Bɔ-Koe-Iyipiti 12:8 - ALLALA KUMƐ

⁸ Anu si soge wonu mintan ka anubɛ yanba-kun-kunanɛ donu dɔn anubɛ biredi-yɛlɛbɛlɛ suyi wo nyɛrɛ rɔ.

Bɔ-Koe-Iyipiti 12:8 Iomraidhean Croise

2 Ko-Kɔrɔta-Karan 35:13

Lifayinu ya Kanan-Koe saraka-sogenu mintan iko a bɛnta, anu ni a ma nya min. Wo kɔma, anu ya daga-wɛnu anubɛ daga-mabɛnnɛnu anubɛ daga-dɔgɔmanɛnu bi alako ka sogo-sɛnimɛ wonu te. Anu ban anu tela, anu ya a ratala mɔgɛnu na.

Yaburi 22:14

N sɛnbɛ bɛɛ ara ban fegba iko yi wa bon dugi ma. N natugurun-nya bɛɛsi ara bɔ anu nyɔgɔn na. N yisi ara lee iko li-kɛɛn.

Bɔ-Koe-Iyipiti 1:14

Anu ya wɔlɛ lagbɛlɛya anu kuma ka anu tɔrɔ ha ka anu niyi-sɔgɛ labɔ anu na. Anu ya anu sɔ bɔnku-laboro-ko-wɔlɛ la, anubɛ bulɔku-gbesi-ko-wɔlɛ, anubɛ bintɔ-wɔlɛ sufa bɛɛ. Anu ya anu sɔ wɔlɛ minnu na, anu ma kinikini anu ma wɔlɛ wonu kɛ tinɛ.

Bɔ-Koe-Iyipiti 12:9

Anu kana a kuran dɔn. Anu kana a tenɛ dɔn fɔ ka anu mintan. A kunyɛ anubɛ a kiannu anubɛ a burɔ-fan bɛɛsi ni mintan gburr!

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 23:18

“Isiti kenɛ fenfen tɔ, wo kana wonubɛ kolo-fen-sarakɛ di n ma anu nyɔgɔn fɛ. “Wo ye sarakɛ minnu bɔla ladɛn kɛnu tɔ, wo kana wonu kɛɛn namara ha sɔgɔma.

Bɔ-Koe-Iyipiti 34:25

“Wo tenbi kolo-fen-sarakɛ dila nde ma tumɛ min, wo kana anubɛ biredi di nde ma nya-kun-kelen isiti ye min tɔ. Wo kana saraka-sogo-toe to ha sɔgɔma Kanan-Ko-Ladiyɛ kuma.

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Emɔsi 4:5

Ni a di wo ye fanan, wo ni na wola biredinu na wo bolo wasinteyɛ la ka a ma baraka-bira-kɔ-fannu na iko a di wo ye nya min. Wo ye wo nyɛrɛ matagbala kɔ-fan minnu di-koe rɔ, ni a di wo ye, wo ni to wo nyɛrɛ matɔgɔla iko a di wo ye nya min. Nba, Mari ko bawo ko-sufa wonu di wole, Isirɛla mɔgɛnu ye, awa, wo ni to wo sufanu mala iko a di wo ye nya min.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Matiyu 16:12

Wo kɔma, ala karan-dannu bara a nya-yen de gbɛ ko a sa kumala biredi-yɛlɛ-fan wara-koe la, fɔ anu ni a ma anu fɛrɛma Farisi anubɛ Sadusinuna karanla ko la.

Matiyu 26:26

Anu bi fen dɔnla tumɛ min, Yisa ya biredi bi. A ya baraka-bira-madiyali kɛ. A ya a rakerikeri ka a di ala karan-dannu ma. A ko, “Wo ni biredi kɛ bi ka a dɔn. N fɛrɛ-bɔnkɛ le kɛ la.”

Kalesiya 5:9

Iko anu bi a fɔla nya min, “Biredi-yɛlɛ-fan doni si a ma, biredi wo bɛɛ ni yɛlɛ.”

Tɔn-Fɔɛ-Fila-Nyɔgɛ 16:7

Wo si soge wonu te ka anu dɔn Marita kan-tina-yabɔnɛ wo rɔ. Wo banda kɛ, wo si sɛgi wo warɛ.

1 Tɛsalonaika 1:6

Wo ya malebɛ Mari ma wola misalɛnu na. Wo tɔrɔta kosɛbɛ kɔnɔ hali wo, wo ya karan wo bira sewɛ la, ado sewa-sufa wo ye bɔla ata Ni-Sɛnimɛ le bolo.