛ wo ma kamasɔrɔn wo bɔra Iyipiti nyamanɛ rɔ karɛ wo le la.

Bɔ-Koe-Iyipiti 6:1

Mari ya a fɔ Musa ye ko, “N si na min ma ale mansɛ la, i si wo yen i nyɛrɛ yɛ la kaka. Nta sɛnbɛ si a ma, a ni wo boloka, ado a si wo gben ka wo labɔ ata nyamanɛ rɔ.”

Bɔ-Koe-Iyipiti 6:6

“Woletɔ a fɔ Isirɛla mɔgɛnu ye ko nde le anuta Mari la min si anu bɔ Iyipiti kɛnuna wɔlɛ kɔrɔ. N si anu bɔ yɔɔnyɛ rɔ ka anu kunka nta sɛnbɛ-makawanɛ la. N si Iyipiti mɔgɛnu tɔrɔ bɛrɛkɛ!

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Bɔ-Koe-Iyipiti 7:4

Kɔnɔ ale mansɛ ti a tole masɔ wola kumɛ la. N si n bole fara Iyipiti nyamanɛ la. N si nna mɔgɛnu nabɔ Iyipiti nyamanɛ rɔ kabana-koenu fɛ.

Yɛrɛmaya 34:13

wole, ala mɔgɛnu ye ko a ya wo benbanu bɔ yɔɔnyɛ rɔ Iyipiti tumɛ min, a ya sarama-kan kiri anubɛ wo benbanu tɛma. A ko

Daniyɛli 9:15

“E, ma Tigi Alla, i nara ila mɔgɛnu na ka bɔ Iyipiti nyamanɛ rɔ tumɛ min, i ya ita sɛnbɛ-makawanɛ yira anu na wulɔn. Ha bi, ma ye ma mirila ita kabana-ko-sɛnbɛ wo ma. Kɔnɔ hali wo, ma ara hakɛ kɛ ka karagbɛlɛyɛ sigi i la.

Matiyu 10:12

Wo wa don bɔn la tumɛ min, wo ni a fɔ ko, ‘Alamɛ yisi-kimɛ dira wo ma.’

Luka 22:19

Wo kɔma, a ya biredi bi ka baraka bira Alla ye. A ya a rakerikeri ka a di anu ma. A ko, “N fɛrɛ-bɔnkɛ le kɛ la n bara min ni wola ko la. Wo ni kɛ ma alako wo hɛnkili si to n ko nya min.”

1 Kɔrɛnti 11:24

ka baraka bira Alla ye. A ban a rakerila, a ko, “N fɛrɛ-bɔnkɛ le kɛ la min bi wola ko la. Wo ni kɛ dɔn alako wo yili ni to n ko nya min.”

1 Kɔrɛnti 5:8

Ma ni mala ladiyɛ wo kɛ a kilɛ fɛ. Ma kana a kɛ hakɛ anubɛ wunduyogoyɛ la ma bolo min manɛ iko biredi-yɛlɛ-fan. Ma ni a kɛ sɛninyɛ anubɛ tonyɛ la min manɛ iko biredi-yɛlɛ-fen sa dɛgɛ min tɔ.

Ɛfɛsa 1:19

Wo ni ata sɛnbɛ-waranɛ lɔn min bi wɔlila male dɛnkɛninya-mɔgɛnu tɔ. Sɛnbɛ wo min bi male rɔ,

Tɔn-Fɔɛ-Fila-Nyɔgɛ 13:10

Wo ni a mabon kuri la bawo ale le ye kɛwuyɛ ladan-koe rɔ ka wo bɔ wo Mari Allata kilɛ fɛ min ya wole labɔ yɔɔnyɛ rɔ Iyipiti.

Tɔn-Fɔɛ-Fila-Nyɔgɛ 13:11

Ni wo sɔnta mɔgɔ-sufa wo mabonna, Isirɛla mɔgɛ toenu ba wo lamɔɛn tumɛ min, anu si kilan kɛwuya-su wo ladanna anu ta-nyɔgɛnu na wo rɔ.

Tɔn-Fɔɛ-Fila-Nyɔgɛ 13:5

Ni wɔlɔyi anubɛ kiyo-kɔrɔ-takarannɛ do ya wo labila kɛwuyɛ do la alako wo ni murutiya Alla ma, wo si wo tigi faga. Wota Mari le ya wo kunka ka wo labɔ Iyipiti nyamanɛ rɔ. Maritɛ le wole la gbɛ! Mɔgɔ-sufa wo yogo. A sɔgɛ ye mɔgɔ-sufa wo la ka wo labɔ Allata kilɛ fɛ. Wo si a faga alako ka ko-yogoma-sufa wonu nabɔ wo tɛma.

Tɔn-Fɔɛ-Fila-Nyɔgɛ 13:6

“Ni a sɔgɛ ya mɔgɛ do bira ka mɔgɛ do sagan kɛwuyɛ la bɛsi-kɔ-koe rɔ, hali wobɛ wo benbanu ma minnu kɔ tele-kelen-bɛrɛni, wo kana kinikini wo mɔgɔ-su ma. Hali a mara i na-kelen-nyɔgɛ le la wo, i halala-dan la wo, i diyana-musi la wo, i diyana-mɔgɔ-bɛrɛ la wo, wo kana mɔgɛ wo madɛnbɛ.

