Bɔ-Koe-Iyipiti 12:7 - ALLALA KUMƐ

⁷ Anu si kolo-fan wonu dɔn bɔn minnu na, anu ni kolo-fan wonu yele do bi ka a susa bonda-dɛ tɔnkɔn filɛ ma anubɛ dɛ kumɛ.

Bɔ-Koe-Iyipiti 12:7 Iomraidhean Croise

1 Mansɛnu 6:31

Anu ya Sɛnima-Sɛnima-Tinɛ wo kankan filɛ ladan iko sɔpu dɛ ka anu kun tɛmɛ lamosɔ. Anu ya wonu nadan ɔlifi fɛrɛn-hakikɛnu na.

Bɔ-Koe-Iyipiti 12:13

Yele susanɛ bɔn minnu dɛ ma, yele wonu si ma tamasere la. Ni n ya tamasere wo yen bɔn minnu dɛ ma, n bi nta fitinɛ min nanala Iyipiti kɛnu ma, wo ti ke nyɔ.

Isikiyɛli 9:4

“Yerusalɛm soe mumɛ ratagama. Ni i ya min yisi-tɔrɔnɛ yen a ma soe kɛ burɔ ko-yogomɛnuna ko la, i ni tamasere sa wo tigi telɛ ma.”

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Tɔn-Fɔɛ-Fila-Nyɔgɛ 11:20

Wo ni anu sɛbɛ wola bonda-dɛ tɔnkɔn filɛ ma anubɛ wola soenu tarɛ-don-dɛ ma.

Hiburunu 10:14

A ara mɔgɛnu sɛninya anu hakɛ ma ka anu natelen Alla yala ata saraka kelen pe le fɛ habadan!

Hiburunu 10:29

Nba, ni anu ma kinikini mɔgɔ-su wo ma, mɔgɛ min bi Allata dan lafɛyala don? Wotɛ si ma kama? Alla ya lanyiri kiri yele min fɛ, ni min ya wo bi iko fan min dɛ ma gbɛlɛ, wotɛ si ma kama? Ado nfan, yele wo ya a sɛninya. Ata Ni-Sɛnimɛ min si hina ma la, min bi wo lafɛyala don? Wo si tɔrɔyɛ min nyɔgɔn sɔrɔn, i miri wo ma tun!

Hiburunu 11:28

Dɛnkɛninyɛ le fɛ, a ya Kanan-Ko-Ladiyɛ dabira mɔgɛnu tɛma ka yele purupuru bonda-dɛnu ma alako niyi-tɛgɛ-melika kana Isirɛla mɔgɛnuna sarɛnu faga.

Hiburunu 9:22

Nba, fan bɛɛ ni sɛninya yele la iko tɔn ya a fɔ nya min, ado ni yele ma bɔ, hakɛ ma ti koto mumɛ!

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.