Tɔn-Fɔɛ-Fila-Nyɔgɛ 16:1

Musa ya Mari kuman-kan latenbi Isirɛla mɔgɛnu ma ko, “Wo dama si Kanan-Ko-Ladiyɛ kɛ Abibu karɛ ma. Mari ya wo labɔ yɔɔnyɛ rɔ Iyipiti nyamanɛ rɔ suyi rɔ karɛ wo le la. Wo ni kɛ ma ka wota Mari Alla gbiliya.

Tɔn-Fɔɛ-Fila-Nyɔgɛ 16:12

Wo ni tɔn kɛnu bira de bawo wo ni la a la ko wole fanan bi yɔɔnyɛ rɔ Iyipiti nyamanɛ rɔ nun.”

Tɔn-Fɔɛ-Fila-Nyɔgɛ 16:3

Wo si anubɛ biredi dɔn isiti sa min tɔ. Wo si to biredi wo dɔnna tele wɔrɔnfila kɔrɔ iko wo burimatoe ya a ma nya min wo tumɛ wo ye bɔla Iyipiti nyamanɛ rɔ. Wo si biredi kɛ kele tɔrɔya-biredi. Wo tenbi a dɔnna, wo si wo miri wo tele ma wo bɔra tɔrɔyɛ rɔ lunyɛ min.

Tɔn-Fɔɛ-Fila-Nyɔgɛ 24:18

Wo ni wo miri ko wole fanan bi yɔɔnyɛ rɔ nun Iyipiti nyamanɛ rɔ kɔnɔ wota Mari Alla ya wo hɔrɔya. Woletɔ Mari Alla ya tɔn kɛnu di wo ma.

Tɔn-Fɔɛ-Fila-Nyɔgɛ 24:22

Wo ni wo miri wole fanan bi tɔrɔyɛ rɔ nun yɔɔnyɛ rɔ Iyipiti nyamanɛ rɔ. Woletɔ wota Mari Alla ya tɔn kɛnu di wo ma.”

Tɔn-Fɔɛ-Fila-Nyɔgɛ 26:8

Mari Alla ya ma labɔ Iyipiti ata kabana-ko-sɛnbɛ la. A ya ko-makilannɛnu nadan ma ye tagama-kilɛ ma alako ma ni bɔ nyɔ.

Tɔn-Fɔɛ-Fila-Nyɔgɛ 4:34

Ka a bi fɔlɔfɔlɔ ma ha ka a sigi kaka la, ha bi, wo ara a yen bɛsɛ ara sibole do kunka iko Alla ya wo kunka Iyipiti nyamanɛ rɔ wati min sibolo-gbɛrɛkɛ bolo wa, ka anu ma ata mɔgɛnu na a nyɛrɛ ye? Wo nyɛrɛ yala serr, Mari ya ata kabana-koenu mayira ka kɛlɛ kɛ wo ye ka ko-makawanɛnu kɛ anubɛ ka ko-makilannɛnu kɛ.

Tɔn-Fɔɛ-Fila-Nyɔgɛ 5:6

ale le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 6:12

Wo ni a ma wo fɛrɛma, wo kana nyina Mari ko min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 6:21

Wo si anu yabi ko, ‘Wo tumɛ ma ye yɔɔnyɛ rɔ Iyipiti mansɛ kɔrɔ, wo wati rɔ, Mari ya ma bɔ nyɔ ata sɛnbɛ la.

Tɔn-Fɔɛ-Fila-Nyɔgɛ 7:8

Mari ya wo kunka ka wo bɔ yɔɔnyɛ rɔ Iyipiti mansɛ bolo bawo a ya wo keni, ado a sɔgɛ ye a la, a ya lanyiri min kiri wo benbanu ye, a si wo kanbali.

Tɔn-Fɔɛ-Fila-Nyɔgɛ 8:14

wonu ka a ma, wo ni wasi ka nyina wota Mari Alla ko min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 9:12

Wo kɔma, Mari ya a fɔ nde ye ko, ‘I buri yigila kɔnkɛ kɔrɔ tiriya bawo i nara mɔgɛ minnu na ka bɔ Iyipiti nyamanɛ rɔ, wonuna ko-yogoma-ladan ara a ma, anu bara anu nyɛrɛ kɔsɔ. N ma n tade lefan, n ya min fɔ anu ye, anu bara anu kan-kɔ sɔ wo la. Nba, i yɛ lata de! Anu bara bɛsɛ ladan anu nyɛrɛ ye.’

Yasowa 24:17

Mata Mari Alla le Alla kelen pe la min ya ma benbanu bɔ yɔɔnyɛ rɔ Iyipiti nyamanɛ rɔ. Ma ya kabana-ko-wɛnu yen ma nyɛrɛ yɛ la wo tumɛ ma ye yilan-yilanna wulɛ rɔ. A ya ma tanka ma kɛlɛ-nyɔgɛnu ma ma tagamanta kan-tina min bɛɛ rɔ.

Kɛlɛ-Kurugbɛnu 2:12

Anu benbanuta Mari Alla min bɔra anu na Iyipiti nyamanɛ rɔ, anu ya anu ban wo la. Anu ya mɔgɛ minnu taran nyɔ, wonu bi bɛsɛ minnu kɔla, anu denu fanan donta bɛsɛ wonu kɔɛ rɔ. Wo le ya a ma, Mari fonde bɔra anu kuma.

Kɛlɛ-Kurugbɛnu 6:8

Isirɛla mɔgɛnuta Mari Alla ya nɛbi do lana anu ma. A ya a fɔ ko, “Mari ko ale le ya wole labɔ yɔɔnyɛ rɔ Iyipiti ka wo lana yan.